69 சதவீத இடஒதுக்கீடு முறையாக செயல்படுத்தப்பட்டதா? - விசாரணை ஆணையம் அமைக்க அன்புமணி வலியுறுத்தல்

சென்னை: 69 சதவீத இடஒதுக்​கீடு முறை​யாக செயல்​படுத்​தப்​பட்​டதா என்​பது குறித்து நீதிபதி தலை​மை​யில் ஆணை​யம் அமைத்து விசா​ரிக்க வேண்​டும்’ என பாமக தலை​வர் அன்​புமணி வலி​யுறுத்​தி​யுள்​ளார்.

இதுகுறித்து, அவர் வெளி​யிட்ட அறிக்​கை​: 69 சதவீத இடஒதுக்​கீட்​டைப்பின்​பற்றி பணி​யாளர்​களைத் தேர்வு செய்​யும்​போது, முதலில் பொதுப்​போட்​டிப் பிரிவுக்​கான 31 சதவீத இடங்​கள் தகுதி அடிப்​படை​யில் நிரப்​பப்பட வேண்​டும்.

அதில் சாதி பார்க்​கக் கூடாது. அதன்​பின், பின்​னடைவுப் பணி​யிடங்​கள் ஏதேனும் இருந்​தால், அவை உரிய இடஒதுக்​கீட்​டுப் பிரி​வினரைக் கொண்டு நிரப்​பப்பட வேண்​டும். அதன்​பிறகு​தான் இடஒதுக்​கீட்​டுப் பிரி​வினருக்​கான இடங்​களை உரிய வகுப்​பினரைக் கொண்டு நிரப்ப வேண்​டும்.

பொதுப்​போட்டி பிரி​விலோ, பின்​னடைவுப் பணி​யிடங்​களிலோ, பிற்​படுத்​தப்​பட்ட, மிக​வும் பிற்​படுத்​தப்​பட்ட அல்​லது பட்​டியலினத்​தவர் நியமிக்​கப்​பட்​டிருந்​தால், அவர்​களை இடஒதுக்​கீட்​டில் பயனடைந்​தவர்​களாகக் கருதக்​கூ​டாது என்​பது சமூகநீ​தி​யின் அடிப்படை.

ஆனால், இந்த விதி​யைப் பின்​பற்​றாமல் தமிழ்​நாடு சீருடைப்பணி​யாளர் தேர்வு வாரி​யம், பொதுப்​பிரி​விலும், பின்​னடைவுப் பணியிடங்​களி​லும் நியமிக்​கப்​பட்​ட​வர்​களை இடஒதுக்​கீட்​டுப் பிரிவைச் சேர்ந்​தவர்​களாக கணக்​கிட்​டது.

அதனால், இட ஒதுக்​கீட்​டுப் பிரிவு​களைச் சேர்ந்த 50-க்​கும் மேற்​பட்​டோருக்கு கிடைக்க வேண்​டிய காவல் சார் ஆய்​வாளர் பணி பறிக்​கப்​பட்​டது. தமிழ்​நாட்​டில் உள்ள ஆள்​தேர்வு அமைப்​பு​கள் இடஒதுக்​கீட்டை நடை​முறைப்​படுத்​து​வ​தில் அடுத்​தடுத்து ஏற்​படும் குழப்​பங்​களைப் பார்க்​கும்​போது, கடந்த காலங்​களில் இந்த அமைப்​பு​கள் இடஒதுக்​கீட்டு விதி​களை முறை​யாகப் பின்​பற்​றியதா என்ற ஐயம் எழுகிறது.

எனவே, கடந்த காலங்​களில், குறிப்​பாக 69 சதவீத இடஒதுக்​கீடு அறி​முகம் செய்​யப்​பட்​ட பிறகு, ஒவ்​வொரு ஆள்​தேர்​விலும் அந்த இடஒதுக்​கீடு முறை​யாக செயல்​படுத்​தப்​பட்​டதா என்​பது குறித்து விசா​ரணை நடத்​தப்பட வேண்​டும். இதற்​காக, உயர் நீதி​மன்ற நீதி​யரசர் தலை​மை​யில் ஆணை​யம் அமைக்க வேண்​டும். இவ்​வாறு அதில் கூறப்​பட்​டுள்​ளது.