திருப்பத்தூர், தருமபுரி உள்ளிட்ட 9 மாவட்டங்களில் இன்று கனமழை பெய்ய வாய்ப்பு

சென்னை: ​திருப்​பத்​தூர், தரு​மபுரி உள்​ளிட்ட 9 மாவட்​டங்​களில் இன்று கனமழைக்கு வாய்ப்பு உள்​ள​தாக வானிலை ஆய்வு மையம் தெரி​வித்​துள்​ளது.

இது தொடர்​பாக சென்னை மண்டல வானிலை ஆய்வு மையம் வெளி​யிட்​டுள்ள செய்​திக்​குறிப்​பில் கூறி​யிருப்​ப​தாவது: தென்​மேற்கு வங்​கக்​கடல் பகு​தி​களின் மேல் ஒரு வளிமண்டல மேலடுக்கு சுழற்சி நில​வு​கிறது.தென்​னிந்​தி​யப் பகு​தி​களின் மேல் ஒரு வளிமண்டல மேலடுக்கு சுழற்சி நில​வு​கிறது. தெற்கு கேரளா மற்​றும் அதையொட்​டிய பகு​தி​களின் மேல் ஒரு வளிமண்டல கீழடுக்கு சுழற்சி நில​வு​கிறது. ராயலசீமா மற்​றும் அதையொட்​டிய பகு​தி​களின் மேல் மற்​றொரு வளிமண்டல கீழடுக்கு சுழற்சி நில​வு​கிறது.

இதன் காரண​மாக தமிழகத்​தில் சில இடங்​களி​லும், புதுச்​சேரி மற்​றும் காரைக்​கால் பகு​தி​களி​லும் இன்று இடி, மின்​னலுடன் கூடிய, லேசானது முதல் மித​மான மழை பெய்​யக்​கூடும். ஓரிரு இடங்​களில் மணிக்கு 30 முதல் 40 கி.மீ. வேகத்​தில் பலத்த காற்று வீசக்​கூடும். நீல​கிரி மாவட்​டம் மற்​றும் கோவை மாவட்​டத்​தின் மலைப் பகு​தி​களில் ஓரிரு இடங்​களில் கன முதல் மிக கனமழை​யும், தேனி, திண்​டுக்​கல், ஈரோடு, கிருஷ்ணகிரி, தரு​மபுரி, சேலம் மற்​றும் திருப்​பத்​தூர் மாவட்​டங்​களின் ஓரிரு இடங்​களில் கனமழை​யும் பெய்ய வாய்ப்​புள்​ளது.

சென்னை மற்​றும் புறநகரில் இன்று வானம் ஓரளவு மேகமூட்​டத்​துடன் காணப்​படும். நகரின் சிலபகு​தி​களில் இடி, மின்​னலுடன் கூடிய, லேசான அல்​லது மித​மான மழை பெய்ய வாய்ப்​புள்​ளது. தென்​தமிழக கடலோரப் பகு​தி​கள், மன்​னார் வளை​குடா மற்​றும் குமரிக்​கடல் பகு​தி​களில் இன்று மணிக்கு 40 முதல் 50 கி.மீ. வேகத்​தி​லும், இடை​யிடையே 60 கி.மீ. வேகத்​தி​லும் சூறாவளிக் காற்று வீசக்​கூடும். எனவே, மீனவர்​கள் இப்​பகு​தி​களுக்​குச் செல்ல வேண்​டாம் என அறி​வுறுத்​தப்​படு​கிறார்​கள்.

தமிழகத்​தில் ஆக. 5-ம் தேதி (நேற்​று) காலை 8.30 மணி வரையி​லான கடந்த 24 மணி நேரத்​தில் பதி​வான மழை அளவு​களின்​படி அதி​கபட்​ச​மாக புதுச்​சேரி​யில் 11 செ.மீ. மழை பதி​வாகி​யுள்​ளது. இவ்​வாறு செய்​திக்​குறிப்​பில்​ தெரிவிக்​கப்​பட்​டுள்​ளது.