மாணவர்கள் தாங்கள் கற்ற கல்வியை சுற்றுச்சூழல், மனிதகுல மேம்பாட்டுக்கு பயன்படுத்த வேண்டும்: குடியரசுத் தலைவர் திரவுபதி முர்மு

திருவாரூர்: ‘​மாணவர்​கள் தாங்​கள் கற்ற கல்வியை, இயற்கை மற்​றும் சுற்​றுச்​சூழல் பாது​காப்​புக்​கும், மனித குலத்​தின் மேம்பாட்டுக்​கும் பயன்​படுத்த வேண்​டும்’ என குடியரசுத் தலை​வர் திர​வுபதி முர்மு அறி​வுறுத்​தி​னார். திரு​வாரூர் மாவட்​டம் நீலக்​குடி​யில் உள்ள தமிழ்​நாடு மத்​திய பல்​கலைக்​கழகத்​தின் 10-வது பட்​டமளிப்பு விழா நேற்று நடை​பெற்​றது.

பல்​கலைக்​கழக வேந்​தர் பத்​ம​நாபன் தலைமை வகித்​தார். தமிழக ஆளுநர் ஆர்​.என்​.ர​வி, புதுச்​சேரி துணைநிலை ஆளுநர் கைலாஷ் நாதன், தமிழக அமைச்​சர்​கள் கோவி.செழியன், கீதா ஜீவன் ஆகியோர் பங்​கேற்​றனர். துணைவேந்​தர் பேராசிரியர் கிருஷ்ணன் வரவேற்​றார்.

விழா​வில், முதன்மை மாணவர்​களாகத் திகழ்ந்த 45 பேருக்கு குடியரசுத் தலை​வர் திர​வுபதி முர்​மு, தங்​கப்​ப​தக்​கங்​களை வழங்கி பேசி​ய​தாவது: தமிழ்​நாடு மத்​திய பல்​கலைக்​கழகம், சமூகக் கல்​லூரி அம்​பேத்​கர் மையம் மூலம் விளிம்பு நிலை மக்​களின் முன்​னேற்​றத்​துக்கு பங்​களித்து வரு​கிறது. இங்கு பயிலும் 3 ஆயிரம் பேரில் அதிக அளவு மாணவி​கள் இருப்​பதும், தங்​கப்​ப​தக்​கம் பெற்​றவர்​களில் 3-ல் 2 பங்கு பேர் மாணவி​களாக இருப்​பதும் மகிழ்ச்சி அளிக்​கிறது.

மாணவர்​கள் கற்​கும் கல்​வி, சமூகத்​துக்​குப் பயனளிப்​ப​தாக இருக்க வேண்​டும். எனவே, மாணவர்​கள் தாங்​கள் கற்ற கல்​வியை, அறி​வியல் தொழில்​நுட்​பத்​துக்​கும், இயற்கை மற்​றும் சுற்​றுச்​சூழல் பாது​காப்​புக்​கும், மனித குலத்​தின் மேம்​பாட்​டுக்​கும் பயன்​படுத்த வேண்​டும்.

வாழ்க்கை முழு​வதும் கற்​றுக்​ கொண்டே இருக்க வேண்​டும். இன்​றைய டிஜிட்​டல் யுகத்​தில் கல்வி கற்க பல்​வேறு வழி​வகைகள் இருக்​கின்​றன. நமது பாரம்​பரி​யத்தை அறிந்து கொள்​வது நிகழ்​கால தலை​முறைக்கு எளிமை​யாக உள்​ளது. இதைத்​தான் தேசிய கல்விக்கொள்கை மைய​மாகக் கொண்​டுள்​ளது.

20 ஆண்​டு​களில் இணைய புரட்சி பல்​வேறு தொழில்​களை உரு​வாக்​கி​யுள்​ளது. ஏஐ தொழில்​நுட்​பம் மற்​றும் தொழில் புரட்சி 4.0 ஆகியவை நமது வேலை மற்​றும் பயன்​பாட்​டில் மேலும் அதிக மாற்​றங்​களைக் கொண்டு வரும். இத்​தகைய சூழலில் புதிய திறன்​களை கற்​றுக்​கொண்டு தங்​களை தகவ​மைத்​துக் கொண்​டால் மாற்​றத்​தின் தலை​வர்​களாக உரு​வாக முடி​யும். இவ்​வாறு அவர் பேசி​னார். அதைத்​தொடர்ந்து விழா​வில், 568 மாணவி​கள், 442 மாணவர்​கள் என 1,010 பேர் பட்​டம் பெற்​றனர்.

ஸ்ரீரங்கத்தில் தரிசனம்: பின்னர், திருவாரூரில் இருந்து ஹெலிகாப்டரில் ஸ்ரீரங்கம் வந்த குடியரசுத் தலைவர் திரவுபதி முர்மு, ரங்கநாதர் கோயிலில் தரிசனம் செய்தார். அங்கிருந்து காரில் திருச்சி விமான நிலையம் சென்ற அவர், தனி விமானம் மூலம் டெல்லி புறப்பட்டுச் சென்றார்.