கல்வி மறுக்கப்பட்ட சமூகங்கள் உயர திராவிட இயக்கமே காரணம்: முதல்வர் ஸ்டாலின் பெருமிதம்   

சென்னை: ஒரு​காலத்​தில் கல்வி மறுக்கப்​பட்ட சமூகங்​கள் உயரக் காரணம் திரா​விட இயக்​கம் என்று முதல்வர் ஸ்டா​லின் தெரிவித்​தார்.

திருச்சி பார​தி​தாசன் மேலாண்​மைக் கல்வி நிறு​வனத்​தின் (பிம்) 33-வது பட்​டளிப்பு விழா சென் னையில் நேற்று நடை​பெற்​றது. முதல்​வர் ஸ்டா​லின் மாணவ, மாணவி​களுக்கு பட்​டங்​களை வழங்​கி பேசி​ய​தாவது: இந்​தி​யா​விலேயே உயர்​கல்​வி​யில் சிறந்த மாநில​மாக தமிழகம் திகழ்​கிறது. உயர்​கல்வி சேர்க்கை விகிதம், என்​ஐஆர்​எஃப் தரவரிசை என பல குறி​யீடு​கள் அதற்கு சான்​றாக உள்​ளன.

ஒரு​காலத்​தில் கல்வி மறுக்​கப்​பட்ட சமூகங்​கள் இன்று படித்து முன்​னேறி, உலகம் முழு​வதும் மிக உயர்ந்த இடத்​தில் இருக்க காரணம் திரா​விட இயக்கம். இந்த அடித்​தளத்​தில், உயர்​ கல்​வி​யில் தலைசிறந்த தமிழகத்தை கட்​டமைத்​தவர் கருணாநி​தி. அதன் தொடர்ச்​சி​யாகவே, முதல்​வரின் காலை உணவு, தமிழ்ப் புதல்​வன், புது​மைப்​பெண், நான் முதல்​வன், அறிவியல் ஆய்​வு​களை ஊக்​குவிக்க முதல்​வரின் ஆய்​வுத் திட்ட நிதி உதவி, மாதிரிப்பள்​ளி​கள், தகை​சால் பள்​ளிகள் என்று பல முன்​னோடி திட்​டங்​களை திரா​விட மாடல் அரசு செயல்​படுத்தி வரு​கிறது.

இந்த செயற்கை நுண்ணறிவு (ஏஐ) காலத்​தில், உங்​களது நேர்​மை​தான் உங்​கள் அறிவை அளவிட உதவும். வெற்​றிக்​கும், ஒழுக்​கத்​துக்​கும் இடையே சம நிலை மிக​வும் அவசி​யம். எத்​தனை மாற்​றங்​கள், வளர்ச்​சிகள் வந்​தா​லும், சில அடிப்​படைகள் எப்​போதும் மாறாது. அதில் மாணவர்கள் உறு​தி​யாக இருக்க வேண்​டும். எந்தச் சூழலிலும் நேர்​மை, நம்​பிக்​கை, பொறுப்பு ஆகிய வற்றை கைவி​டாதீர்​கள். எங்கு சென்றாலும், துணிச்​சலாக தெளி​வாக அன்​போடும் அறத்​தோடும் செயல்​படுங்​கள்.

உயர உயரச் செல்​லும்போது, கீழே இருப்​பவர்​களையும் கை தூக்கி விட​வேண்​டும். இது​தான் உண்​மை​யான தலை​மைத்​துவ பண்​பு. இன்​றைய நவீன உலகத்​தில் பல்​வேறு பன்​னாட்​டுப் பெரு நிறு​வனங்​களின் தலைமை அதி​காரி​களாக நீங்​கள் வர வேண்​டும். பல புதிய நிறு​வனங்​களை உரு​வாக்க வேண்​டும். இவ்​வாறு முதல்​வர் பேசி​னார். விழா​வில் மொத்​தம் 197 பேர் பட்​டம் பெற்​றனர். இந்த நிகழ்​வில், உயர்​கல்​வித் துறை செயலர் பொ.சங்​கர், ‘பிம்’ தலை​வர் ரவி அப்​பா​சாமி, நிர்​வாகக் குழு உறுப்​பினர் என்​.​பால​பாஸ்​கர், தேர்வு கட்​டுப்​பாட்டு அலு​வலர் ஜெயகிருஷ்ணா, முதுகலை துறை தலை​வர் ராகவேந்​தி​ரா, பேராசிரியர்​கள்​,மாணவ, மாணவி​கள்​, பெற்​றோர்​ பங்​கேற்​றனர்​.