அதிக விபத்து நடக்கும் இடங்களில் முதலுதவி சிகிச்சை பயிற்சி

சென்னை: ​விபத்​துகள் அதி​கம் நடக்​கும் 50 இடங்​களில் வியா​பாரி​கள், காவலா​ளி​கள், போலீ​ஸார், இளைஞர்​களுக்கு முதலுதவி சிகிச்சை பயிற்சி 108 ஆம்​புலன்ஸ் நிர்​வாகம் சார்​பில் அளிக்​கப்​பட​வுள்​ளது. விபத்​துகளில் சிக்​குபவர்​களுக்கு உடனடி சிகிச்சை அளிக்​கும் வகை​யில், தமிழகத்​தில் 108 ஆம்​புலன்ஸ் சேவையை செயல்​படுத்தி வரும் இஎம்​ஆர்ஐ கிரீன் ஹெல்த் சர்​வீசஸ் நிறு​வனம் நடவடிக்கை மேற்​கொண்​டுள்​ளது.

இது தொடர்​பாக 108 ஆம்​புலன்ஸ் நிர்​வாக மாநில செயல் தலை​வர் செல்​வகு​மார் கூறியதாவது: தமிழகத்​தில் ஒரே பகு​தி​யில் ஆண்​டுக்கு 100-க்​கும் மேற்​பட்ட விபத்​துகள் நடந்​துள்​ளன. அத்​தகைய இடங்​களில் 50 இடங்​கள் தேர்வு செய்​யப்​பட்​டுள்​ளன. அங்கு வியா​பாரி​கள், காவலா​ளி​கள், போலீ​ஸார் மற்​றும் அப்​பகுதி இளைஞர்​கள் 50 பேருக்கு முதலுதவி சிகிச்சை குறித்த பயிற்சி வழங்​கப்​பட​வுள்​ளது.

முதற்​கட்​ட​மாக மதுரை, திருச்​சி, வேலுாரில் இத்​திட்​டம் தொடங்​கப்​பட்​டுள்​ளது. இந்த பயிற்சி முடித்​தவர்​களுக்கு அங்​கீ​காரச் சான்​றிதழ் மற்​றும் பயிற்​சிக்​கான கையேடு வழங்​கப்​படும். அப்​பகு​தி​யில் விபத்​துகள், பாம்​புக்​கடி போன்ற சம்​பவங்​களுக்கு யாரேனும் 108 ஆம்​புலன்ஸ் சேவையை தொடர்​பு​ கொள்​ளும் பட்​சத்​தில், உடனடி​யாக அப்​பகுதி தன்​னார்​வலர்​கள் 50 பேருக்​கும் குறுஞ்​செய்தி அனுப்​பப்​படும்.

அரு​கில் இருக்​கும் தன்​னார்​வலர்​கள் சென்று முதலுதவி சிகிச்சை அளிப்​பார்​கள். விபத்​துகளில் சிக்​கிய​வருக்கு அரு​கில் உள்​ளவர் அளிக்​கும் உதவி​யும், முதலுதவி பயிற்சி பெற்​றவர் அளிக்​கும் உதவி​யும் மாறு​படும். எனவே விபத்​துகளின் சிக்​குபவர்​களின்​ உயி​ரிழப்​பைக்​ குறைக்​கலாம்​. இவ்வாறு கூறினார்.