தமிழகத்தில் மோசமான ஆட்சி நடப்பதால் விஜய்யின் தாக்குதல் திமுக மீது மட்டுமே இருக்க வேண்டும்: தமிழிசை கருத்து

சென்னை: தமிழகத்​தில் மோச​மான ஆட்சி நடந்து கொண்​டிருப்​ப​தால் விஜய்​யின் தாக்​குதல் திமுக மீது மட்​டுமே இருக்க வேண்​டும் என தமிழக பாஜக முன்​னாள் தலை​வர் தமிழிசை தெரி​வித்​தார்.

சென்னை விமான நிலை​யத்​தில் செய்​தி​யாளர்​களிடம் நேற்று அவர் கூறிய​தாவது: காசா​வில் நடக்​கும் பிரச்​சினைக்கு பிரதமர் மோடி​தான் காரணம் எனச் சொல்லி மிக​வும் கீழ்த்​தர​மான அரசி​யலை சிலர் செய்து கொண்​டிருக்​கிறார்​கள். இலங்​கை​யில் தமிழர்​கள் கொல்​லப்​பட்ட போது அவர்​கள் எங்கு சென்​றார்​கள். கள்​ளக்​குறிச்​சி​யில் சாரா​யம் குடித்து இறந்​தார்​களே அப்​போது எங்கே போனார்​கள்?இதை பற்​றியெல்​லாம் அவர்​கள் கவலைப்​பட​வில்​லை.

ஆணவப்​படு​கொலை நடக்​கும்​ போது அதைப்​பற்றி பேச ஆள்இல்​லை. முன்பு அடுத்த மாநிலத்தை பற்றி பேசி கொண்​டிருந்​தார்​கள். இப்​போது அடுத்த நாட்டை பற்றி பேச போய்​விட்​டார்​கள். முதலில் தமிழகத்​தில் நடக்​கும் அவலங்​களை​யும், மக்​கள் விரோத பிரச்​சினை​களி​லும் கவனம் செலுத்த வேண்​டும். காங்​கிரஸை திமுக​தான் அடிமைப்​படுத்தி வைத்​துள்​ளது. நாங்​கள் கேட்​கும் தொகு​தி​களை கொடுக்​க​வில்​லை​யென்​றால், கூட்​ட​ணி​யில் இருந்து வெளியேவரு​வோம் என சொல்​லும் அளவுக்கு காங்​கிரஸ், விசிக, கம்​யூனிஸ்ட் கட்​சிகளுக்கு துணிச்​சல் இருக்​கிற​தா?

அவர்​களால் ஒற்​றுமை​யாக தேர்​தலை சந்​திக்க முடி​யாது. தமிழகத்​தில் மிக மோச​மான ஆட்சிநடந்து கொண்​டிருக்​கிறது. எனவே, விஜய்​யின் தாக்​குதல் திமுக மீது மட்​டுமே இருக்​கட்​டும். அவர்​களை வீட்​டுக்கு அனுப்​புவ​தில் விஜய்​யின் பங்​கும் இருக்க வேண்​டும்​. இவ்​வாறு கூறி​னார்​.