மாநகராட்சியின் 32 சேவைகளை வாட்ஸ்அப்பில் வழங்கும் திட்டம்: மேயர் பிரியா தொடங்கி வைத்தார்

சென்னை: ​மாநக​ராட்​சி​யின் 32 சேவை​களை வாட்​ஸ்​அப்​பில் வழங்​கும் திட்​டத்​தை, ரிப்​பன் மாளி​கை​யில் மேயர் ஆர்​.பிரியா தொடங்கி வைத்​தார். மக்​கள் எவ்​வித அலைச்​சலுமின்​றி, தாங்​கள் இருந்த இடத்​திலிருந்து இச்​சேவை​களை பெற முடி​யும்.

இது தொடர்​பாக, சென்னை மாநக​ராட்சி வெளி​யிட்ட செய்​திக் குறிப்​பு: சென்னை மாநக​ராட்சி மக்​களுக்​கான சேவை​கள் தற்​போது நம்ம சென்னை செயலி, மாநக​ராட்​சி​யின் இணை​யதளம் (www.chennaicorporation.gov.in), 1913 அழைப்பு மையம், சமூக வலை​தளங்​கள் வாயி​லாக வழங்​கப்​பட்டு வரு​கிறது. இந்​நிலை​யில், மேயர் ஆர்​.பிரியா 2025-26-ம் ஆண்டு நிதி​நிலை அறிக்​கை​யில், சென்னை மாநக​ராட்​சி​யில் மக்​களுக்​கான சேவை​கள் அனைத்​தும் வாட்​ஸ்​அப் வழி​யாக வழங்​கப்​படும் என அறி​வித்​தார்.

இதனைத் தொடர்ந்​து, தமிழகத்​திலேயே முதன்​முறை​யாக சென்னை மாநக​ராட்​சி​யில் வழங்​கப்​படும் பொது​மக்​களுக்​கான சேவை​கள் அனைத்​தும் வாட்​ஸ்​அப்​பில் வழங்​கும் திட்​டத்தை மேயர் ஆர்​.பிரியா ரிப்​பன் மாளி​கை​யில் நேற்று தொடங்​கி​வைத்தார். இதற்​கான வாட்​ஸ்​அப் சாட்​பாட் (Whatsapp Chatbot) சிறந்த டிஜிட்​டல் தொழில்​நுட்​பத்​தில், நிபுணர்​களின் ஆலோசனைகளை மேற்​கொண்​டு, மக்​கள் மிக எளி​தாகப் பயன்​படுத்​தும் வகை​யில், செயற்கை நுண்​ணறிவு பயன்​பாட்​டுடன் உருவாக்கப்பட்டுள்​ளது.

பொது​மக்​கள், மாநக​ராட்​சி​யின் சேவையை தற்​போது உரு​வாக்​கப்​பட்​டுள்ள 94450 61913 எனும் வாட்​ஸ்​அப் எண்ணை தங்​கள் கைபேசி​யில் முதலில் பதிவு செய்து கொள்ள வேண்​டும். இதைத் தொடர்ந்​து, இந்த வாட்​ஸ்​அப் சாட்​பாட் எண்​ணுக்கு ‘Hi’ அல்​லது ‘வணக்​கம்’ என பதி​விட வேண்​டும். பின்​னர், மாநக​ராட்​சி​யின் சேவை​களை அதில் உள்ள உரிய வழி​காட்​டலுடன் உள் நுழைந்து பெற்​றிட வேண்​டும்.

இதில் பிறப்பு மற்​றும் இறப்​புச் சான்​றிதழ் தொடர்​பான சேவை​கள், சொத்து வரி செலுத்​துதல், புகார் பதிவு, தொழில் வரி செலுத்​துதல், வர்த்தக உரிமம் செலுத்​துதல் மற்​றும் புதுப்​பித்​தல், ஆவண பதி​விறக்​கம், சமு​தாயக்​கூடம் முன்​ப​திவு, முதல்​வர் படைப்பகம் தொடர்​பான சேவை​கள், நீச்​சல்குளம் முன்​ப​திவு, செல்​லப் பிராணி​களின் உரிமம் பதிவு, பொது​மக்​கள் குறைதீர்க்​கும் சேவை​கள், நகரமைப்பு தொடர்​பான சேவை​கள், விண்​ணப்​பங்​கள் கண்​காணிப்​பு, கடை வாடகை செலுத்​துதல், கட்​டிடம் மற்​றும் கட்​டு​மானக் கழி​வு​கள் தொடர்​பான பதிவு உள்​ளிட்ட மாநக​ராட்​சி​யின் 32 வகை​யான சேவை​களை மக்​கள் எவ்​வித அலைச்​சலுமின்றி தாங்​கள் இருந்த இடத்​திலிருந்து பெற முடி​யும்.

இதில், தமிழிலும், ஆங்​கிலத்​தி​லும் பதி​விட முடி​யும். இந்த வாட்​ஸ்​அப் எண்​ணில், மண்டல அலு​வல​கம், வார்டு அலு​வல​கம் கண்​டறிதல், அரு​கில் உள்ள வசதி​களைத் தெரிந்து கொள்​ளுதல், பள்​ளிக் கூடங்​கள், கழிப்​பிடங்​கள், பேருந்து நிறுத்​து​மிடங்​கள், அம்மா உணவகம், மயான பூமி, சமு​தாயக்​கூடம், ஆரம்ப சுகா​தார நிலை​யம், நகர்ப்​புற சமூக சுகா​தார மையம், படிவங்​கள் பதி​விறக்​கம் உள்​ளிட்ட சேவை​களை​யும் பெற முடி​யும்.

விரை​வில் சென்னை குடிநீர் வாரி​யம் மற்​றும் பதிவுத் துறை சேவை​களும் வழங்​கப்​படும். மேலும், பல்​வேறு சேவை​களை எளி​தில் பெற கியூஆர் கோடு-ஐ​யும் மேயர் பிரியா வெளி​யிட்​டார். இந்​நிகழ்ச்​சி​யில், மாநக​ராட்சி ஆணை​யர் ஜெ.குமரகுருபரன், நிலைக்​குழுத் தலை​வர் (வரி​வி​திப்பு மற்​றும் நிதி) சர்​பஜெ​யா​தாஸ் நரேந்​திரன், துணை ஆணை​யர்​கள் வி.சிவகிருஷ்ண​மூர்த்​தி, ம.பிர​தி​வி​ராஜ், மாநகர வரு​வாய் அலு​வலர் கே.பி.​பானுசந்​திரன் உள்​ளிட்ட பலர் கலந்​துக் கொண்​டனர். இவ்​வாறு செய்​திக் குறிப்​பில் தெரிவிக்​கப்​பட்​டுள்​ளது.