காகித ஜிஎஸ்டி மறுசீரமைப்பை மத்திய அரசு பரிசீலிக்க வேண்டும்: இந்திய காகித வர்த்தகர்கள் கோரிக்கை

சென்னை: மெட்​ராஸ் காகித வர்த்​தகர்​கள் சங்​கத்​தின் சார்​பில் நடத்​தப்​படும், இந்​திய காகித வர்த்தகர்கள் சங்​கங்​களின் கூட்டமைப்​பின், 64-வது ஆண்டு பொதுக்​குழு மற்​றும் 3 நாள் அகில இந்​திய மாநாட்​டின் தொடக்க விழா சென்​னை​யில் கடந்த செப்​.12-ம் தேதி நடை​பெற்​றது.

இவ்​விழா​வில் தமிழ்​நாடு செய்​தித்தாள் மற்​றும் காகித நிறு​வனத்​தின் தலை​வர் சந்​தீப் சக்​சேனா சிறப்பு விருந்​தின​ராகப் பங்​கேற்​று, மாநாட்டை தொடங்கி வைத்து சங்கத்​தின் ஆண்டுமலரை வெளியிட்டு பேசி​ய​தாவது: இத்​துறையை பொறுத்​தவரை ஆலைகள், வர்த்​தகர்​கள் இரண்டும் ஒரு வாக​னத்​தின் சக்​கரங்​கள் போல பிரிக்க முடி​யாது.

காகிதத்துக்​கான மூலப் பொருட்​கள் விவ​சாயத்​தில் இருந்​து​தான் கிடைக்​கின்றன. விவ​சா​யிகளின் வளர்ச்​சி​யை​யும் கருத்​தில் கொள்ள வேண்​டும். ஜிஎஸ்டி வரி முரண்​பாடு குறித்த உங்​களுடைய கோரிக்​கைகளை முறை​யாக அணுகி தீர்வு காணுங்​கள் என்றார்.

காகித வர்த்​தகர்​கள் சங்கங்​களின் கூட்​டமைப்பு தலைவர் மெஹுல் மேத்தா மற்​றும் நிர்​வாகி​கள் பேசுகை​யில், “காகித வர்த்தகம் மற்​றும் காகிதப் பொருட்​கள் துறை இந்​தியா​வின் முக்​கியத் துறை​களில் ஒன்று. இது 5 லட்​சத்​துக்​கும் மேற்​பட்டோருக்கு நேரடி வேலை​வாய்ப்பை​யும், 20 லட்​சம் பேருக்கு மறை​முக வேலை​வாய்ப்​பை​யும் வழங்​கு​கிறது.

தற்​போது பயிற்​சிப் புத்​தகங்​கள், நோட்​டுப் புத்​தகங்​கள் மற்றும் வரை படங்​களுக்​குப் பயன்படுத்​தப்​படும் காகிதத்​துக்கு ஜிஎஸ்டி இல்லை என கூறப்​பட்டுள்​ளது. அதே நேரத்​தில், நாள்​காட்​டிகள், டைரி​கள், சுவரொட்டிகள் மற்​றும் எழுது பொருட்​களை அச்​சிடு​வதற்​குப் பயன்​படுத்​தப்​படும் காகிதத்​துக்கு 18 சதவீதம் வரி விதிக்​கப்​படு​கிறது.

ஜிஎஸ்​டி-யை 2 அடுக்கு அமைப்​பாக மாற்​று​வது வரவேற்​கத்​தக்க நடவடிக்​கை. இருப்பினும், காகிதம் மற்றும் அட்​டைப் பொருட்களுக்​கு, ஒரே மாதிரி​யான 5 சதவீத ஜிஎஸ்டி அவசி​யமானது. எனவே, இதுகுறித்து மத்திய அரசு பரிசீலனை செய்ய வேண்​டும்” என்​றனர். பொதுக் குழுவில் 2025-26-ம் ஆண்​டுக்​கான தேசி​யத் தலை​வ​ராக சென்​னையைச் சேர்ந்த ராஜேஷ் ஜெயின் தேர்வு செய்​யப்​பட்​டார். அவர் கடந்த சனிக்​கிழமை பதவி​யேற்​றார்​.