பெட்ரோல், டீசல் விற்பனை ரசீதுகளில் வரி விவரங்களை குறிப்பிடக் கோரி வழக்கு: மத்திய, மாநில அரசுகள் பதில் அளிக்க உத்தரவு

மதுரை: திருச்​செந்​தூரைச் சேர்ந்த ராம்​கு​மார் ஆதித்​தன், உயர் நீதி​மன்ற மதுரை அமர்​வில் தாக்​கல் செய்த மனு​வில் கூறி​யிருப்​ப​தாவது: நாட்​டில் பெட்​ரோல் மற்​றும் டீசலுக்கு வெவ்​வேறு விகிதங்​களில் வரி விதிப்​ப​தால் ஒவ்​வொரு மாநிலத்​தி​லும் அவற்​றின் விலை​யில் மாற்​றம் உள்​ளது. பெட்​ரோல் மற்​றும் டீசல் விற்​பனை விலை என்​பது கச்சா எண்​ணெய் விலை, மத்​திய அரசின் கலால் வரி, விற்​பனை​யாளர் கமிஷன் மற்​றும் மாநில அரசின் வரி உள்​ளடங்​கிய​தாகும்.

தமிழகத்​தில் பெட்​ரோல் விற்​பனை விலை​யில் மாநில அரசின் மதிப்பு கூட்டு வரி லிட்​டருக்கு 13 சதவீத​மாக​வும், டீசலுக்​கு 11 சதவீத​மாக​வும் உள்​ளது. பெட்​ரோல், டீசல் மீது மத்​திய அரசு எண்​ணெய் தொழில் மேம்​பாட்டு வாரிய வரி, தற்​செயல் தேசிய பேரிடர் வரி, கலால் வரி, கூடு​தல் கலால் வரி மற்​றும் சிறப்பு கூடு​தல் கலால் வரி போன்ற வரி​களை விதிக்​கிறது.

எனினும், பொதுத்​துறை மற்​றும் தனி​யார் பெட்​ரோல், டீசல் சில்​லறை விற்​பனை நிலை​யங்​களில் வழங்​கப்​படும் ரசீதுகளில் வரி​கள் தொடர்​பான தகவல் எது​வும் குறிப்​பிடு​வது இல்​லை. 2019-ம் ஆண்டு நுகர்​வோர் பாது​காப்பு சட்​டத்​தின் பிரிவு 9-ல், ஒவ்​வொரு நுகர்​வோரும் தான் வாங்​கும் பொருளின் தரம், அளவு, தன்​மை, விலை, வரி போன்​றவற்​றின் விவரங்​களை அறிந்து கொள்​ளும் உரிமை வழங்​கப்​பட்​டுள்​ளது.

எனவே, பெட்​ரோல் மற்​றும் டீசல் விற்​பனை செய்​யும்​போது, அதற்​கான ரசீதுகளில் அடிப்​படை விலை, மத்​திய, மாநில அரசுகள் விதிக்​கும் வரி போன்​றவற்றை குறிப்​பிட வேண்​டும். அந்த விவரங்​களு​டன் தகவல் பலகை வைக்​க​வும் எரிபொருள் விற்​பனை நிறு​வனங்​களுக்கு உத்​தர​விட வேண்​டும்.

இவ்​வாறு மனு​வில் கூறப்​பட்​டிருந்​தது. இந்த மனுவை நீதிப​தி​கள் அனிதா சுமந்த், குமரப்​பன் அமர்வு விசா​ரித்​து, மனு​வில் மத்​திய, மாநில வரித் துறை அலு​வலர்​களை எதிர் மனு​தா​ரர்​களாக சேர்க்​க​வும், மனு தொடர்​பாக மத்​திய, மாநில அரசுகள் பதில் அளிக்​க​வும் உத்​தர​விட்டு விசா​ரணையை நவ.7-ம் தேதிக்கு தள்​ளி​வைத்​தனர்.