ராமதாஸும், அன்புமணியும் அரசியல் நாடகம் போடுகின்றனர்: காடுவெட்டி குரு மகள் விருதாம்பிகை குற்றச்சாட்டு

சென்னை: வன்​னிய சங்க முன்​னாள் தலை​வர் காடு​வெட்டி ஜெ.குரு​வின் மகள் குரு.​விரு​தாம்​பிகை சென்​னை​யில் செய்தியாளர்களிடம் கூறிய​தாவது: பாமக நிறு​வனர் ராம​தாஸும், தலை​வர் அன்​புமணி​யும் சண்டை போட்​டுக்​கொள்​வது​போல நாடக​மாடி வன்​னியர் மக்​களை ஏமாற்றி வரு​கின்​றனர். இவர்​கள் வன்​னியர் சமூகத்​தின் நலனுக்​காக சண்டை போட​வில்​லை. பணத்​துக்​காக​வும், பதவிக்​காக​வும் மட்​டுமே சண்டை போடு​கின்​றனர். இதனால் கட்​சிக்கு எந்த பயனும் இல்​லை. இது முழுக்க அரசி​யல் நாடக​மாகும்.

பாமக ஒழுங்கு நடவடிக்கை குழு​வில் 16 குற்​றச்​சாட்​டு​கள் அன்​புமணி மீது வைக்​கப்​பட்​டுள்​ளன. ஆனால், அதன் மீது எந்த நடவடிக்​கை​யும் ராம​தாஸ் எடுக்​க​வில்​லை. இதுவே அதில் ஒரு குற்​றத்தை ஜி.கே.மணி​யோ, அருளோ செய்​திருந்​தால் இந்​நேரம் கட்​சி​யில் இருந்து அவர்​களை நீக்​கி​யிருப்​பார்​கள். ராம​தாஸை பைத்​தி​யம் என்று சொல்​லும் அன்​புமணியை கட்​சி​யில் இருந்து நீக்​க​வில்​லை. மாறாக பிறந்​த​நாள் விழாக்​களில் மாறி, மாறி கேக்​கு​களை ஊட்​டி​விடு​கின்​றனர்.

பின்​னர், எதற்​காக இந்த நாடகம்? இந்த பிரித்​தாளும் சூழ்ச்​சி​தான் ராம​தாஸின் அரசி​யல். இது வன்​னியர் மக்​களுக்கு செய்​யும் துரோக​மாகும். இதனால் வட மாவட்​டங்​களில் கடந்த 2016-ல் 15 சதவீத வாக்கு சதவீதத்தை வைத்​திருந்த பாமக, இன்​றைக்கு 2 சதவீதத்​துக்கு கீழ் சென்​று​விட்​டது. சுய​லாபத்​துக்​காக மட்​டுமே கட்சி நடத்​தும் இந்த இரு​வ​ரால் வன்​னியர் மக்​கள் சீரழிவு பாதையை நோக்கி சென்று கொண்​டிருக்​கின்​றனர்.

அதே​போல், எதிர்க்கட்​சித் தலை​வர் பழனி​சாமி, திருச்​சி​யில் பேசும்​போது,வன்​னியருக்​கான 10.5 இடஒதுக்​கீடு முடிந்​து​ போனகதை என்கிறார். பழனி​சாமிக்​கும், ராம​தாஸுக்​கும், அன்​புமணிக்​கும் வன்​னியர் மக்​களை பார்த்​தால் எப்​படி தெரி​கிறது? எனவே, மறைந்த காடு​வெட்டி குரு​வின் வழி​யில் வன்​னியர் சமூகத்​துக்​காக தனி​யாக ஒரு கட்​சியை விரை​வில் ஆரம்​பிக்க உள்​ளோம். அதற்​கான பணி​கள் நடை​பெற்று வரு​கின்​றன. வன்​னியர் மக்​களுக்கு எந்த கட்சி ஆதர​வாக இருக்​கிறதோ, அந்த கட்​சியை வரும் தேர்​தலில் நாங்​கள் ஆதரிப்​போம். இவ்​வாறு அவர் கூறி​னார்​.