தனியார் மயமாக்கல், தொழிலாளர் விரோத சட்ட தொகுப்புகளை திரும்ப பெற கோரி ரயில்வே தொழிற்சங்கத்தினர் ஆர்ப்பாட்டம்

சென்னை: மத்​திய தொழிற்​சங்​கங்​களின் நாடு தழு​விய பொது வேலை நிறுத்​தத்​தின் ஒரு பகு​தி​யாக, பல்​வேறு கோரிக்​கைகளை வலி​யுறுத்​தி, சென்​னை​யில் எழும்​பூர், சென்ட்​ரல், பெரம்​பூர் உள்​ளிட்ட பல்​வேறு இடங்​களில் எஸ்​ஆர்​எம்​யு, டிஆர்​இ​யு, எஸ்​ஆர்​இஎஸ் உள்​ளிட்ட ரயில்வே தொழிற்​சங்​கத்​தினர் நேற்று கண்டன ஆர்ப்​பாட்​டத்​தில் ஈடு​பட்​டனர்.

தனி​யார்​மய​மாக்​கல், பெரு (கார்ப்​பரேட்) நிறு​வனங்​களுக்கு ஆதர​வான மத்​திய அரசின் கொள்​கைகளை கண்​டித்​து, மத்​திய தொழிற்​சங்​கங்​கள் சார்​பில், நாடு தழு​விய வேலை நிறுத்​தம் நேற்று நடை​பெற்​றது. இதன் ஒரு பகு​தி​யாக, தெற்கு ரயில்வே மஸ்​தூர் யூனியன் (எஸ்​.ஆர்​.எம்​.​யு.) சார்​பில், தெற்கு ரயில்​வே​யில் கிளை​கள் வாரி​யாக கண்டன ஆர்ப்​பாட்​டம் நேற்று நடை​பெற்​றது.

தொழிலா​ளர் விரோத, 4 சட்ட தொகுப்​பு​களை திரும்​பப் பெறு​வது, ரயில்​வேயை தனி​யார்​மய​மாக்​கு​வதை கைவிடு​வது உள்​ளிட்ட பல்​வேறு கோரிக்​கைகளை வலி​யுறுத்​தி, சென்னை ரயில்வே கோட்​டத்​தில் எழும்​பூர், சென்ட்​ரல் உட்பட பல்​வேறு இடங்​களில் கண்டன ஆர்ப்​பாட்​டம் நடை​பெற்​றது. எழும்​பூரில் நடை​பெற்ற ஆர்ப்​பாட்​டத்​தில் எஸ்​ஆர்​எம்யு துணை பொதுச்​செய​லா​ள​ரும், சென்னை கோட்ட தலை​வரு​மான பால் மேக்​ஸ்​வெல் தலைமை வகித்​துப் பேசி​னார்.

புதிய பென்​ஷன் திட்​டத்தை நீக்​கி​விட்​டு, பழைய பென்​ஷன் திட்​டத்தை அமல்​படுத்​து​வது உட்பட பல்​வேறு கோரிக்​கைகளை வலி​யுறுத்​தி, தட்​ஷிண ரயில்வே தொழிலா​ளர்​கள் சங்​கம் (டிஆர்​இ​யு) சார்​பில், தெற்கு ரயில்​வே​யின் பல்​வேறு கிளை​களில் கண்டன ஆர்ப்​பாட்​டம் நடை​பெற்​றது. சென்னை சென்ட்​ரலில் நடை​பெற்ற ஆர்ப்​பாட்​டத்​தில் டிஆர்​இயு பொதுச்​செய​லா​ளர் ஹரிலால் கலந்​து​கொண்டு பேசி​னார்.

ரயில்வே பணி​யாளர் தேர்வு வாரி​யம் மூல​மாக, ரயில்வே காலி பணி​யிடங்​களை நிரப்​புவது, 8-வது ஊதி​யக் குழு​வுக்​கான விதி​முறை​களை உறு​தி​செய்​வது உட்பட பல்​வேறு கோரிக்​கைகளை வலி​யுறுத்​தி, தென்னக ரயில்வே ஊழியர்​கள் சங்​கம் (எஸ்​ஆர்​இஎஸ்) சார்​பில், சென்​னை​யில் பல்​வேறு இடங்​களில் கண்டன ஆர்ப்​பாட்​டம் நடை​பெற்​றது.

பெரம்​பூர் லோகோ ஒர்க்ஸ் பணிமனை​யில் நடை​பெற்ற ஆர்ப்​பாட்​டத்​தில் அச்​சங்​கத்​தின் செயல் தலை​வர் சூர்​யபிர​காஷ், நிர்வாக பொதுச்​செய​லா​ளர் சந்​திரசேகர் ஆகியோர் பங்​கேற்​றுப் பேசினர்.

இதற்​கிடை​யில், கோரிக்​கைகளை வலி​யுறுத்​தி, ஹிந்த் மஸ்​தூர் சபா சார்​பில், அண்​ணா​சாலை தபால் நிலை​யம் முன்பு நடை​பெற்ற மறியல் போராட்​டத்​தில் எஸ்​ஆர்​எம்யு தலை​வரும், ஹிந்த் மஸ்​தூர் சபா தலை​வரு​மான ராஜா தர் கலந்து கொண்​டார். இதில் 13 தொழிற்​சங்​கங்​களை சேர்ந்த தலை​வர்​கள், தொண்​டர்​கள் என 1,000 பேர்​ கைது செய்​யப்​பட்​டனர்​.