சென்னை உள்ளிட்ட முக்கிய நகரங்களில் ஆவின் பால் விற்பனை 30 சதவீதம் அதிகரிப்பு: அமைச்சர் தகவல்

சென்னை: தமிழகத்​தில் சென்னை உள்​ளிட்ட முக்​கிய நகரங்​களில், ஆவின் ​பால் விற்​பனை 30 சதவீதம் உயர்ந்​துள்​ள​தாக பால் வளத்​துறை அமைச்​சர் மனோ தங்​க​ராஜ் தெரி​வித்​தார். ஆவின் முகவர்​களுக்கு உரைக்​கலன் வழங்​குதல் மற்​றும் மொத்த விற்பனையாளர்​களுக்கு ஆணை வழங்​கும் நிகழ்ச்​சி, சென்னை நந்​தனத்​தில் உள்ள ஆவின் இல்​லத்​தில் நேற்று நடை​பெற்​றது. இதில் பால்​வளத்​துறை அமைச்​சர் மனோ தங்​க​ராஜ் கலந்​து கொண்டு ஆணை​களை வழங்​கி​னார்.

பின்​னர், செய்தியாளர்களிடம் அவர் கூறிய​தாவது: தமிழகத்தில் சென்னை உள்​ளிட்ட முக்​கிய நகரங்​களில், ஆவின் பால் விற்​பனை 30 சதவீதம் உயர்ந்​துள்​ளது. கடந்த ஆண்டு ரூ.25 கோடிக்கு விற்​பனை​யானது. இந்த ஆண்டு சுமார் ரூ.33 கோடிக்கு விற்​பனை​யாகி​யுள்​ளது. இதன்​மூலம், கடந்த ஆண்டை விட 30 சதவீதம் அதி​கரித்​துள்​ளது. இந்த பால் உற்​பத்​தியை பெருக்க தொடர்ந்து நடவடிக்கை மேற்​கொள்​ளப்​பட்​டுள்​ளது.

ரூ.55 லட்சத்தில் சீரமைப்பு பணி: சென்​னை​யில், மொத்​தம் 23 பால​கங்​கள் உள்​ளன. இவற்​றில், 12 பால​கங்​கள் ரூ.55 லட்​சம் செல​வில் சீரமைப்பு பணி​கள் நடை​பெறுகின்​றன. விற்​பனை​யாளர்​களை ஊக்​கப்​படுத்த, ஃப்​ரீசர் பெட்டிகள் ஆவின் பால​கங்​களுக்கு வழங்​கப்​படு​கிறது. தமிழகத்​தில் எஞ்​சிய பகு​தி​களில் உள்ள பால​கங்​களில் பணி​யாளர்​களை அதி​கப்​படுத்தி விற்​பனையைக் கூட்ட நடவடிக்கை எடுக்​கப்​பட்​டுள்​ளது.

தமிழகம் முழு​வதும் ஆவின் பால​கங்​களில் விநி​யோக சங்​கி​லியை அதி​கப்​படுத்​தும் பணி​ நடை​பெறுகிறது. ஆவின் பால​கங்​களில் 200-க்​கும் மேற்​பட்ட பால் பொருட்​கள் விநி​யோகம் செய்​யப்​படுகின்றன. ஆனால், அனைத்து ஆவின் பால​கங்​களி​லும் அனைத்து பால் பொருட்​களும் கிடைப்​ப​தில்​லை. இந்த நிலை சரிசெய்​யப்​பட்டு​ வருகிறது. இவ்​வாறு அமைச்சர் மனோ தங்கராஜ் கூறி​னார்​.