தமிழகம் மற்றும் புதுச்சேரியில் இன்று வழக்கத்தைவிட 7 டிகிரி வெப்பநிலை உயர வாய்ப்பு

சென்னை: தமிழகம் மற்​றும் புதுச்​சேரி​யில் இன்று ஒருசில இடங்​களில் வழக்​கத்தை விட 7 டிகிரி ஃபாரன்​ஹீட் வெப்​பநிலை உயரக் கூடும்.

இதுதொடர்​பாக சென்னை வானிலை ஆய்வு மையம் வெளி​யிட்ட செய்​திக்​குறிப்​பில் கூறி​யிருப்​ப​தாவது: வடக்கு வங்​கக்கடல் பகு​தி​களில் ஒரு காற்​றழுத்ததாழ்​வுப் பகுதி உரு​வாகி​யுள்​ளது.

இது, வடமேற்கு திசை​யில் நகர்ந்து, ஆழ்ந்த காற்​றழுத்த தாழ்​வுப் பகு​தி​யாக, வங்​கதேசம் மற்​றும் அதனை ஒட்டிய மேற்கு வங்​கப் பகு​தி​களில் நில​வு​கிறது. இது இன்று மேற்கு வங்க பகு​தி​களில் காற்​றழுத்த தாழ்வு மண்​டல​மாக வலுப்​பெறக்​கூடும்.

தமிழகம் நோக்கி வீசும் மேற்கு திசைக் காற்​றில் வேக மாறு​பாடு நில​வு​கிறது. இதன் காரண​மாக தமிழகத்​தில் இன்று (ஜூலை 15) ஓரிரு இடங்​களி​லும், 16 முதல் 20-ம் தேதி வரை ஒருசில இடங்​களி​லும் இடி, மின்​னலுடன் கூடிய, லேசானது முதல் மித​மான மழை பெய்​யக்​கூடும். ஓரிரு இடங்​களில்பலத்த தரைக்​காற்று மணிக்கு 30 முதல் 40 கி.மீ வேகத்​தில் வீசக்​கூடும்.

தமிழகம், புதுச்​சேரி, காரைக்​கால் பகு​தி​களில் இன்று ஒருசில இடங்​களில் அதி​கபட்ச வெப்​பநிலை, வழக்​கத்​தை​விட 7 டிகிரி ஃபாரன்​ஹீட் வரை உயரக்​கூடும்.சென்னை மற்​றும் புறநகர் பகு​தி​களில் இன்று வானம் ஓரளவு மேகமூட்​டத்​துடன் காணப்​படும். நகரின் ஒருசில பகு​தி​களில் லேசான மழைபெய்ய வாய்ப்​புள்​ளது. தென்​தமிழக கடலோரப் பகு​தி​கள், மன்​னார் வளை​குடா மற்​றும் குமரிக்​கடல் பகு​தி​களில் மணிக்கு 45 முதல் 65 கி.மீ வேகத்​தில் சூறாவளிக் காற்று வீசக்​கூடும். தமிழகத்​தில் நேற்று காலை 8.30 மணி​யுடன் நிறைவடைந்த 24 மணி நேரத்​தில் பதி​வான மழை அளவு​களின் ​படி அதி​கபட்​ச​மாக சேலம் மாவட்டம் சந்​தி​யூரில் 7 செமீ மழை பதி​வாகி​யுள்​ளது.இவ்​வாறு செய்​திக்​குறிப்​பில் கூறப்​பட்​டுள்​ளது.