மதுரை, கோவை, சேலம் மாவட்டங்களில் விளையாட்டு கட்டமைப்பை மேம்படுத்த ரூ.64 கோடியில் பணிகள் தொடக்கம்: உதயநிதி அடிக்கல் நாட்டினார்

சென்னை: மதுரை, கோவை, சேலம் உள்​ளிட்ட மாவட்​டங்​களில் ரூ.64.43 கோடி​யில் 7 விளை​யாட்டு உட்​கட்​டமைப்பு மேம்​பாட்டு பணி​களுக்கு துணை முதல்​வர் உதயநிதி ஸ்டா​லின் அடிக்​கல் நாட்​டி​னார்.

தமிழகம் முழு​வதும் மாவட்ட விளை​யாட்டு மைதானங்​கள் அமைத்​தல், உள்​விளை​யாட்டு அரங்​கங்​களை ஏற்​படுத்​துதல், நவீன உடற்​ப​யிற்சி கூடங்​கள் நிறு​வுதல் உள்​ளிட்ட பல்​வேறு விளை​யாட்டு மேம்​பாட்​டுப் பணி​கள் மேற்​கொள்​ளப்​பட்டு வரு​கின்​றன.

அதன் ஒருபகு​தி​யாக மதுரை மாவட்​டத்​தில் ரூ.9.47 கோடி மதிப்​பீட்​டில் செயற்கை வளை​கோல் பந்து மைதானம், திரு​வண்​ணா​மலை​யில் ரூ.10.15 கோடி மதிப்​பீட்​டிலும், அரியலூரில் ரூ.10.15 கோடி மதிப்​பீட்​டிலும் புதிய செயற்கை வளை​கோல் பந்து மைதானம் அமைக்​கும் பணி​களுக்கு துணை முதல்​வர் உதயநிதி ஸ்டா​லின் சென்னை தலை​மைச் செயல​கத்​தில் காணொலி வாயி​லாக நேற்று அடிக்​கல் நாட்​டி​னார்.

தொடர்ந்து மதுரை​யில் ரூ.12.50 கோடி மதிப்​பீட்​டில் டைவிங் வசதி​யுடன் கூடிய நீச்​சல் குளம், கரூரில் ரூ.6.28 கோடி மதிப்​பீட்​டில் புதிய நீச்​சல்​குளம், கோவை​யில் ரூ.7.95 கோடி​யிலும், சேலத்​தில் ரூ.7.93 கோடி மதிப்​பீட்​டிலும் புதிய விளை​யாட்டு விடு​தி​கள் அமைக்​கும் பணி​களுக்​கும் துணை முதல்​வர் அடிக்​கல் நாட்​டி​னார்.

இதையடுத்து சென்னை ராணிமேரி கல்​லூரி​யின் விளை​யாட்டு கட்​டமைப்பை மேம்​படுத்​து​வதற்​காக ரூ.20 லட்​சத்​துக்​கான காசோலை​யை, தமிழ்​நாடு சாம்​பியன்ஸ் அறக்​கட்​டளை நிதி​யில் இருந்து உதயநிதி ஸ்டா​லின் வழங்​கி​னார். மேலும் 52-வது தேசிய சீனியர் சாம்​பியன்​ஷிப் விளை​யாட்டு போட்​டிகளில் தமிழகம் சார்​பில் கலந்து கொண்டு பதக்​கங்​களை வென்ற வீரர், வீராங்​க​னை​களுக்கு நினைவு பரிசுகளை வழங்​கிய துணை முதல்​வர், ஆசிய கோப்பை கால்​பந்து போட்​டிக்​கான இந்​திய மகளிர் அணி​யில் இடம்​பெற்​றுள்ள தமிழக வீராங்​க​னை​கள் கார்த்​திகா மற்​றும் பிரிதயர்​ஷினிக்கு பயணம், தங்​குமிடம் மற்​றும் செல​வினங்​களுக்கு தமிழ்​நாடு சாம்​பியன்ஸ் அறக்​கட்​டளையில் இருந்து ரூ.1.50 லட்​சத்​துக்​கான காசோலையை வழங்​கி​னார்.

இந்​நிகழ்​வில் அமைச்​சர்​கள் எ.வ.வேலு, ஆர்​.​ராஜேந்​திரன், பி.மூர்த்​தி, பழனிவேல் தியாக​ராஜன், விளை​யாட்​டுத் துறை செயலர் அதுல்ய மிஸ்​ரா, தமிழ்​நாடு விளை​யாட்டு மேம்​பாட்டு ஆணைய உறுப்​பினர் செயலர் ஜெ.மேக​நாத ரெட்டி உள்​ளிட்​டோர் பங்கேற்றனர்.