ராமதாஸ் வெளியிட்ட பாமக புதிய உறுப்பினர் அடையாள அட்டையில் அன்புமணி புகைப்படம் புறக்கணிப்பு

விழுப்புரம்: ​பாமக நிறு​வனர் ராம​தாஸ் வெளி​யிட்ட கட்​சி​யின் புதிய உறுப்​பினர் அடையாள அட்​டை​யில் அன்​புமணி​யின் புகைப்படம் புறக்​கணிக்​கப்​பட்​டுள்​ளது. பாமக மற்​றும் வன்​னியர் சங்​கத் தலை​வர்​கள், செய​லா​ளர்​கள் பங்​கேற்ற ஆலோ​சனைக் கூட்​டம் திண்​டிவனம் அடுத்த தைலாபுரத்​தில் நேற்று நடை​பெற்​றது. நிறு​வனர் ராம​தாஸ் தலைமை வகித்​தார். கட்சி வளர்ச்​சிப் பணி​கள், அன்​புமணி செயல்​பாடு​கள் மற்​றும் தமிழக சட்​டப்​பேர​வைத் தேர்​தல் தொடர்​பாக நிர்​வாகி​களு​டன் ராம​தாஸ் ஆலோசனை நடத்​தி​னார்.

தொடர்ந்​து, கட்​சி​யின் புதிய உறுப்​பினர் அடையாள அட்டை அறி​முகப்​படுத்​தப்​பட்​டது. இதில் பெரி​யார், அம்​பேத்​கர், காரல்​மார்க்ஸ் ஆகியோரது படங்​கள், கட்​சி​யின் கொடி மற்​றும் சின்​னம் ஆகிய​வற்​றுடன் ராம​தாஸின் படமும் இடம்​பெற்​றுள்​ளது. அதே​நேரத்​தில், அன்​புமணி​யின் புகைப்​படம் இடம்​பெற​வில்​லை. மேலும், அதி​காரபூர்வ கையொப்​பத்​தில், ‘நிறு​வனர் மற்​றும் தலை​வர் ராம​தாஸ்’ எனக் குறிப்​பிடப்​பட்​டுள்​ளது.

பாமக​வின் செயல் தலை​வ​ராக பணி​யாற்ற வேண்​டும் என்ற ராம​தாஸின் கட்​டளையை ஏற்க மறுத்​து, அன்​புமணி செயல்படுகிறார். பொதுக்​குழுக் கூட்​டம், உரிமை மீட்பு பயணம் என, தனது அரசி​யல் எதிர்​காலத்தை பலப்​படுத்​தும் முயற்​சி​யில் ஈடுபட்டுள்ளார்.

இதனால் ஆத்​திரமடைந்​துள்ள ராம​தாஸ், அன்​புமணி​யின் பெயர் மற்​றும் புகைப்​படத்தை முழு​மை​யாக ஒதுக்​கி​விட்​டார். பூம்புகாரில் நடை​பெற்ற வன்​னியர் மகளிர் மாநாட்டு அழைப்​பிதழிலும், அன்​புமணி​யின் பெயர் மற்​றும் புகைப்​படம் இடம் பெறவில்லை என்​பது குறிப்​பிடத்​தக்​கது.