தாடண்டர் நகர் அரசு ஊழியர் குடியிருப்பில் தூய்மைப் பணி மாநகராட்சியிடம் ஒப்படைப்பு

சென்னை: சென்னை சைதாப்​பேட்​டை​யில் உள்ள தாடண்​டர் நகர் அரசு ஊழியர் குடி​யிருப்​பில் தூய்​மைப் பணி சென்னை மாநகராட்​சி​யிடம் ஒப்​படைக்​கப்​பட்​டுள்​ளது. இதன் சேவையை அமைச்​சர் மா.சுப்​பிரமணி​யன் நேற்று தொடங்​கி​வைத்​தார்.

சென்னை மாநக​ராட்​சி, அடை​யார் மண்​டலத்​துக்கு உட்​பட்ட 169-வது வார்​டு, தாடண்​டர் நகர் அரசு குடி​யிருப்பு பகு​தி, 70.73 ஏக்​கர் பரப்​பளவு கொண்​டது. இங்கு 1844 குடி​யிருப்​பு​கள் உள்​ளன. மேலும் 1500 குடி​யிருப்​பு​கள் வரவுள்​ளன. இவ்​வளாகத்​தில் தூய்​மைப் பணி மற்​றும் இதர பராமரிப்பு பணி​கள் பொதுப்​பணித்​துறை​யால் மேற்​கொள்​ளப்​பட்டு வரு​கிறது.

இக்​குடி​யிருப்பு வளாகம், பூங்​கா, விளை​யாட்​டுத் திடல், சமு​தாய கூடம், பள்ளி கட்​டிடம், மருத்​து​வ​மனை, கடைகள் மற்​றும் அரசு அலு​வல​கங்​களில் தூய்மைப் பணி​கள் சரிவர மேற்​கொள்​ளப்​ப​டாத​தால் இப்​பகு​தி​யில் சுகா​தார மேம்​பாட்​டுக்​காக துணை மேயர் அறி​வுறுத்​தலின்​படி பொதுப்​பணித் ​துறை​யிடம் ஒப்​புதல் பெறப்​பட்​டு, சென்னை மாநக​ராட்​சியே அர்​பேசர் சுமித் நிறு​வனம் மூலம் தூய்​மைப் பணி​களை மேற்​கொள்ள அனு​மதி பெறப்​பட்​டுள்​ளது.

இதன்​படி தாதண்​டர் நகர் அரசு குடி​யிருப்பு பகு​தி​யில் உள்ள 5440 மீட்​டர் நீளம் கொண்ட சாலைகள் மற்​றும் இவ்​வளாகத்​தி​ல் உள்ள அனைத்து கட்​டிடங்​களில் தூய்​மைப்​பணி மேற்​கொள்​ளப்​பட​வுள்​ளது. இதற்​காக 1 காம்​பாக்​டர் வாக​னம், 1100 லிட்​டர் கொள்​ளளவு கொண்ட 46 குப்​பைத் ​தொட்​டிகள், 120 லிட்​டர் கொள்​ளளவு கொண்ட 20 சுழற்சி தொட்​டிகள் பயன்​படுத்​தப்பட உள்​ளன. 26 தூய்மைப் பணி​யாளர்​கள், 2 சூப்​பர்​வைசர்​கள், ஒரு கனரக வாகன ஓட்​டுநர், 2 கனரக வாகன உதவி​யாளர்​கள் பணியமர்த்தப்பட்டுள்​ளனர்.

இந்த சேவை தொடக்க விழா தாடண்​டர் நகரில் நேற்று நடை​பெற்​றது. இதில் சுகா​தா​ரத் ​துறை அமைச்​சர் மா.சுப்​பிரமணி​யன் பங்கேற்று தூய்​மைப் ​பணியை தொடங்​கி​வைத்​தார். இந்​நிகழ்​வில் துணை மேயர் மு.மகேஷ் குமார், இணை ஆணை​யர் (சு​கா​தா​ரம்) வீ.ப.ஜெயசீலன், கோடம்​பாக்​கம் மண்​டலக் குழுத் தலை​வர் எம்​.கிருஷ்ண​மூர்த்​தி, அர்​பேசர் சுமித் தலைமை செயல் அலு​வலர் முகமது சையத் உள்​ளிட்​டோர்​ கலந்​து கொண்​டனர்​.