10 அம்ச கோரிக்கைகளை வலியுறுத்தி சென்னையில் கல்லூரி ஆசிரியர்கள் உண்ணாவிரதம்

சென்னை: அரசு உதவி பெறும் கல்​லூரி ஆசிரியர்​களுக்​கு, பணி மேம்​பாடு ஊதி​யம் மற்​றும் நிலு​வைத் தொகையை உடனடி​யாக வழங்​கு​வது உள்ளிட்ட 10 அம்ச கோரிக்​கைகளை வலி​யுறுத்​தி, சென்​னை​யில் கல்​லூரி ஆசிரியர்​கள் நேற்று உண்​ணா​விரதம் இருந்தனர்.

பல்​கலைக்​கழக ஆசிரியர் சங்​கம் (ஏயுடி) மற்​றும் மதுரை காம​ராஜர், மனோன்​மணீ​யம் சுந்​தர​னார், அன்னை தெர​சா, அழகப்பா பல்​கலைக்​கழக ஆசிரியர் சங்​கம் (மூட்​டா) சார்​பில், அரசு உதவி பெறும் கல்​லூரி ஆசிரியர்​களின் ஒரு​நாள் அடை​யாள உண்​ணா​விரத போராட்​டம் சென்​னை​யில் நேற்று நடை​பெற்​றது.

ஏயுடி தலை​வர் பேராசிரியர் ஜெ.​காந்​தி​ராஜ், மூட்டா தலை​வர் பேராசிரியர் பி.கே.பெரிய​சாமி ராஜா ஆகியோர் தலை​மை​யில் நடை​பெற்ற இந்த உண்​ணா​விரதத்​தில், 200-க்​கும் மேற்​பட்டோர் பங்​கேற்​றனர்.

அரசு உதவி பெறும் கல்​லூரி ஆசிரியர்​களுக்கு பணி மேம்​பாடு ஊதி​யம் மற்​றும் நிலு​வைத் தொகையை உடனடி​யாக வழங்​கு​வது, யுஜிசி நெறி​முறை​களின்​படி கல்​லூரி ஆசிரியர்​களுக்கு எம்ஃபில் மற்​றும் பிஎச்டி பட்​டத்​துக்கு ஊக்க ஊதி​யம் வழங்​கு​வது, பணி​யில் உள்ள ஆசிரியர்​களின் இணை பேராசிரியர் பதவி உயர்​வுக்கு பிஎச்டி கட்​டா​யம் என்ற விதி​முறையை தளர்த்​து​வது, அரசு ஊழியர்​களுக்கு மீண்​டும் பழைய ஓய்​வூ​திய திட்​டத்தை அமல்​படுத்​து​வது, தனி​யார் பல்​கலைக்​கழக சட்​ட மசோ​தாவை முற்​றி​லு​மாக கைவிடு​வது என்பன உள்ளிட்ட 10 கோரிக்​கைகள் போராட்​டத்​தின்போது வலி​யுறுத்​தப்​பட்​டன.

ஏயுடி செய​லா​ளர் ஏ.சே​வியர் செல்​வகு​மார், பொருளாளர் ஜெ.​சார்​லஸ், மூட்டா செய​லா​ளர் ஏ.டி.செந்​தாமரை கண்​ணன், பொருளாளர் ஆர்​.​ராஜா ஜெய சேகர் உள்​ளிட்ட நிர்​வாகி​கள் கோரிக்​கைகள் குறித்து விளக்​கவுரை ஆற்றினர்.