திமுக கொபசெ போல செயல்படும் ஐஏஎஸ் அதிகாரிகள்: நயினார் நாகேந்திரன் குற்றச்சாட்டு

திருச்சி: ​தி​முக​வின் கொள்​கைப் பரப்​புச் செய​லா​ளர்​கள்​போல ஐஏஎஸ் அதி​காரி​கள் செயல்​படு​வ​தாக பாஜக மாநிலத் தலை​வர் நயினார் நாகேந்​திரன் கூறி​னார். தமிழகம் வரும் பிரதமர் மோடியை வரவேற்​பது குறித்த ஆலோ​சனைக் கூட்​டம் திருச்சி மாநகர் மாவட்ட பாஜக அலு​வல​கத்​தில் நேற்று நடை​பெற்​றது.

மாநிலத் தலை​வர் நயி​னார் நாகேந்​திரன் தலைமை வகித்​தார். கோட்​டப் பொறுப்​பாளர் கருப்பு முரு​கானந்​தம், மாநகர் மாவட்​டத் தலை​வர் ஒண்​டி​முத்து உள்​ளிட்​டோர் கலந்து கொண்​டனர்.

பின்​னர், நயி​னார் நாகேந்​திரன் செய்​தி​யாளர்​களிடம் கூறிய​தாவது: தமிழகம் வரும் பிரதமர் மோடிக்கு சிறப்​பான வரவேற்பு அளிக்க ஏற்​பாடு​கள் செய்​யப்​பட்​டுள்​ளன. மக்​கள் விரோத சக்​தி​யான திமுக தொடர்ந்து ஆட்​சி​யில் இருக்​கக் கூடாது. தமிழகத்​தில் பாலியல் வன்​கொடுமை​கள் அதி​கரித்து வரு​கின்​றன. போதைப் பொருட்​கள் புழக்​கம் அதி​கரித்​துள்​ளது.

அரசு செல​வில் ‘உங்​களு​டன் ஸ்டா​லின்’ என்ற நிகழ்ச்சி மூலம் திமுகவை வளர்க்​கிறார்​கள். இதற்​காக மூத்த ஐஏஎஸ் அதி​காரி​களை நியமித்​துள்​ளனர். அவர்​கள் திமுக கொள்​கைப் பரப்​புச் செய​லா​ளர்​கள்​போல செயல்​படு​கிறார்​கள். ‘ஓரணி​யில் தமிழ்​நாடு’ என்​பது ஏமாற்று வேலை. கூட்​டணி குறித்து எங்​களிடம் கேள்வி கேட்​கும் ஊடகத்​தினர் முதல்​வர் ஸ்டா​லினிடம் கேட்​ப​தில்​லை.

‘குர்​-ஆன் மீது சத்​தி​ய​மாக பாஜக​வுடன் கூட்​டணி கிடை​யாது’ என ஆதவ் அர்​ஜுனா கூறி உள்​ளார். குர்​-ஆர்ன், பகவத் கீதை, பைபிள் ஆகிய​வற்றை அரசி​யலுக்கு பயன்​படுத்​தக்​கூ​டாது. இவ்​வாறு அவர் கூறி​னார்.

கூட்​டணி ஆட்​சி? - ‘தமிழகத்​தில் தேசிய ஜனநாய கக் கூட்​டணி ஆட்​சி​தான் அமை​யும் என டிடிவி தினகரன் கூறி​யுள்​ளாரே?’ என்று செய்​தி​யாளர்​கள் கேட்​ட​போது, “அது அவரது தனிப்​பட்ட விருப்​ப​மாக இருக்​கும். எங்​கள் கருத்​துக்கு மாறாக இருந்​தால் பதில் சொல்லலாம்” என்​றார். அதேநேரம், டிடி​வி.​தினகரனின் கருத்தை நயி​னார் நாகேந்​திரன் மறுக்​க​வில்லை என்​பது குறிப்​பிடத்​தக்​கது.