ராமதாஸ் தலைமையில் நடந்தது பாமக பொதுக்குழு இல்லை: செய்தித் தொடர்பாளர் பாலு அறிவிப்பு

சென்னை: ராம​தாஸ் தலை​மை​யில் நடந்​தது பாமக பொதுக்​குழுக் கூட்​டம் கிடை​யாது. அந்​த கூட்​டத்​தில் எடுக்​கப்​பட்ட முடிவு​கள் கட்​சியை எந்த வகை​யிலும் கட்​டுப்​படுத்​தாது என்று கட்​சி​யின் செய்​தித் தொடர்​பாளர் கே.​பாலு தெரி​வித்​துள்​ளார். ராம​தாஸ், அன்​புமணிக்​கிடையே​யான பிரச்​சினை தொடரும் நிலை​யில், அன்​புமணி தலை​மையி​லான பாமக பொதுக்​குழுக் கூட்​டம் மாமல்​லபுரத்​தில் கடந்த 9-ம் தேதி நடை​பெற்​றது.

இதில் தலை​வ​ராக அன்​புமணி, பொதுச் செய​லா​ள​ராக வடிவேல் ராவணன், பொருளாள​ராக தில​க​பாமா உள்​ளிட்​டோர் அடுத்த ஓராண்​டுக்கு அந்த பொறுப்​பு​களில் தொடர்​வார்​கள் என்று தீர்​மானம் நிறைவேற்​றப்​பட்​டது. அந்​தக் கூட்​டம் செல்​லாது என்று ராம​தாஸ் தெரி​வித்​தார்.

இந்​நிலை​யில், ராம​தாஸ் தலை​மை​யில் விழுப்​புரம் மாவட்​டம் பட்​டானூரில் பாமக பொதுக்​குழுக் கூட்​டம் நேற்று நடந்​தது. இதில், பாமக நிறு​வனர் மற்​றும் தலை​வ​ராக ராம​தாஸ் செயல்​படு​வார் என்று தீர்​மானம் நிறைவேற்​றப்​பட்​டது. மேலும், கூட்​டணி குறித்து முடி​வெடுக்​கும் அதி​காரம் ராம​தாஸுக்கு வழங்​கப்​பட்​டது.

இதுகுறித்து கட்​சி​யின் செய்​தித் தொடர்​பாளர் கே.​பாலு கூறும்​போது, “பாமக அமைப்பு விதி​கள் 15, 16 ஆகிய​வற்​றின் அடிப்​படை​யில் கட்​சி​யின் பொதுக்​குழு உள்​ளிட்ட எந்​தக் கூட்​ட​மும் பொதுக்​குழு​வால் தேர்வு செய்​யப்​பட்ட கட்​சி​யின் தலை​வர், பொதுச் செய​லா​ளர் ஆகியோ​ரால் கூட்​டப்​பட்​டு, பொதுக்​குழு​வால் தேர்ந்​தெடுக்​கப்​பட்ட கட்​சித் தலை​வரின் தலை​மை​யில்​தான் நடத்​தப்பட வேண்​டும்.

அதன்​படி, பாமக பொதுக்​குழுக் கூட்​டம் கடந்த 9-ம் தேதி மாமல்​லபுரத்​தில், பொதுக்​குழு​வால் தேர்ந்​தெடுக்​கப்​பட்ட கட்​சித் தலை​வர் அன்​புமணி தலை​மை​யில் முறைப்​படி நடத்​தப்​பட்​டது. அதில் நிறைவேற்​றப்​பட்ட தீர்​மானங்​கள் குறித்த தகவல், இந்​திய தேர்​தல் ஆணை​யத்​துக்கு முறைப்​படி தெரிவிக்​கப்​பட்​டிருக்​கிறது.

இந்​நிலை​யில், புதுச்​சேரி பட்​டானூரில் இன்று (நேற்​று) நடத்​தப்​பட்ட கூட்​டம் பாமக​வின் பொதுக்​குழுக் கூட்​டம் அல்ல. அதில் எடுக்​கப்​பட்ட முடிவு​கள் பாமகவை எந்த வகை​யிலும் கட்​டுப்​படுத்​தாது” என்​று தெரி​வித்​துள்​ளார்​.