நீர்நிலைகளில் மூழ்கி உயிரிழந்த 4 பெண்கள், 2 குழந்தைகளின் குடும்பங்களுக்கு முதல்வர் நிவாரண நிதியிலிருந்து தலா ரூ.3 லட்சம் நிவாரணம்

திரு​வள்​ளூர்: கடல் மற்​றும் கோயில் குளத்​தில் மூழ்கி உயி​ரிழந்த, திரு​வள்​ளூர் மாவட்​டத்​தைச் சேர்ந்த 4 பெண்​கள், 2 குழந்​தைகளின் குடும்​பங்​களுக்கு முதல்​வரின் பொது நிவாரண நிதி​யில் இருந்து தலா ரூ.3 லட்​சத்தை நேற்று அமைச்​சர் சா.​மு.​நாசர் வழங்​கி​னார்.

திரு​வள்​ளூர் மாவட்​டம், கும்​மிடிப்​பூண்​டி​யில் உள்ள தனி​யார் துணிக்​கடை ஊழியர்​களான, கும்​மிடிப்​பூண்​டி- பெத்​திக்​குப்​பத்​தில் உள்ள இலங்​கைத் தமிழர் மறு​வாழ்வு முகாமைச் சேர்ந்த தேவகி (30), தேர்​வழியைச் சேர்ந்த காயத்ரி (18), பெரியஓபுளாபுரத்​தைச் சேர்ந்த ஷாலினி (18), பொன்​னேரி அருகே கோளூரைச் சேர்ந்த பவானி (19) ஆகியோர் கடந்த அக். 31-ம் தேதி எண்​ணூர், பெரியகுப்​பம் பகு​தி​யில் கடலில் குளித்​துக் கொண்​டிருந்​த​போது, கடல் அலை​யில் சிக்​கி, நீரில் மூழ்கி உயி​ரிழந்​தனர்.

திரு​வேற்​காடு அருகே உள்ள அயனம்​பாக்​கம், மகாத்மா காந்தி நகர்- பொன்​னி​யம்​மன் கோயில் தெரு​வைச் சேர்ந்​தவர்​கள் தமீம் அன்​சாரி என்​கிற தமிழரசு (32)- வசந்​தி (26) தம்​ப​தி. இத்​தம்​ப​தி​யின் குழந்​தைகளான ரியாஸ் (5), ரிஸ்​வான் (3) ஆகியோர் கடந்த 1-ம் தேதி வீட்​டின் அருகே உள்ள பொன்​னி​யம்​மன் கோயில் குளத்​தில் தவறி விழுந்து நீரில் மூழ்கி உயி​ரிழந்​தனர்.

இவர்​களின் குடும்​பத்​துக்கு முதல்​வரின் பொது நிவாரண நிதியி​லிருந்து தலா ரூ.3 லட்​சம் வழங்க ஏற்​கெனவே தமிழக முதல்வர் ஸ்​டா​லின், சம்​பந்​தப்​பட்ட அதி​காரி​களுக்கு உத்​தர​விட்​டார். அதன் அடிப்​படை​யில், கடலில் மூழ்கி உயி​ரிழந்த 4 பெண்களின் குடும்​பங்​களுக்கு அமைச்​சர் சா.​மு.​நாசர் நேற்று கும்​மிடிப்​பூண்டி வட்​டாட்​சி​யர் அலு​வல​கத்​தில் ஆறு​தல் கூறி, முதல்​வரின் பொது நிவாரண நிதியி​லிருந்து தலா ரூ.3 லட்​சம் வீதம், ரூ.12 லட்​சத்​துக்​கான காசோலைகளை வழங்​கி​னார்.

கோயில் குளத்​தில் மூழ்கி உயி​ரிழந்த ரியாஸ், ரிஸ்​வான் ஆகியோரின் பெற்​றோருக்கு நேற்று திரு​வேற்​காடு நகராட்சி அலு​வல​கத்​தில் அமைச்​சர் ஆறு​தல் கூறி, முதல்​வரின் பொது நிவாரண நிதியி​லிருந்து தலா ரூ.3 லட்​சம் வீதம், ரூ.6 லட்​சத்​துக்​கான காசோலைகளை வழங்​கி​னார். இந்​நிகழ்​வு​களின்​போது, திரு​வள்​ளூர் ஆட்​சி​யர் பிர​தாப், பொன்​னேரி சார் ஆட்​சி​யர் ரவி​கு​மார், கும்​மிடிப்​பூண்டி வட்​டாட்​சி​யர் சுரேஷ்கு​மார், எம்​எல்ஏ டி.ஜெ.கோ​விந்​த​ராஜன், திரு​வேற்​காடு நகராட்சி தலை​வர் என்​.இ.கே.மூர்த்​தி, ஆணை​யர் ராமர்.

பூந்​தமல்லி வட்​டாட்​சி​யர் உதயம் உடனிருந்​தனர். மேலும், கும்​மிடிப்​பூண்டி - பெத்​திக்​குப்​பம் இலங்​கைத் தமிழர் மறு​வாழ்வு முகாமில் புதி​தாக கட்​டப்​பட்டு வரும் 198 வீடு​களின் கட்​டு​மான பணி​கள், சாலை, மழைநீர் வடி​கால்​வாய்​கள் அமைக்​கும் பணி​கள் தொடர்பாக அமைச்​சர் சா.​மு.​நாசர் பார்​வை​யிட்​டு, ஆய்​வுசெய்​து, சம்​பந்​தப்​பட்ட அதி​காரி​களுக்​கு உரிய அறி​வுறுத்​தல்​களை வழங்​கினார்.