சாதிய கொலைகளை தடுக்க தனிச் சட்டம் இயற்ற வலியுறுத்தி ஆக. 9, 11-ல் ஆர்ப்பாட்டம்: திருமாவளவன் தகவல்

திருச்சி: ​சா​திய கொலைகளை தடுக்க தனி சட்​டம் இயற்ற வலி​யுறுத்தி வரும் 9, 11-ம் தேதி​களில் ஆர்ப்​பாட்​டம் நடத்​தப்​படும் என்று விசிக தலை​வர் திரு​மாவளவன் தெரி​வித்​துள்​ளார்.

திருச்சி விமான​நிலை​யத்​தில் செய்​தி​யாளர்​களிடம் அவர் நேற்று கூறிய​தாவது: தமிழகத்​தி​லும், பிற மாநிலங்​களி​லும் அதி​கரித்துவரும் சாதி ரீதியி​லான கொலைகளை தடுக்க தனி சட்​டம் இயற்ற வேண்​டும் என மத்​திய உள்​துறை அமைச்​சருக்கு கடிதம் எழு​தி​யுள்​ளேன்.

இது​போன்ற கொலைகளை தடுக்க உரிய வழி​முறை​களை உச்ச நீதி​மன்​றம் தெரி​வித்​துள்​ளது. அந்த தீர்ப்​பை​யும் மாநில அரசின் கட்​டுப்​பாட்​டில் உள்ள காவல் துறை நடை​முறைப்​படுத்​து​வ​தில்​லை. சாதி ரீதியி​லான கொலைகளை தடுக்க தனி சட்​டம் இயற்ற மாநில அரசுகளுக்கு அதி​காரம் உள்​ளது.

தமிழக முதல்​வரும் ஏற்​கெனவே தேர்​தல் வாக்​குறு​தி​யில் இதுகுறித்து குறிப்​பிட்​டுள்​ளார். எனவே, தமிழக அரசு மற்ற மாநில அரசுகளுக்கு முன்​மா​திரி​யாக இந்த சட்​டத்தை இயற்ற வேண்​டும். இதை வலி​யுறுத்தி வரும் 11-ம் தேதி மாவட்​டத் தலைநகரங்​களில் ஆர்ப்​பாட்​டம் நடை​பெறும்.

முன்​ன​தாக, எனது தலை​மை​யில் சென்​னை​யிலும், பொதுச் செய​லா​ளர் துரை.ரவிக்​கு​மார் தலை​மை​யில் விழுப்​புரத்​தி​லும் வரும் 9-ம் தேதி ஆர்ப்​பாட்​டம் நடை​பெறும். தமிழகத்​தில் லட்​சக்​கணக்​கான வட மாநிலத் தொழிலா​ளர்​களை வாக்​காளர்​களாக சேர்ப்பதற்கு முயற்​சிகள் நடப்​ப​தாக தகவல்​கள் வரு​கின்​றன.

மி்க​வும் தீவிர​மான இப்​பிரச்​சினை குறித்து முதல்​வர் அனைத்து கட்சி கூட்​டம் கூட்டி விவா​திக்க வேண்​டும். தமிழகத்​தில் தேசிய ஜனநாயகக் கூட்​ட​ணி​யில் அதி​முக-​பாஜக கட்​சிகள் மட்​டும்​தான் உள்​ளன. ஆனால், திமுக கூட்​டணி சிதறப்​போகிறது என்ற தங்கள் ஆசையை வெளிப்​படுத்தி வரு​கிறார்​கள். ஆனால், அவர்​களது அணி​யில் இருந்​து​தான் பலர் வெளி​யேறுகின்​றனர்​. இவ்வாறு திரு​மாவளவன்​ கூறி​னார்​.