Published : 06 Aug 2025 07:07 AM
Last Updated : 06 Aug 2025 07:07 AM

பேய், பிசாசுடன் ஒப்பிட்டு திமுக, அதிமுக மீது சீமான் கடும் விமர்சனம்

மதுரை: பேய், பிசாசுடன் ஒப்​பிட்டு திமுக, அதி​முகவை நாம் தமிழர் கட்சி தலைமை ஒருங்​கிணைப்​பாளர் சீமான் விமர்​சனம் செய்துள்​ளார். மதுரை மறை மாவட்ட புதிய பேராய​ராக பதவியேற்றுள்ள அந்​தோணி​சாமி சவரி​முத்துவை நேற்று சந்​தித்து வாழ்த்து தெரி​வித்​த சீமான், பின்னர் செய்​தி​யாளர்​களிடம் கூறிய​தாவது: தமிழகத்தை மீட்​போம், ஓரணி​யில் திரள்​வோம் என்று சொல்​கிறார்​கள்.

தமிழகத்தை யாரிடத்​தில் அடமானத்​தில் வைத்​துள்​ளார்​கள், இவ்​வளவு நாட்​கள் மீட்​காமல் என்ன செய்​தனர்? தமிழகத்​தில் உள்ள வட இந்​தி​யர்​கள் பாஜக ஆதர​வாளர்​கள். எனவே, வட இந்​தி​யர்​களுக்கு வாக்​களிக்க உரிமை அளிக்​கக் கூடாது.

திமுக வரக்​கூ​டாது என்று அதி​முக​வுக்​கும், அதி​முக வரக்​கூ​டாது என்று திமுக​வுக்​கும் மக்​கள் வாக்​களித்து வரு​கின்​றனர். பேயை விவாகரத்து செய்​து​விட்டு பிசாசை​யும், பிசாசை விவாகரத்து செய்​து​விட்டு பேயை​யும் திரு​மணம் செய்​து​கொள்​கிறார்​கள். இந்​நிலை மாற வேண்​டும். எனது குரல் வலிமை​யாக ஒலிக்​கவேண்​டும் என்​றால், சட்​டப்​பேர​வை​யில் என்னை அமரச் செய்ய வேண்​டும்.

நடிகர் விஜய் எந்த தத்​து​வத்தை முன்​வைத்​து, என்ன போராட்​டத்தை முன்​னிறுத்தி கட்சி நடத்​துகிறார் என்​பதை வைத்தே அவரது அரசி​யல் எதிர்​காலம் அமை​யும். இவ்​வாறு சீமான் கூறி​னார்​.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x