ஒருங்கிணைந்த போக்குவரத்து வளாகம் அமைப்பதற்காக பிராட்வேயில் ‘குறளகம்’ கட்டிடம் இடிக்கும் பணி தீவிரம்

சென்னை: சென்னை பிராட்​வே​யில், ஒருங்​கிணைந்த போக்​கு​வரத்து வளாகம் அமைக்​கும் திட்​டத்​தின் ஒரு பகு​தி​யாக, குறளகம் கட்டிடம் இடிக்​கும் பணி தீவிர​மாக நடை​பெற்று வரு​கிறது.

சென்​னை​யில் பல்​வேறு இடங்​களில் ஒருங்​கிணைந்த போக்​கு​வரத்து வளாகம் அமைக்க முயற்சி எடுக்​கப்​பட்​டுள்​ளது. அதன்​படி, நவீன பேருந்து முனை​யம், வணிக வளாகம், வாகன நிறுத்​தமிடங்​கள், பொழுது போக்கு அம்​சங்​களு​டன் இது இடம்​பெற உள்ளது.

அந்த வகை​யில், பிராட்வே​யில் உள்ள குறளகம் கட்​டிடத்தை புதுப்​பித்​தல், பல்​நோக்கு ஒருங்​கிணைந்த போக்​கு​வரத்து வளாகம் அமைப்​ப​தற்​கு​மான ஒப்​பந்​தம் ரூ.566.59 கோடி​யில் பிரிட்ஜ் அண்ட் ரூஃப் நிறு​வனத்​துக்​கு, சென்னை மெட்ரோ சொத்து மேலாண்மை நிறு​வனம் கடந்த மாதம் வழங்​கியது.

இந்​நிலை​யில், ஒருங்​கிணைந்த போக்​கு​வரத்து வளாகம் அமைக்​கும் திட்​டத்​தின் ஒரு பகு​தி​யாக, பிராட்​வே​யில் உள்ள குறளகம் கட்டிடத்தை இடிக்​கும் பணி கடந்த வாரம் தொடங்​கியது. முதல் கட்​ட​மாக, உள்​பகு​தி​யில் கட்​டிடம் இடிக்​கப்​பட்டு வந்​தது. இப்​போது, வெளிப் பகு​தி​யில் இடிக்​கும் பணி தொடங்கி நடை​பெற்று வரு​கிறது.

4 மாடிகளை கொண்ட குறளகம் கட்​டிடத்​தில் காதி கிராஃப்ட், கதர் துறை உள்பட பல்​வேறு துறை​களின் அலு​வல​கங்​கள் இயங்கி வந்​தன. இந்த துறை அலு​வல​கங்​கள் தற்​போது இடம் மாற்​றப்​பட்​டன. புதுப்​பிக்​கப்​படும் குறளகம் கட்​டடம் மொத்​த​மாக 22,794 சதுர மீட்​டர் கட்​டிட பரப்​பளவைக் கொண்​ட​தாக இருக்​கும். இதில், இரண்டு அடித்தள நிலைகள், தரைத்​தளம் மற்​றும் 9 மேல் தளங்​கள் இடம்​பெற உள்​ளன.