சுகாதாரத் துறை பணிகளுக்கு 644 பேர் தேர்வு: நியமன ஆணைகளை முதல்வர் ஸ்டாலின் வழங்கினார்

சென்னை: மருத்​து​வப் பணி​யாளர் தேர்வு வாரி​யம் மற்​றும் டிஎன்​பிஎஸ்சி மூலம் சுகா​தா​ரத் துறை​யில் பல்​வேறு பணியிடங்களுக்குத் தேர்வு செய்​யப்​பட்ட 644 பேருக்கு பணி நியமன ஆணை​களை முதல்​வர் ஸ்​டா​லின் நேற்று வழங்​கி​னார்.

இதுகுறித்து தமிழக அரசு வெளி​யிட்ட செய்​திக்​குறிப்​பு: முதல்​வர் மு.க.ஸ்​டா​லின் தலை​மையி​லான அரசு பொறுப்​பேற்ற 2021-ம் ஆண்டு மே முதல் இது​வரை மருத்​து​வப் பணி​யாளர் தேர்வு வாரி​யம் மூல​மாக 4,576 உதவி மருத்​து​வர்​கள், 27 மாற்​றுத் திற​னாளி செவிலியர்​கள், 2,772 இதர மருத்​து​வம் சார்ந்த பணி​யாளர்​கள் உள்​ளடக்​கிய 7,375 பணி​யாளர்​கள் தேர்வு செய்​யப்​பட்​டுள்​ளனர்.

அதன் தொடர்ச்​சி​யாக, மருத்​து​வப் பணி​யாளர் தேர்வு வாரி​யம் மூல​மாக பொது சுகா​தா​ரம் மற்​றும் நோய் தடுப்பு இயக்​ககத்​துக்கு 182 உதவி மருத்​துவ அலு​வலர்​கள் (பொது), மருத்​து​வம் மற்​றும் ஊரக நலப் பணி​கள் இயக்​ககத்​துக்கு 48 பல் மருத்​து​வர்​கள், மருத்​து​வக் கல்வி மற்​றும் ஆராய்ச்சி இயக்​ககத்​துக்கு 324 அறுவை அரங்கு உதவி​யாளர்​கள் மற்​றும் தமிழ்​நாடு சுகா​தார போக்​கு​வரத்து துறைக்கு ஒரு திறன்​மிகு உதவி​யாளர் நிலை-1 என 555 பேர் தேர்வு செய்​யப்​பட்​டுள்​ளனர்.

மேலும், தமிழ்​நாடு அரசுப் பணி​யாளர் தேர்​வாணை​யம் மூல​மாக மருத்​து​வக் கல்வி மற்​றும் ஆராய்ச்சி இயக்​ககத்​துக்கு 18 உளவியல் உதவி பேராசிரியர்​கள் மற்​றும் மருத்​துவ உளவிய​லா​ளர்​கள், மருந்து கட்​டுப்​பாடு இயக்​ககத்​துக்கு 17 மருந்து ஆய்​வாளர்​கள், குடும்​பநல இயக்​ககத்​துக்கு 54 வட்​டார சுகா​தா​ரப் புள்​ளியி​லா​ளர்​கள் என 89 பேர் தேர்​வாகி​யுள்​ளனர். இவர்​கள் 644 பேருக்கு சென்​னை, மாநிலக் கல்​லூரி​யில் நேற்று நடை​பெற்ற நிகழ்ச்​சி​யில் முதல்​வர் மு.க.ஸ்​டா​லின் பணி நியமன ஆணை​களை வழங்​கி​னார்.

இந்​நிகழ்ச்​சி​யில், துணை முதல்​வர் உதயநிதி ஸ்டா​லின், சுகா​தா​ரத் துறை அமைச்​சர் மா.சுப்​பிரமணி​யன், மேயர் ஆர்​.பிரி​யா, நாடாளு​மன்ற உறுப்​பினர் தயாநிதி மாறன், சென்னை மாநக​ராட்சி நிலைக்​குழு தலை​வர் சிற்​றரசு, சுகா​தா​ரத்​துறை செயலர் ப.செந்​தில்​கு​மார், மருந்து கட்​டுப்​பாடு இயக்​குநர் ஆர்​.லால்​வே​னா உள்​ளிட்​டோர்​ பங்​கேற்​றனர்​.

கட்​டிடங்​கள் திறப்பு: தமிழக ஊரக வளர்ச்​சித் துறை சார்​பில், தமிழகத்​தின் பல்​வேறு பகு​தி​களில் 2 ஊராட்சி ஒன்​றிய அலு​வல​கக் கட்​டிடங்​கள், கொட்​டாம்​பட்டி புதிய பேருந்து நிலை​யம், 66 புதிய பள்​ளிக் கட்​டிடங்​கள், 4 புதிய நூல​கக் கட்​டிடங்​கள், 49 பொது விநி​யோகக் கடைகள், 26 ஆரம்ப சுகா​தார நிலை​யக் கட்​டிடங்​கள், 25 உணவு தானிய சேமிப்பு கிடங்​கு​கள் உள்பட மொத்​தம் ரூ.104.24 கோடி மதிப்​பிலான கட்​டிடங்​களை நேற்று காணொலி​யில் முதல்​வர் மு.க.ஸ்​டா​லின் திறந்து வைத்​தார்.

இது த​விர தமிழ்​நாடு அரசுப் பணி​யாளர் தேர்​வாணை​யம் மூலம் 818 சாலை ஆய்​வாளர்​கள் பணி​யிடங்​களுக்கு தெரிவு செய்​யப்​பட்​ட​வர்​களுக்கு பணிநியமன ஆணை​களை​யும் வழங்​கி​னார். இந்து சமய அறநிலை​யத்​துறை சார்​பில் ரூ. 124.97 கோடி மதிப்​பில் 12 கோயில்​களில் 17 புதிய திட்​டப் பணி​களுக்​கான கட்​டு​மானப் பணி​கள் மற்​றும் ரூ.32.53 கோடி மதிப்​பில் ஆயிரம் ஆண்​டு​கள் பழமை​யான 9 கோயில்​களை அதன் பழமை மாறாமல் புனரமைக்​கும் வகையி​லான திருப்​பணி​களை​யும் தொடங்கி வைத்தார்.

அதே​போல், தமிழ்​நாடு நுகர்​பொருள் வாணிபக் கழகம், தமிழ்​நாடு சேமிப்​புக் கிடங்கு நிறு​வனம் ஆகியவை சார்​பில் ரூ.60.85 கோடியில் நவீன கிடங்​கு​களையும் முதல்​வர் காணொலி வாயி​லாக திறந்து வைத்​தார். மேலும், தமிழ்​நாடு சேமிப்​புக் கிடங்கு நிறு​வனத்​திலும் நுகர்​பொருள் வாணிபக் கழகத்​திலும் 55 பேருக்கு கருணை அடிப்​படை​யில் பணிநியமன ஆணை​களை​யும் வழங்​கி​னார். நிகழ்ச்​சி​யில், அமைச்​சர்​கள் ஐ.பெரி​யசாமி, எ.வ.வேலு, அர.சக்​கர​பாணி, ஆர்​.​காந்​தி, பி.கே.சேகர்​பாபு, சி.​வி.கணேசன் உள்​ளிட்​ட அரசு அதிகாரிகள்​ பங்​கேற்​றனர்​.