செப். 1 முதல் புதிய விலையில் நெல் கொள்முதல்: தமிழக அரசு அறிவிப்பு

சென்னை: முதல்​வர் ஸ்டா​லின் உத்​தர​வைத் தொடர்ந்​து, வரும் செப். 1-ம் தேதி முதல் புதிய விலை​யில் நெல் கொள்​முதல் செய்யப்படும் என அறிவிக்​கப்​பட்​டுள்​ளது. இது தொடர்​பாக தமிழக அரசு வெளி​யிட்​டுள்ள செய்​திக்​குறிப்​பில் கூறி​யிருப்​ப​தாவது:

மத்​திய அரசு 2025-26-ம் ஆண்​டுக்​கான நெல் கொள்​முதல் விலையை தற்​போது நிர்​ண​யித்​து உள்​ளது. இந்​நிலை​யில், மத்​திய அரசு நிர்​ண​யம் செய்துள்ள சன்​னரக நெல் கொள்​முதல் விலையை குவிண்​டாலுக்கு ரூ.2,389 என்​பதை ரூ.2,545-ஆக​வும், பொதுரக நெல் விலையை குவிண்​டாலுக்கு ரூ.2,369 என்​பதை ரூ.2,500-ஆக​வும் உயர்த்தி முதல்​வர் ஸ்டா​லின் அறி​வித்​துள்​ளார்.

இந்த விலை​யில் தமிழகம் முழு​வதும் உள்ள நெல் கொள்​முதல் நிலை​யங்​கள் மூலம் நாளை (செப். 1) தேதி முதல் அடுத்த ஆண்டு ஆக. 31-ம் தேதி வரை விவ​சா​யிகளிட​மிருந்து நெல் கொள்​முதல் செய்​யப்​படும். இதற்​காக முதல்​வர் பிறப்​பித்த உத்​தரவு கடந்த 29-ம் தேதி அரசாணை​யாக வெளி​யிடப்​பட்​டு
உள்​ளது.

நடப்​பாண்டு விவ​சா​யிகளிட​மிருந்து 42 லட்​சம் டன் நெல் கொள்​முதல் செய்​யப்​படும். சன்ன ரக நெல் 30 லட்​சம் டன், பொது ரக நெல் 12 லட்​சம் டன் கொள்​முதல் செய்​யப்​படும். தமிழக வரலாற்​றில் இது​வரை இல்​லாத அளவுக்கு 2024-25 நெல் கொள்​முதல் பரு​வத்​தில் 47.97 லட்​சம் டன் நெல் கொள்​முதல் செய்​யப்​பட்டு சாதனை படைக்​கப்​பட்​டுள்​ளது.

கடந்த 51 மாத திமுக ஆட்​சி​யில் மொத்​தம் 1.85 கோடி டன் நெல் கொள்​முதல் செய்​யப்​பட்​டு, ரூ.44,777.83 கோடி வழங்​கப்​பட்டுள்​ளது. இதில், விவ​சா​யிகளுக்கு அரசு வழங்​கி​யுள்ள ஊக்​கத்​தொகை மட்​டும் ரூ.2031.29 கோடி​.

மேலும், நெல்லை திறந்​தவெளி​யில் வைக்​கக் கூடாது என்​ப​தற்​காக ரூ. 827.78 கோடி​யில் 7.33 லட்​சம் டன் கொள்​ளவு கொண்ட, மேற்​கூரை அமைப்​புடன் கூடிய நவீன நெல் சேமிப்பு வளாகங்​கள் கட்​டப்​பட்​டுள்​ளன. இவ்​வாறு செய்​திக்​குறிப்​பில் தெரிவிக்​கப்​பட்​டுள்​ளது.

இந்​நிலை​யில், முதல்​வர் ஸ்டா​லினை, அமைச்​சர்கள் எம்​ஆர்​கே.பன்​னீர்​செல்​வம், அர.சக்​கர​பாணி ஆகியோர் நேற்று சந்​தித்​து, நெல் கொள்​முதல் விலையை உயர்த்​தி​யமைக்​காக நன்றி தெரி​வித்​தனர்.