பாஜக கூட்டணியில் மீண்டும் இணையுமாறு டிடிவி தினகரனை வலியுறுத்தினேன்: அண்ணாமலை தகவல்

சென்னை: ​பாஜக கூட்​ட​ணி​யில் மீண்​டும் இணைய வேண்​டும் என அமமுக பொதுச்​செய​லா​ளர் டிடிவி தினகரனை வலி​யுறுத்​தி​ய​தாக தமிழக பாஜக முன்​னாள் தலை​வர் அண்​ணா​மலை தெரி​வித்​துள்​ளார். மறைந்த நடிகர் எம்​.ஆர்​.​ரா​தா​வின் மனைவி கீதா ராதா கால​மானதையொட்​டி, சென்​னை​யில் உள்ள அவரது இல்​லத்​தில் நடிகரும் பாஜக நிர்​வாகி​யு​மான சரத்​கு​மார், ராதிகா சரத்​கு​மார் ஆகியோரிடம் அண்​ணா​மலை ஆறு​தல் கூறி​னார்.

பின்​னர் செய்​தி​யாளர்​களிடம் அவர் கூறிய​தாவது: தமிழகத்​தின் அரசி​யல் களம் குறித்து அமமுக பொதுச்​செய​லா​ளர் டிடிவி தினகரனிடம் பேசினேன். திமுக கூட்​ட​ணியை வீழ்த்த தேசிய ஜனநாய கூட்​ட​ணி​யால் மட்​டுமே முடி​யும். எனவே என்​டிஏ கூட்​ட​ணி​யில் மீண்​டும் இணைய வேண்​டும் என அவரிடம் வலி​யுறுத்​தி​யுள்​ளேன். முன்​னாள் முதல்​வர் ஓ.பன்​னீர்​செல்​வம் உள்​ளிட்ட பலரை​யும் சந்​திக்க உள்​ளேன். அவரின் சுற்​றுப்​பயணம் முடிந்​தவுடன் சந்​திப்​பேன்.

கேரளா​வில் சபரிமலை ஐயப்​பன் கோ​யிலுக்கு கடந்த 3 ஆண்​டு​களில் ரூ.1,100 கோடி நன்​கொடை வந்​திருக்​கும் நிலை​யில், 50 ஆண்​டு​களுக்கு ரூ.1,000 கோடி ஒதுக்​கி​யிருப்​ப​தாக கேரள அரசு கூறுகிறது. இது கொள்​ளை​யடிப்​ப​தற்கு சமம்​தானே. தமிழக இந்து சமய அறநிலை​யத்​துறை அமைச்​சர் பி.கே.சேகர்​பாபு அங்கு சென்று 5 ஏக்​கர் நிலம் கேட்​கிறார். இங்கு ஆக்​கிரமிக்​கப்​பட்ட 1.25 லட்​சம் ஏக்​கரை முதலில் மீட்​கட்​டும்.

முதல்​வரின் வெளி​நாட்டு பயணம் குறித்து தவெக தலை​வர் விஜய் பேசிய கருத்தை வரவேற்​கிறேன். அவர் குற்​றச்​சாட்டை மறுக்​கும்​பட்​சத்​தில் முதல்​வர் வெள்ளை அறிக்கை வெளி​யிட வேண்​டும். தமிழகத்​தில் கப்​பல் கட்​டு​மான தளங்​கள் அமைக்க மத்​திய அரசு முதலீடு செய்​வதை கூட ஒப்​புக்​கொள்ள மறுக்​கின்​றனர்.

நடிகர் ரஜினி​காந்தை அடிக்​கடி சந்​திப்​பது வழக்​கம். இதை அரசி​யலோடு முடிச்​சுப்​போட அவசி​யமில்​லை. தனிக்​கட்​சித் தொடங்​கி​னால் சொல்​கிறேன். இவ்​வாறு அவர்​ தெரி​வித்​தார்​.

இலங்கை பயணம்: இதனிடையே சென்​னை​யில் இருந்து நேற்று விமானம் மூல​ம் இலங்கைக்கு அண்​ணா​மலை புறப்​பட்​டுச் சென்​றார். அவரது குடும்​பத்​தினர் முன்பே இலங்​கைக்​குச் சென்ற நிலை​யில், ஒரு வார கால ஓய்​வுக்​குப் பிறகு அவர் சென்னை திரும்​பு​வார் என பாஜக வட்​டாரங்கள் தெரி​வித்​தன.