முதல்வர் கோப்பைக்கான போட்டிகள் தொடக்கம்: உதயநிதி ஸ்டாலின் கோப்பையை அறிமுகம் செய்தார்

சென்னை: தமிழ்​நாடு விளை​யாட்டு மேம்​பாட்டு ஆணை​யம் சார்​பில் நடத்​தப்​படும் முதல்வர் கோப்பை போட்​டிகளுக்​கான தொடக்க விழா சென்னை கலை​வாணர் அரங்​கில் நேற்று நடை​பெற்​றது. துணை முதல்​வர் உதயநிதி முதல்​வர் கோப்​பைக்​கான ஜோதியை ஏற்​றி​வைத்​து, கோப்​பையை அறி​முகம் செய்து வைத்​தார். தொடர்ந்​து, விளை​யாட்டு வீரர்​களின் கலை நிகழ்ச்​சிகள் நடத்​தப்​பட்​டன.

இதில் துணை முதல்​வர் உதயநிதி பேசி​ய​தாவது: திமுக அரசு பொறுப்​பேற்ற பிறகு முதல்​வர் கோப்​பைக்​கான போட்​டிகளை திரு​விழா​போல சர்​வ​தேச தரத்​தில் ஒவ்​வோர் ஆண்​டும் நடத்தி வரு​கிறோம். 2023-ல் நடந்த போட்​டிகளில் 3.5 லட்​சம் பேர் பங்​கேற்​றனர். அது கொஞ்​சம், கொஞ்​ச​மாக வளர்ந்​து, தற்​போது 16.28 லட்​சம் பேர் கலந்து கொள்​ளும் வகை​யில் உயர்ந்​திருக்​கிறது. தமிழகத்​தில் விளை​யாட்டை மக்​கள் இயக்​க​மாக கொண்​டாடி வரு​வதற்​கு, முதல்​வர் கோப்​பைக்​கான விளை​யாட்​டுப் போட்​டிகளும் முக்​கியக் காரண​மாகும்.

திறமை​யானவர்​கள் நகரங்​களில் மட்​டுமின்​றி, கிராமங்​களி​லும், மலைப் பகு​தி​களி​லும்​கூட இருப்​பார்​கள். அவர்​களைக் கண்​டறிந்​து, திறமை​களை வெளிப்​படுத்த வாய்ப்​பு​களை ஏற்​படுத்​தித் தரு​வது தமிழக அரசின் கடமை. அதை, முதல்​வர் கோப்பை மூல​மாக தமிழக அரசு செய்து வரு​கிறது. இந்த போட்​டிகளில் வெற்றி பெறு​பவர்​களுக்கு ரூ.37 கோடி பரிசுத் தொகை​யாக வழங்​கப்​படும். வெற்றி பெற்​றவர்​கள் பெறும் சான்​றிதழ்​கள் 3.5% இட ஒதுக்​கீட்​டின் கீழ் அரசு வேலைக்கு கணக்​கில் எடுத்​துக்​கொள்​ளப்​படும். இவ்​வாறு அவர் பேசி​னார்.

நிகழ்​வில், அமைச்​சர்​கள் எஸ்​.ரகுப​தி, மா.சுப்​பிரமணி​யன், பி.கே.சேகர்​பாபு, கயல்​விழி செல்​வ​ராஜ், எம்​.பி.க்​கள் தயாநிதி மாறன், கலாநிதி வீரா​சாமி, மேயர் பிரி​யா, விளை​யாட்​டுத் துறைச் செயலர் அதுல்ய மிஸ்​ரா, சிறப்​புத் திட்ட செய​லாக்​கத் துறைச் செயலர் பிரதீப் யாதவ், தமிழ்​நாடு விளை​யாட்டு மேம்​பாட்டு ஆணைய துணைத் தலை​வர் அசோக் சிகாமணி, உறுப்​பினர் செயலர்​ மேக​நாதரெட்​டி உள்​ளிட்​டோர்​ பங்​கேற்​றனர்​.