தனியார் பேருந்து உரிமையாளர்களின் கோரிக்கை காலம் கனியும்போது நிறைவேற்றப்படும்: அமைச்சர் சூசகம்

சென்னை: ‘தனி​யார் பேருந்து உரிமை​யாளர்​களின் ஒற்றை கோரிக்கை காலம் கனி​யும்​போது நிறைவேற்​றப்​படும்’ என்று போக்​கு​வரத்​துத் துறை அமைச்​சர் சா.சி.சிவசங்​கர் தெரி​வித்​தார்.

சென்​னை, நந்​தம்​பாக்​கத்​தில் உள்ள சென்னை வர்த்தக மையத்​தில், அனைத்து ஆம்னி பேருந்து உரிமை​யாளர்​கள் சங்​கம் சார்​பில், ஏற்​பாடு செய்​யப்​பட்​டிருந்த பயணி​கள் வாகன கண்​காட்​சியை போக்​கு​வரத்​துத் துறை அமைச்​சர் சா.சி.சிவசங்​கர் நேற்று தொடங்கி வைத்​தார்.

அதைத் தொடர்ந்​து, புதிய ரக தனி​யார் பேருந்​துகளை பயன்​பாட்​டுக்கு தொடங்கி வைத்​து, சிறப்​பாக செயல்​பட்ட ஆம்னி பேருந்து உரிமை​யாளர்​களுக்கு விருதுகளை வழங்கி கவுர​வித்​தார்.

பின்​னர் அமைச்​சர் பேசி​ய​தாவது: இந்​தி​யா​விலேயே மோட்​டார் வாகன உற்​பத்​தி​யில் முக்​கிய இடத்தை தமிழகம் பெற்​றிருக்​கிறது. இன்​றைய சூழலில் ஆம்னி பேருந்து தொழில் நடத்​து​வது சிரம​மான காரி​யம் என்​பதை நான் அறிவேன். இதனால், பல நேரங்​களில் சங்​கத்​துக்கு உறு​துணை​யாக இருப்​ப​தால் பலரால் விமர்​சிக்​கப்​பட்​டிருக்​கிறேன்.

அரசு சார்​பாக நடத்​தும் போக்​கு​வரத்​துத் துறையைப்​போல, தனி​யார் நடத்​தும் ஆம்னி பேருந்து தொழிலும் சிறப்​பாக இருக்க வேண்டும். இதை சொல்​லும் நேரத்​தில் தனி​யார் பேருந்து உரிமை​யாளர்​களின் முக்​கிய கோரிக்​கையை நிறைவேற்​ற​வில்லை என அவர்​களுக்கு வருத்​தம் இருக்​கும்.

தற்​போதைய அரசி​யல் சூழலில் அவர்​களின் ஒரே ஒரு கோரிக்​கையை மட்​டும் நிறைவேற்ற முடியாத சூழல் இருக்​கிறது. காலம் கனிந்து வரும்​போது அது​வும் சரி செய்​யப்​படும். இவ்​வாறு அவர் பேசி​னார்.

இந்​நிகழ்​வில், அனைத்து ஆம்னி பேருந்து உரிமை​யாளர்​கள் சங்​கத் தலை​வர் ஏ.அன்​பழகன், செயலர் கே.​திரு​ஞானம், பொருளாளர் ஜே.​தாஜுதீன், தமிழ்​நாடு தனி​யார் பேருந்து உரிமை​யாளர்​கள் சம்​மேளன செயலர் தர்​ம​ராஜ் உள்​ளிட்ட பலர் பங்​கேற்​றனர். தனி​யார் பேருந்து கட்​ட​ணத்தை உயர்த்த வேண்​டும் என்​பது பேருந்து உரிமை​யாளர்​களின் நீண்​ட​நாள் கோரிக்கையாக உள்​ளது. அதை மனதில் வைத்​து​தான் அமைச்​சர் இவ்​வாறு கூறி​னார்​ என்​று கூறப்​படுகிறது.