100 தொகுதிகளில் 34 நாட்களில் 10 ஆயிரம் கி.மீ. பயணம் செய்து மக்களை சந்தித்த பழனிசாமி 

சென்னை: அ​தி​முக பொதுச் செய​லா​ளர் பழனி​சாமி கடந்த 34 நாட்​களில் 10,000 கி.மீ. தூரம் பயணம் செய்​து, 100 தொகு​தி​களில் ‘மக்​களை காப்​போம், தமிழகம் மீட்​போம்’ பிரச்​சா​ரத்தை நிறைவு செய்​துள்​ளார். தமிழகம் முழு​வதும் சென்று மக்​களை சந்​திக்​கும் வகை​யில் ‘மக்​களை காப்​போம், தமிழகம் மீட்​போம்’ என்ற பிரச்​சார பயணத்தை அதி​முக பொதுச் செய​லா​ளர் பழனி​சாமி கடந்த ஜூலை 7-ம் தேதி தொடங்​கி​னார்.

விவ​சா​யிகள், வியா​பாரி​கள், நெச​வாளர்​கள், மீனவர்​கள் என பல்​வேறு தரப்​பினருடன் 150-க்​கும் மேற்​பட்டகலந்​துரை​யாடல்​களில் பங்​கேற்று அவர்​களின் பிரச்​சினை​களை நேரடி​யாக கேட்​டறிந்​தார். அவர்​களுக்கு பல்​வேறு ஆலோ​சனை​கள், தீர்​வு​களை​யும் வழங்​கி​னார்.

இந்த சுற்​றுப் பயணத்​துக்​காக சிறப்​பாக வடிவ​மைக்​கப்​பட்ட பிரச்​சார பேருந்​தில் தொடர் பயணம் செய்​து​வரும் பழனி​சாமி, 34 நாட்​களில் 10,000 கி.மீ. தூரம் கடந்​து, சராசரி​யாக நாள்​தோறும் சுமார் 14 மணி நேரத்தை மக்​களிடையே செல​வழித்​துள்​ளார். இது​வரை அவரது பிரச்​சா​ரம் மற்​றும் கலந்​துரை​யாடல் நிகழ்​வு​களில் 52 லட்​சத்​துக்​கும் மேற்​பட்​டோர் பங்​கேற்​றுள்​ளனர்.

மீண்​டும் ரூ.2,500 “பழனி​சாமி​யின் எளிமை​யான பேச்​சும், மக்​களு​டன் இயல்​பாக பழகும் தன்​மை​யும் பெரும் வரவேற்பை பெற்​றுள்​ளது. பயணத்​தின்​போது, திமுக அரசின் செயல்​பாடு​களை கடுமை​யாக விமர்​சித்​ததோடு, அதி​முக​வின் சாதனை​களை​யும் மக்​களிடம் நினை​வுபடுத்​தி​னார்.

பொங்​கலுக்கு மீண்​டும் ரூ.2,500, இலவச வேட்டி சேலை, தீபாவளிக்கு சேலை, ஏழைகளுக்கு கான்​கிரீட் வீடு​கள் போன்ற வாக்​குறு​தி​களை​யும் அளித்​துள்​ளார். இந்த பயணத்​தையொட்டி வெளி​யான பிரச்​சா​ரப் பாடல்​களும் சமூக வலை​தளத்​தில் வைரலாகி வரு​கிறது’’ என்று அதி​முக நிர்​வாகி​கள், தொண்​டர்​கள் கூறுகின்​றனர்.

குறிப்​பாக, ஆற்​காட்​டில் 100-வது தொகுதி பயணத்தை நிறைவு செய்த பழனி​சாமி, “இந்த எழுச்​சிப் பயணம் தொடக்​கம் மட்​டுமே. உண்​மை, உழைப்​புடன் பாடு​பட்​டு, முன்​னாள் முதல்​வர் ஜெயலலிதா வழி​காட்​டிய தமிழகத்தை உரு​வாக்​கு​வோம்” என்று சூளுரைத்​துள்​ளார். அவரது இந்த சுற்​றுப் பயணம் அதி​முக தொண்​டர்​களிடம் உற்​சாகத்​தை ஏற்​படுத்​தியுள்​ளது.