பணியின்போது கண்டெடுத்த நகையை நேர்மையுடன் ஒப்படைத்த தூய்மைப் பணியாளர்: முதல்வர் பாராட்டு

சென்னை: தூய்​மைப் பணி​யின்​போது கண்​டெடுத்த நகையை நேர்​மை​யுடன் போலீ​ஸாரிடம் ஒப்​படைத்த பணி​யாள​ருக்கு முதல்வர் மு.க.ஸ்​டா​லின் பாராட்டு தெரி​வித்​துள்​ளார். காசிமேட்​டைச் சேர்ந்​தவர் கிளாரா (39). சென்னை மாநக​ராட்​சி​யில் தூய்​மைப் பணி​யாள​ராக உள்​ளார்.

நேற்று முன்​தினம் (3-ம் தேதி) காலை திரு​வான்​மியூரில் உள்ள மருந்​தீஸ்​வரர் கோயில் திருமண மண்டப வளாகத்​தில், ‘உங்​களு​டன் ஸ்டா​லின்’ திட்ட முகாம் நடை​பெற்​றது. அதன் பிறகு மாலை 5 மணி​யள​வில் அந்த பகு​தி​யில் தூய்​மைப் பணி நடை​பெற்​றது.

இந்த பணி​யில் கிளாரா ஈடு​பட்​டிருந்​தார். அவர் அங்​குள்ள கார் பார்க்​கிங் பகு​தியை சுத்​தம் செய்​த​போது, ஒரு பவுன் தங்​கச் சங்​கிலி கீழே கிடந்தது. அதை எடுத்து மேற்​பார்​வையாளரிடம் ஒப்​படைத்​தார். பின்​னர் திரு​வான்​மியூர் காவல் நிலை​யத்​தில் ஒப்​படைக்​கப்​பட்​டது.

இதையடுத்​து, போலீ​ஸார் நகையைத்தவற​விட்​ட​வரை கண்​டறிந்து அவரிடம் ஒப்​படைத்​தனர். தங்கம் விலை உச்​சத்​தில் உள்ள கால​கட்​டத்​தில் ஏழ்மை நிலை​யிலும் நேர்​மை​யாகச் செயல்​பட்ட தூய்​மைப் பணி​யாளர் கிளாராவை பலரும் வெகு​வாகப் பாராட்டினர்.

சமூக வலைதள பதிவு: இந்​நிலை​யில், கிளா​ரா​வின் நேர்​மை​யைப் பாராட்டி தமிழக முதல்​வர் மு.க.ஸ்​டா​லின் வெளி​யிட்​டுள்ள சமூக வலை​தளப் பதிவு: தூய்​மைப் பணி​யின்​போது கண்​டெடுத்த தங்​கச் சங்​கி​லியை நேர்​மையோடு போலீ​ஸில் சகோ​தரி கிளாரா ஒப்​படைத்த செய்​தி​யைப் பார்த்து நெகிழ்ந்​தேன். எளிய​வர்​கள் எப்​போதும் நேர்​மை​யின் பக்​கம்​தான் என்ப​தற்கு மற்​றும் ஒரு எடுத்​துக்​காட்​டாக மின்​னும் தங்கை கிளா​ரா​வுக்கு எனது அன்​பும் பாராட்​டு​களும். இவ்​வாறு முதல்​வர் தெரி​வித்​துள்​ளார்.

புத்தாடை, வெகுமதி: இதுஒரு​புறம் இருக்க, துப்​புரவு பணி​யாளர் கிளா​ராவை குடும்​பத்​துடன் தனது முகாம் அலு​வல​கத்துக்கு அழைத்த துணை முதல்​வர் உதயநிதி ஸ்டா​லின் கிளா​ரா​வின் நேர்​மையை பாராட்​டி​னார். மேலும் அவருக்கு புத்​தாடை​யும், தி.​மு.க இளைஞரணி அறக்​கட்​டளை​யின் சார்​பில் வெகும​தி​யும் வழங்கி அவரது நேர்​மை​யான பணிக்கு வாழ்த்து தெரி​வித்​தார். அதோடு மட்​டும் அல்​லாமல் துப்​புரவு பணி​யாளர் கிளா​ரா​வின் குடும்​பத்​தினருடன் துணை முதல்​வர் உரை​யாடி​னார்.

அப்​போது, லண்​டனில் இருந்து முதல்​வர் ஸ்டா​லின் என்னை அழைத்​து, பாராட்டு தெரிவிக்​கு​மாறு தொலைபேசி​யில் தெரி​வித்​தார் என்​றும், தமிழகம் திரும்​பியதும், உங்​களை நேரில் சந்​திக்க ஆர்​வ​மாக இருப்​ப​தாக​வும், கிளாரா குடும்​பத்​தினரிடம்​ உதயநி​தி ஸ்டா​லின்​ தெரிவித்​தார்​.