திமுகவின் ஓரணியில் தமிழ்நாடு உறுப்பினர் சேர்ப்பு இயக்கம் ஏன்? - ஏஐ தொழில்நுட்பத்தில் வீடியோ வெளியீடு

சென்னை: தமிழர்​களின் மண்​,மொழி, மானம் காக்க ஓரணி​யில் இணைய வேண்​டியதன் அவசி​யத்தை தெரிவிக்​கும் வித​மாக, செயற்கை நுண்​ணறிவு தொழில்​நுட்​பத்​தில் வீடியோ ஒன்றை திமுக வெளி​யிட்​டுள்​ளது.

அந்த வீடியோ​வில் கூறி​யிருப்​ப​தாவது: இன்​றைக்கு நாம் ஓரணி​யில் திரள வேண்​டிய சூழல் ஏற்​பட்​டுள்​ளது. ஜிஎஸ்டி என்ற பெயரில் தமிழகத்​துக்கு வர வேண்​டிய ரூ.20 ஆயிரம் கோடி நிலு​வைத் தொகை, இது​வரை மத்​திய அரசிடம் இருந்து வழங்​கப்​பட​வில்​லை. பேரிடர் நிவாரண நிதி​யும் தரவில்​லை. புதிய கல்விக் கொள்​கையை ஏற்​காத​தால், கல்வி நிதி, ரூ.2,150 கோடி இன்​னும் வந்து சேர​வில்​லை.

நீட் எனும் கொடிய தேர்​வால் மாணவர்​கள் அவதிக்​குள்​ளாகின்​றனர். தமிழக மக்​களுக்கு எதி​ரான இது போன்ற அடக்​கு​முறை​களை நாம் ஓரணி​யில் திரண்டு தகர்த்து எறிய வேண்​டும். கீழடி ஆய்​வுக்கு மத்​திய அரசு அங்​கீ​காரம் அளிக்​காமல் இழுத்​தடிப்​பது, தமிழகத்​தில் கண்​டு​பிடிக்​கப்​பட்ட இரும்​பின் தொன்​மையை புறக்​கணிப்​பது, தமிழுக்கு குறைந்த நிதி​ ஒதுக்​கு​வது என மத்​திய அரசின் அடக்​கு​முறை தொடர்​கிறது.

தமிழர் அடை​யாள​மான திரு​வள்​ளுவருக்கு காவி சாயம் பூசி இழி​வுப்​படுத்​து​வது, மாநில சுயாட்​சி, கூட்​டாட்​சிக்கு எதி​ராக ஆளுநரை வைத்து அற்ப அரசி​யல் செய்​வது, தமிழர்​களை நாகரீகமற்​றவர்​கள் என நாடாளு​மன்​றத்​தில் மத்​திய அமைச்​சர் ஒரு​வர் பேசுவது என நமக்கு எதி​ரான தாக்​குதல் தொடர்​கிறது.

இதுபோன்ற தாக்​குதலால் தமிழர்​களின் சுய மரி​யாதையை சீண்​டி​ப்பார்க்​கின்​றனர். இனி​யும் இதை ஏற்க முடி​யாது. நம் மண் மொழி மானம் காக்க தமிழக மக்​கள் ஓரணி​யில் இணைவோம். பகை கூட்​டத்தை வெல்​வோம்​. இவ்​வாறு அதில்​ கூறப்​பட்​டுள்​ளது.