திண்டுக்கல்லில் தொடர் தோல்வி... தென் மாவட்ட கணக்கை தொடங்கப் போராடும் பாமக!

தேர்தலுக்கு தேர்தல் திண்டுக்கல் மக்கள் தோல்வியையே பரிசாக தந்தாலும் தென் மாவட்டங்களின் நுழைவு வாயிலான திண்டுக்கல் மாவட்டத்தில் எப்படியாவது வெற்றிக்கொடி நாட்டி தனது ஆளுகை எல்லையை விரிவுபடுத்த விடாமுயற்சியுடன் போராடும் பாமக, இம்முறையும் அதற்கான திட்டத்துடன் இருக்கிறது.

வட மாவட்​டங்​களுக்​குள் சுருங்​கி​விட்ட கட்சி என்ற இமேஜை உடைத்து தென் மாவட்​டங்​களி​லும் தடம் பதிக்க நீண்ட நாட்​களாகவே போராடி வருகிறது பாமக. அதற்​காவே மாநில பொருளாளர் பதவியை திண்​டுக்​கல் மாவட்​டத்​தைச் சேர்ந்த தில​க​பா​மாவுக்​குக் கொடுத்​தது. இந்து வன்னியர்களும் கிறிஸ்தவ வன்​னியர்​களும் பரவலாக வசிக்​கும் திண்​டுக்​கல் பகுதி தான் பாமக-​வின் குறி.

2011-ல் திமுக கூட்​ட​ணி​யில் இருந்த பாமக, திண்​டுக்​கல் தொகு​தி​யில் பால்​பாஸ்​கரை நிறுத்​தி​யது. இவரை எதிர்த்து அதி​முக கூட்​ட​ணி​யில் சிபிஎம் வேட்​பாளர் பால​பாரதி போட்​டி​யிட்​டார். இரண்டு திரா​விடக் கட்​சிகளும் நேரடி​யாக போட்​டி​யி​டாத போதும் அந்​தத் தேர்​தலில் பாமக தோற்​றுப் போனது.

தோற்​றாலும் தளராத பாமக, 2019 மக்​கள​வைத் தேர்​தலில் அதி​முக கூட்​ட​ணி​யில் திண்​டுக்​கல் தொகு​தி​யில் போட்​டி​யிட்​டது. ஆனால், அப்​போது பாமக சார்​பில் நிறுத்​தப்​பட்ட ஜோதி​முத்து, திமுக-​வின் அறி​முக வேட்​பாளர் வேலுச்​சாமி​யிடம் சுமார் 5 லட்​சம் வாக்​கு​கள் வித்​தி​யாசத்​தில் தோற்றுப் போனார். ஆனாலும் தளர​வில்லை பாமக தலை​வர்​கள்.

2021 சட்​டமன்​றத் தேர்​தலை அதி​முக கூட்​ட​ணி​யுடன் சந்​தித்த பாமக, கட்​சி​யின் பொருளாளர் தில​க​பா​மாவை திமுக துணைப் பொதுச் ​செய​லா​ள​ரும் அப்​போதைய முன்​னாள் அமைச்​சரு​மான ஐ.பெரிய​சாமியை எதிர்த்து திண்​டுக்​கல் ஆத்​தூர் தொகு​தி​யில் தைரிய​மாக நிறுத்​தி​யது. அந்​தத் தேர்​தலில், தில​க​பாமா சுமார் 1 லட்​சத்து 35 ஆயிரம் வாக்​கு​கள் வித்​தி​யாசத்​தில் தோற்​றுப் போனார். அதி​முக ஓட்​டு​களே அந்​தத் தேர்​தலில் ஐ.பெரிய​சாமி​யின் ‘பெட்​டிக்​கு’ திரும்​பிய அதிசய​மும் நடந்​தது.

ஆத்​தூரில் ஆக மோச​மாக தோற்​றாலும் களங்​காத பாமக, 2024 மக்​கள​வைத் தேர்​தலிலும் திண்​டுக்​கல்லை விட​வில்​லை. அப்​போது பாஜக கூட்டணியில் போட்​டி​யிட்ட பாமக, மீண்​டும் தில​க​பா​மாவையே திண்​டுக்​கல் வேட்​பாள​ராக நிறுத்​தி​யது. அப்​போது மூன்​றாமிடத்​துக்கு தள்​ளப்​பட்ட தில​க​பாமா சுமார் 1 லட்​சத்து 12 ஆயிரம் வாக்​கு​களைப் பெற்​றார். 2016-ல் தமிழகம் முழு​வதும் பாமக தனித்​துப் போட்​டி​யிட்ட போது திண்​டுக்​கல் மாவட்​டத்​தில் சில தொகு​தி​களில் சுமார் 2,000 ஆயிரம் வாக்​கு​களை பெற்​றது பாமக. அதேசம​யம் ஆத்​தூரில் பாஜக-வை விட பின்​தங்​கிப் போனது.

இம்​முறை​யும் வெற்​றிக் கூட்​ட​ணிக் கனவு​களோடு காத்​திருக்​கும் பாமக, திண்​டுக்​கல் மாவட்​டத்​தில் தடம்​ப​திக்க வேண்​டும் என்​ப​தி​லும் விடா​முயற்சி​யுடன் இருக்​கிறது.

இதுகுறித்து நம்​மிடம் பேசிய திண்​டுக்​கல் கிழக்கு மாவட்ட பாமக தலை​வர் திருப்​ப​தி, “தென் மாவட்​டங்​களுக்​கான நுழைவு வாயில் என்​ப​தால் தான் திண்​டுக்​கல் மாவட்​டத்​தில் வெற்​றிக் கணக்​கைத் தொடங்க விடா​மல் முயற்​சிக்​கிறோம்.

அதே நம்​பிக்​கை​யுடன் தான் கடந்த வாரம் இந்த மாவட்​டத்​தில் பிரச்​சா​ரப் பயணம் மேற்​கொண்​டார் தலை​வர் அன்​புமணி. முந்​தைய தேர்​தல் முடிவுகளைப் பற்றி கவலைப்படா​மல் இம்​முறை​யும் திண்​டுக்​கல் மாவட்​டத்​தில் நாம் போட்​டி​யிட்டே ஆகவேண்​டும் என்ற கருத்தை அவரிடம் வலியுறுத்​திச் சொல்லி இருக்​கிறோம்” என்​றார்.