பல்கலைக்கழக வேந்தராக மாநில கல்வி அமைச்சர் இருக்க வேண்டும்: அசோக் வர்தன் ஷெட்டி வலியுறுத்தல்

சென்னை: ​உயர்​கல்வி தொடர்​பாக ஆலோ​சனை வழங்​கும் ‘டெக்​னோகி​ராட்ஸ் இந்​தியா காலேஜ் ஃபைண்​டர்’ அமைப்​பின் சார்பில், மறைந்த கல்​வி​யாளர் மு.அனந்​த கிருஷ்ணன் 97-வது பிறந்​த​நாள் நினைவு சொற்​பொழிவு மற்​றும் கல்வி உதவித்தொகை விருது வழங்​கும் நிகழ்ச்சி சென்னை அண்ணா பல்​கலை.

வளாகத்​தில் நேற்று முன்தினம் நடை​பெற்​றது. முன்​னாள் ஐஏஎஸ் அதிகாரி அசோக் வர்​தன் ஷெட்டி சிறப்பு விருந்​தின​ராக பங்கேற்​று, 3 பழங்​குடி​யின மாணவர்​கள் உட்பட 4 பேருக்கு கல்வி உதவித் தொகைக்​கான காசோலைகளை வழங்​கி​னார்.

தொடர்ந்​து, ‘உயர்​கல்​வி​யில் மறுசீரமைப்பு தேவை’ என்ற தலைப்​பில் அவர் பேசி​ய​தாவது: ஒரு நாட்​டின் வளர்ச்சி என்​பது மக்களின் தனி நபர் கல்​வி, பொருளா​தார வளர்ச்​சியை பொருத்​தது. உயர்​கல்​வி​தான் மக்​களின் வளர்ச்​சிக்கு வழி​வகை செய்கிறது. ஆனால், நாட்​டில் உயர்​கல்வி மிக​வும் மோச​மான நிலை​மைக்கு சென்​று​விட்​டது. அதை மறுசீரமைப்பு செய்ய வேண்டிய நிலை​யில் இருக்​கிறோம்.

சுதந்​திரம் பெற்​ற​போது, நாட்​டில் 20 பல்​கலைக்​கழகங்​கள், 496 கல்​லூரி​கள்​தான் இருந்​தன. தற்​போது 1,362 பல்​கலைக்​கழகங்​கள், 52,538 கல்​லூரி​கள் உள்​ளன. ஆனால், உயர்​கல்வி பயில்​வோர் விகிதம் 29 சதவீதம் மட்​டுமே. இதை 2035-ம் ஆண்​டுக்​குள் 50 சதவீதமாக உயர்த்த இலக்கு நிர்​ண​யிக்​கப்​பட்​டுள்​ளது. அதை அடைய உயர்​கல்​வி​யில் மறுசீரமைப்பு அவசி​யம். தற்​போதைய கால​கட்​டத்​தில் அனைத்து கல்வி நிறு​வனங்​களி​லும் கட்​ட​ணம் அதி​க​மாக உள்​ளது.

உயர்​கல்​வி​யில் யுஜிசி, ஏஐசிடிஇ போன்ற அமைப்​பு​களின் தலை​யீடு பெரிய பிரச்​சினை​யாக உள்​ளது. இவை அதிக அதி​காரம் செலுத்​துகின்​றன. ஆனால் குறை​வான நிதியை ஒதுக்​கு​கின்​றன. அதே​போல, துணைவேந்​தர் தேடு​தல் குழு​வில் யுஜிசி உறுப்​பினரை நியமிப்​பது தேவையற்​றது. தவிர, கடந்த சில நாட்​களாகவே ஒற்​றுமை என்ற பெயரில் மையப்​படுத்​துதலை நோக்கி நகர்த்​தப்​படு​கிறோம். இது தவறு. கல்​வி​யும், மருத்​து​வ​மும் மாநில அரசின் கட்​டுப்​பாட்​டில்​தான் இருக்க வேண்​டும்.

இதற்கு அடுத்த பிரச்​சினை, பல்​கலைக்​கழக வேந்​த​ராக ஆளுநர்​கள் இருப்​பது. ஆங்​கிலேயர் காலத்​தில் அப்​போது இருந்த 4 பல்​கலைக்​கழகங்​களுக்கு ஆளுநர்​களை வேந்​தர்​களாக நியமித்​தனர். சுதந்​திரத்​துக்கு பிறகு 20 ஆண்​டு​கள் வரை மத்​திய, மாநில அரசுகள் காங்​கிரஸ் அரசாக இருந்​த​தால் எந்த சிக்​கலும் ஏற்​பட​வில்​லை.

அதன்​பிறகு ஏற்​பட்ட அரசி​யல் மாற்​றத்​தால், சிக்கல்களும், அதி​கார மோதல்​களும் ஏற்​பட்​டன. பல்​கலைக்​கழக வேந்​த​ராக மாநில கல்வி அமைச்​சர்​கள்​தான் இருக்க வேண்டும் அல்​லது அரசி​யல் பின்​புலம் இல்​லாத ஒரு​வரை மாநில அரசு தேர்ந்​தெடுக்​க வேண்​டும்​ என்று கூறி​னார்​.