சட்டப்பேரவைத் தேர்தலில் போட்டியா? - மநீம கட்சியினருடன் கமல் ஆலோசனை

சென்னை: சட்​டப்​பேரவைத் தேர்​தலில் போட்​டி​யிடு​வது தொடர்​பாக கமல்​ஹாசன் தலை​மை​யில் மநீம கட்​சி​யினர் செப்​.18-ம் தேதி முதல் ஆலோசனை நடத்​துகின்​றனர்.

கடந்த 2024 மக்​களவை தேர்​தலில் இண்​டியா கூட்​ட​ணி​யில் மநீம இடம்​பெற்​றது. அப்​போது, அக்​கட்​சிக்கு மாநிலங்​களவை எம்​.பி. பதவி வழங்​கு​வ​தாக திமுக தெரி​வித்​தது. அந்தத் தேர்​தலில், திமுக உள்​ளிட்ட கூட்​டணி கட்சி வேட்​பாளர்​களுக்கு ஆதர​வாக தமிழகம் முழு​வதும் கமல்​ஹாசன் சூறாவளி பிரச்​சா​ரம் செய்​தார். இது வேட்​பாளர்​களின் வெற்​றிக்கு மேலும் பலம் கூட்​டியது.

சமீபத்​தில் மாநிலங்​களவை எம்​.பி.​யாக கமல்​ஹாசன் பதவி​யேற்​றதை தொடர்ந்​து, சட்​டப்​பேரவை தேர்​தலில் மநீம கட்​சி​யினர் கவனம் செலுத்த தொடங்​கி​யுள்​ளனர். அந்த வகை​யில், 2026 சட்​டப்​பேரவைத் தேர்​தல் தொடர்​பாக கட்​சித் தலை​வர் கமல்​ஹாசன் தலை​மை​யில் வரும் 18-ம் தேதி முதல் 21-ம் தேதி வரை ஆலோசனை கூட்​டம் நடை​பெற உள்​ளது. சென்​னை​யில் உள்ள முத்​தமிழ் பேரவை அரங்​கில் 4 நாட்​களும் காலை, மாலை என இரு அமர்​வில் மண்டல வாரி​யாக ஆலோசனை கூட்​டம் நடை​பெற உள்​ளது.

தமிழகத்​தின் 61 தொகு​தி​களில் மநீமவுக்கு செல்​வாக்கு இருப்​ப​தால், இதில் ஏதேனும் சில தொகு​தி​களில் போட்​டி​யிடலாம் என்று நிர்​வாகி​கள், தொண்​டர்​கள் விருப்​பம் தெரி​வித்​துள்​ள​தாக கூறப்​படு​கிறது. இதுகுறித்து ஆலோ​சனை நடத்த உள்​ள​தாக கட்சி வட்​டாரங்​கள் தெரி​வித்​தன.