பாஜகவின் 25 அணிகளுக்கு அமைப்பாளர்கள் நியமனம்: நயினார் நாகேந்திரன் மகனுக்கு புதிய பொறுப்பு

சென்னை: தமிழக பாஜக​வில் 25 அணி​களுக்கு அமைப்​பாளர்​களை நியமனம் செய்து மாநிலத் தலை​வர் நயி​னார் நாகேந்​திரன் அறி​வித்​துள்​ளார். அவரது மகன் நயி​னார் பாலாஜிக்​கும் புதிய பொறுப்பு வழங்​கப்​பட்​டுள்​ளது. தமிழக பாஜக​வில் கிளை அளவில் தொடங்கி மாவட்ட தலை​வர்​கள், மாநில தலை​வர்​கள், நிர்​வாகி​கள் நியமனம் முடிவடைந்​துள்​ளது.

இதன்​தொடர்ச்​சி​யாக, தற்​போது, மாநில அணி பிரிவு​களுக்கு அமைப்​பாளர்​களை நியமனம் செய்து நயி​னார் நாகேந்​திரன் அறி​வித்​துள்​ளார். அதில், விளை​யாட்டு மற்​றும் திறன் மேம்​பாட்டு பிரிவுக்கு மாநில அமைப்​பாள​ராக அவரது மகன் நயி​னார் பாலாஜியை நியமித்து அறி​விப்பு வெளி​யிட்​டுள்​ளார்.

இதுத​விர 25 அணி பிரிவு​களுக்கு அமைப்​பாளர்​கள் நியமிக்​கப்​பட்​டுள்​ளனர். வழக்​கறிஞர் பிரிவு மாநில அமைப்​பாள​ராக குமரகுரு, அரசு தொடர்பு மற்​றும் மத்​திய நலத்​திட்​டங்​கள் பிரிவு மாநில அமைப்​பாள​ராக சூரிய நாராயணன், தேசிய மொழிகள் பிரிவு மாநில அமைப்​பாள​ராக கே.பி.ஜெயக்​கு​மார், ஆன்​மிகம் மற்​றும் கோயில் மேம்​பாட்டு பிரிவு அமைப்​பாள​ராக கே.​தாமோதர் நியமிக்​கப்​பட்​டுள்​ளனர்.

இதே​போல், விருந்​தோம்​பல் பிரிவுக்கு கந்​தவேல், ஜி.கே.சுரேஷ், உள்​ளாட்சி மேம்​பாட்டு பிரிவுக்கு பாஸ்​கரன், வசந்​த​ராஜன், பிரச்​சார பிரிவுக்கு பாண்​டிய​ராஜ், தமிழ் இலக்​கி​யம் மற்​றும் தமிழ் வளர்ச்​சிப் பிரிவுக்கு அன்​பழகன், தன்​னார்வ தொண்டு நிறுவன பிரிவுக்கு அர்​ஜுன மூர்த்​தி, சங்​கீ​தா​ரங்​க​ராஜன், மருத்​துவ பிரிவு-பிரேம்​கு​மார், தொழிற்​பிரிவு-பால​கிருஷ்ணன், மீனவர் பிரிவு-சீமா உட்பட 25 அணி பிரிவு​களுக்கு மாநில அமைப்​பாளர்​களை நியமித்து நயி​னார் நாகேந்​திரன் அறி​வித்​துள்​ளார்.

திமுகவை எதிர்க்க வாரிசு அரசி​யலை கையில் எடுத்​து, திமுகவை பாஜக தொடர்ந்து விமர்​சனம் செய்து வரும் நிலை​யில், தமிழக பாஜக தலை​வரின் மகனுக்கு கட்​சி​யில் புதிய பொறுப்பு கொடுக்​கப்​பட்​டிருப்​பது, பாஜக​விலும் வாரிசு அரசி​யல் புகுந்​து​விட்​டது என்​பது போன்ற விமர்​சனங்​கள் எழுந்​துள்​ளன. இதற்கு நயி​னார் நாகேந்​திரன் விளக்​கம் அளித்து தூத்​துக்​குடி​யில் செய்​தி​யாளர்​களிடம் கூறும்​போது, ‘பாஜக யாருக்​கும் உரிமை​யான கட்சி கிடை​யாது.

3 ஆண்​டு​கள் வரை நான் மாநில தலை​வ​ராக இக்​கட்​சி​யில் இருக்​கலாம். அதன்​பிறகு மாநில தலை​வ​ராக நான் தொடரு​வது குறித்து கட்​சி​தான் முடி​வெடுக்​கும். நான் பாஜக மாநில தலை​வ​ராக பொறுப்​பேற்​ப​தற்கு முன்​பே, நயி​னார் பாலாஜி மாநில இளைஞர் அணி துணை தலை​வ​ராக இருந்​தவர். திமுக​தான் குடும்​பக் கட்​சி. அந்த கட்​சி​யில் தான் வாரிசு அரசி​யல் இருக்க வேண்​டு​மா, கூடா​தா என்​ப​தை அவர்​கள்​ முடி​வெடுக்​க வேண்​டும்​,’ என்​றார்​.