திண்டுக்கல், தருமபுரி உள்ளிட்ட 10 மாவட்டங்களில் இன்று கனமழைக்கு வாய்ப்பு

சென்னை: ​திண்​டுக்​கல், தரு​மபுரி உள்​ளிட்ட 10 மாவட்​டங்​களில் இன்று கனமழைக்கு வாய்ப்​புள்​ள​தாக வானிலை ஆய்வு மையம் தெரி​வித்​துள்​ளது. இது தொடர்​பாக சென்னை மண்டல ஆய்வு மையம் வெளி​யிடப்​பட்ட செய்​திக்​குறிப்​பில் கூறி​யிருப்​ப​தாவது: மத்திய மேற்கு மற்​றும் அதையொட்​டிய வடமேற்கு அரபிக்​கடல் பகு​தி​களில் நேற்று முன்​தினம் நில​விய “சக்​தி” புயல் வலு​விழந்து காற்​றழுத்த தாழ்வு மண்​டல​மாக நில​வு​கிறது.

இது குஜ​ராத் மாநிலம் துவார​கா​விலிருந்து மேற்​கு-தென்​மேற்கே சுமார் 970 கி.மீ. தொலை​வில் நிலை கொண்​டுள்​ளது. இது மேலும் தென்​கிழக்கே மத்​திய மேற்கு மற்​றும் அதையொட்​டிய வடமேற்கு அரபிக்​கடல் பகு​தி​களில் நகர்ந்து வலு​விழக்க கூடும்.

தென்​மேற்கு வங்​கக் கடலில் தமிழக கடலோரப் பகு​தி​களுக்கு அப்​பால் ஒரு வளிமண்டல கீழடுக்கு சுழற்சி நில​வு​கிறது. தென்​னிந்​தி​யப் பகு​தி​களின் மேல் ஒரு வளிமண்டல கீழடுக்கு சுழற்சி நில​வு​கிறது.

இவற்​றின் தாக்​கத்​தால் தமிழகத்​தில் பெரும்​பாலான இடங்​களி​லும், புதுச்​சேரி மற்​றும் காரைக்​கால் பகு​தி​களி​லும் இன்று இடி, மின்​னலுடன் கூடிய, லேசானது முதல் மித​மான மழை பெய்​யக்​கூடும். நீல​கிரி, கோவை, தேனி, திண்​டுக்​கல், ஈரோடு, கிருஷ்ணகிரி, தரு​மபுரி, சேலம், நாமக்​கல், திருப்​பத்​தூர் மாவட்​டங்​களில் ஓரிரு இடங்​களில் கனமழை பெய்ய வாய்ப்​புள்​ளது.

சென்னை மற்​றும் புறநகர் பகு​தி​களில் இன்று வானம் ஓரளவு மேகமூட்​டத்​துடன் காணப்​படும். நகரின் சில பகு​தி​களில் இடி, மின்​னலுடன் கூடிய, லேசான அல்​லது மித​மான மழை பெய்ய வாய்ப்​புள்​ளது. அதி​கபட்ச வெப்​பநிலை 93.2 டிகிரி, குறைந்​த​பட்ச வெப்​பநிலை 78.8 டிகிரி பாரன்​ஹீட் அளவில் இருக்​கும்.

கர்​நாட​கா-கேரளா கடலோரப் பகு​தி​கள் மற்​றும் லட்​சத்​தீவு பகு​தி​களில் இன்று அதி​கபட்​ச​மாக மணிக்கு 60 கி.மீ. வேகத்​தில் சூறாவளிக் காற்று வீசக்​கூடும் என்​ப​தால், மீனவர்​கள் கடலுக்​குச் செல்ல வேண்​டாம். தமிழகத்​தில் நேற்று காலை 8.30 மணி வரையி​லான கடந்த 24 மணி நேரத்​தில் பதி​வான மழை அளவு​களின்​படி அதி​கபட்​ச​மாக காஞ்​சிபுரம் மாவட்​டம் ஸ்ரீபெரும்​புதூரில் 9 செ.மீ. மழை பதி​வாகி​யுள்​ளது. இவ்​வாறு செய்​திக்​குறிப்​பில் தெரிவிக்​கப்​பட்​டுள்​ளது.