மின்மாற்றிகள் வாங்க நுகர்வோருக்கு அனுமதி: காலதாமதத்தை தவிர்க்க மின்வாரியம் ஏற்பாடு

சென்னை: மின்​மாற்​றிகளை நுகர்​வோரே வாங்க மின்​வாரி​யம் அனு​மதி வழங்​கி​யுள்​ளது. தமிழ்​நாடு மின்​வாரி​யம் மின்​சா​ரம் உற்​பத்தி செய்து நுகர்​வோருக்கு விநி​யோகம் செய்து வரு​கிறது.தமிழத்​தில் தற்​போது 3.36 கோடி மின்​நுகர்​வோர் உள்​ளனர். உற்​பத்தி நிலை​யங்​களில் உற்​பத்​தி​யாகும் மின்​சா​ரம் ஒவ்​வொரு பகு​திக்​கும் உள்ள துணை மின்​நிலை​யங்​கள் வாயி​லாக அந்த குறிப்​பிட்ட பகு​திக்கு மின்​சா​ரம் விநி​யோகம் செய்​யப்​படு​கிறது.

இந்த நேரடி மின்​னோட்​ட​மாக செல்லும் மின்​சா​ரத்தை மாற்று மின்​னோட்​ட​மாக மாற்​ற மின்​மாற்​றிகள் பயன்படுகின்றன. ஒரு சில இடங்​களில் புதி​தாக மின்​மாற்றி அமைக்க வேண்​டிய நிலை ஏற்​படு​கிறது. இதற்​காக மின்​மாற்​றிகள் கொள்​முதல் செய்​யும்​போது கால​தாமதம் ஏற்​படு​வ​தால் இணைப்பு வழங்க அதிக காலம் எடுக்​கிறது.

இந்​நிலை​யில் நுகர்​வோரே மின்மாற்​றிகள் வாங்கித் தர மின்​வாரி​யம் அனு​மதி வழங்​கி​யுள்​ளது.இதுகுறித்து வாரிய அதி​காரி​கள் கூறிய​தாவது: விருப்​ப​முள்ள நுகர்​வோர் முதல் தரநிலை ஆற்​றல் திறன் கொண்ட மின்​மாற்​றிகளை வாங்​கித் தர ஒப்​புதல் அளிக்​கப்​பட்​டுள்​ளது. எத்தனை அளவுள்ள மின்மாற்றிகள் என்ன விலை​யில் வாங்க வேண்​டும் என்​பது குறித்தும் தெரிவிக்​கப்​பட்​டுள்​ளது.

இதன்படி, 16 கி-வோ-ஆ/11 கி-வோ-ஆ மின்​மாற்றி ரூ.1,58,710 ஆகவும், 25 கி-வோ-ஆ/11 கி-வோ-ஆ ரூ.1,64,342 ஆகவும், 63 கி-வோ-ஆ/11 கி-வோ-ஆ 3,00,606 ஆகவும், 63 கி-வோ-ஆ/22 கி-வோ-ஆ 3,35,900 ஆகவும், 100 கி-வோ-ஆ/ 22 கி-வோ-ஆ 4,80,450 ஆகவும், 100 கி-வோ-ஆ/22 கி-வோ-ஆ 6,72,581 ஆகவும் நிர்​ண​யிக்​கப்​பட்​டுள்​ளது. இந்த தொகை மின்​வாரி​யம் மூலம் திருப்பி தரப்​படும் அல்​லது நுகர்​வோரின் கட்​ட​ணத்​தில் இருந்து கழிக்​கப்​படும். இவ்​வாறு அவர்​கள் கூறினர்.