மதுரையில் ஆகஸ்ட் 25-ல் தவெக 2-வது மாநில மாநாடு: 500 ஏக்கரில் பிரம்மாண்டமாக நடத்த ஏற்பாடுகள் தீவிரம்

மதுரை: தமிழக வெற்​றிக் கழகத்​தின் 2-வது மாநில மாநாடு ஆகஸ்ட் 25-ம் தேதி மதுரை மாவட்​டம் பாரப்பத்​தி​யில் நடத்​து​வதற்​கான ஏற்​பாடு​கள் தீவிரப்​படுத்​தப்​பட்​டுள்​ளன. மதுரை - தூத்​துக்குடி தேசிய நெடுஞ்​சாலையில் பாரப்பத்தி பகு​தி​யில் 506 ஏக்​கர் திடலில் ஆக. 25-ம் தேதி தவெக மாநாடு நடை​பெற உள்​ளது. இதற்​கான பந்​தல்​கால் நடும் விழா நேற்று காலை நடந்​தது.

கட்​சி​யின் மாநிலப் பொதுச் செய​லா​ளர் ஆனந்த் தலை​மை​யில், சிறப்பு பூஜைகளு​டன் பந்​தல்​கால் நடப்​பட்​டது. மதுரை மாவட்​டச் செய​லா​ளர்​கள் கல்​லாணை என்ற விஜயன்​பன், தங்​கப்​பாண்டி உள்​ளிட்ட நிர்​வாகி​கள் பங்​கேற்​றனர். பின்​னர், ஆனந்த் தலை​மையி​லான கட்சி நிர்​வாகி​கள், மதுரை மாவட்ட காவல் கண்​காணிப்​பாளர் அலு​வல​கம் சென்​று, மாநாடு நடத்த அனு​மதி கோரி எஸ்​.பி. அரவிந்​திடம் மனு அளித்​தனர்.

பின்​னர் செய்​தி​யாளர்​களிடம் ஆனந்த் கூறிய​தாவது: மதுரை மாவட்​டம் பாரப்பத்​தி​யில் தவெக​வின் 2-வது மாநில மாநாட்டை ஆக. 25-ம் தேதி நடத்த அனுமதி கோரி மனு அளித்​துள்​ளோம். மாநாட்டை சிறப்​பாக நடத்த திட்​ட​மிட்​டுள்​ளோம். முதல் மாநாட்​டில் பங்​கேற்​றவர்​களை​விட 2-வது மாநாட்​டில் அதிக அளவி​லானோர் பங்​கேற்​பர் என எதிர்​பார்க்​கிறோம்.

விஜய​காந்த் பிறந்த நாளில் மதுரை​யி்ல் மாநாடு நடத்​தப்​படு​கிறதா என்று கேட்​கிறீர்​கள். அதுகுறித்து எங்​களுக்கு தெரி​யாது. எது​வா​னாலும் தலை​வர் விஜய் முறைப்​படி அறி​விப்​பார். இவ்​வாறு அவர் கூறி​னார்​.