இன்னும் 70 ஆண்டுகள் ஆனாலும் திமுகவுக்கு இனி தமிழகத்தில் இடமே இல்லை: பழனிசாமி கருத்து

சென்னை: இன்​னும் 70 ஆண்​டு​கள் ஆனாலும் இனி திமுக​வுக்கு தமிழகத்​தில் இடமில்லை என அதி​முக பொதுச்​செய​லா​ளர் பழனிசாமி தெரி​வித்​துள்​ளார்.

இதுதொடர்​பாக அவர் வெளி​யிட்ட அறிக்​கை​யில் கூறி​யிருப்​ப​தாவது: ‘மக்​களைக் காப்​போம்: தமிழகத்தை மீட்​போம்' என்ற பயணத்தை கோவை​யில் கடந்த ஜூலை 7-ம் தேதி தொடங்​கினேன். இது​வரை 21 நாட்​களில் 14 மாவட்​டங்​கள், 61 சட்​டப்​பேரவை தொகு​தி​களில் பிரச்​சா​ரம் மேற்​கொண்​டுள்​ளேன். 3,200 கி.மீ. தூரம் பயணித்​துள்​ளேன். சுமார் 25 லட்​சம் மக்​களை சந்​தித்​து, நேரடி​யாக உரை​யாடி அவர்​களின் குறை​களை, கோரிக்​கைகளை, எண்​ணவோட்​டங்​களைக் கேட்​டறிந்​தேன். இந்த பயணத்​தில் சுமார் 42 மணி நேரத்​துக்​கும் மேலாக மக்​களிடம் உரை​யாற்​றி​யுள்​ளேன்.

எனது பயணத்​துக்கு செல்​லும் இடமெல்​லாம் மக்​கள் அளித்​து​ வரும் பேராதர​விலும், அவர்​ளின் அளவற்ற அன்​பிலும் மிகுந்த மகிழ்ச்​சி​யுற்​றேன். எனது பயணத்​தில் பொது​மக்​கள், விவ​சா​யிகள், நெச​வாளர்​கள், மீனவர்​கள், தொழிலா​ளர்​கள், தீப்​பெட்டி உற்​பத்​தி​யாளர்​கள் உள்​ளிட்​டோரைச் சந்​தித்​தேன். அப்​போது, அவர்​கள் அனை​வரும், ஸ்டா​லின் அரசால் தாங்​கள் படும் துயரங்களையும், தங்​கள் குறை​களை​யும், எங்​களிட​மிருந்து அவர்​கள் எதிர்​பார்க்​கும் திட்​டங்​களை​யும் என்​னிடம் தெரி​வித்​தனர்.

போதைப்​பொருள் புழக்​கத்​தைக் கட்​டுப்​படுத்த இந்த அரசு முற்​றி​லும் தவறிய​தால் திருட்​டு, கொலை, பாலியல் வன்​கொடுமைகள் அதி​கரித்​துள்​ளன. அதி​முக ஆட்​சி​யில் கொண்​டு​வந்த நல்ல திட்​டங்​களைத் தொடர முடி​யாமல், ஆளத்​தெரி​யாத திமுக​வுக்கு 7-வது முறை​யாக அல்ல, இன்​ன​மும் 70 ஆண்​டு​கள் ஆனாலும் இனி தமிழகத்​தில் இடமே இல்​லை.

அதிமுக வாக்​குறு​தி: இந்த அலங்​கோல ஆட்சி மீது தமிழக மக்​கள் கடும் கோபத்​துட​னும் இருக்​கின்​றனர். இந்த மோச​மான திமுக ஆட்​சியை அகற்ற வேண்​டும் என மக்​கள் முடி​வெடுத்​து​விட்​டார்​கள். தமிழக மக்​கள் இழந்த அமை​தி, வளத்தை மீட்​டுத் தருவதுதான் எனது முதல்வாக்​குறு​தி​யாக, தமிழக மக்​களுக்கு அளித்​துள்​ளேன். திமுக அரசால் முடக்​கப்​பட்ட, அதி​முக அரசின் தாலிக்​குத் தங்​கம் உள்​ளிட்ட மக்​கள் நலத் திட்​டங்​கள், 2026-ல் அதி​முக ஆட்சி அமைந்​தவுடன், மீண்​டும் செயல்​படுத்​தப்​படும் என்ற வாக்​குறு​தியை மக்​களுக்கு நான் அளித்​துள்​ளேன்.

மேலும், தீபாவளிக்கு சேலை, தீப்​பெட்டி தொழிலுக்கு சவாலாக உள்ள பிளாஸ்​டிக் லைட்​டர்​களுக்கு தடை, சத்​துணவுத் திட்​டத்​தில் கடலை மிட்​டாய், 4 ஆயிரம் அம்மா மினி கிளினிக்​கு​கள், காவிரி-குண்​டாறு திட்​டம், தாமிரபரணி – வைப்​பாறு திட்​டம் உள்​ளிட்ட பல்​வேறு வாக்​குறு​தி​களை மக்​களுக்கு அளித்​துள்​ளேன்.

2026-ல் அதி​முக ஆட்சி அமைந்​தவுடன் ஒவ்​வொன்​றாக நிறைவேற்​றப்​படும். திமுக ஆட்​சி​யால் மக்​கள் அடைந்த இன்​னல்​களை தீர்ப்​பது தான் நமது முக்​கிய பணி. தொண்டர்கள் மக்​களு​டன் உறு​தி​யாக நின்​று, வீடு வீடாகச் சென்று அவர்​களின் குறைகளையும், கோரிக்​கைகளை​யும் கேட்​டறிந்து தலை​மை​யிடம் சமர்ப்​பிக்க வேண்​டும்​. இவ்​வாறு அறிக்​கை​யில்​ கூறப்பட்டுள்ளது.