குட்டையைக் குழப்பும் ‘கூட்டணி ஆட்சி’ கோஷம்: கரைசேருமா அதிமுக - பாஜக அணி?

அதிமுக உடன் மீண்டும் கூட்டணி சேர்ந்த நாள் முதல் வார்த்தைக்கு வார்த்தை ‘கூட்டணி ஆட்சி’ என்று சொல்லிவரும் பாஜக-வின் பேச்சு அதிமுக-வினரின் வயிற்றில் இப்போதே புளியை கரைக்க ஆரம்பித்துள்ளது. அ​தி​முக இதற்கு முன்​பும் பாஜக உடன் கூட்​டணி வைத்​துள்​ளது. ஆனால், அப்​போதெல்​லாம் கொடுத்​ததை பெற்​றுக்​கொள்​ளும் மனப்​பான்​மையோடு இருந்​தது பாஜக. ஆனால் இப்​போது, கேட்​பதை கொடுக்​கவைக்​கும் முடிவோடு அணி சேர்ந்​துள்​ளார்​கள். அந்த நினைப்​பில் தான், கூட்​டணி உறு​தி​யானதுமே ‘கூட்​டணி ஆட்​சி’ என நெருப்பை பற்​ற​வைத்​தார் அமித் ஷா.

கூட்​டணி ஆட்சி என்ற பாஜக-​வின் பேச்சை அதி​முக-​வினர் யாரும் ரசிக்​க​வில்​லை. இபிஎஸ் தொடங்கி கட்​சி​யின் மூத்த தலை​வர்​கள் அனை​வ​ரும், “அதி​முக தனிப்​பெரும்​பான்​மை​யுடன் ஆட்​சி​யமைக்​கும்” என அடித்​துச் சொல்​கி​றார்​கள். ஆனாலும், பாஜக தனது ‘கூட்​டணி ஆட்​சி’ முழக்​கத்​தைக் கைவிடவே இல்​லை. சமீபத்​தில் மதுரை வந்​த​போதும் அமித் ஷா மீண்​டும் இதை உறு​தி​செய்​து​விட்​டுப் போயிருக்​கி​றார்.

தமி​ழ​கத்​தில் இது​வரை கூட்​டணி ஆட்சி அமைந்​ததே இல்​லை. எவ்​வளவு பலமான கூட்​ட​ணி​யாக இருந்​தா​லும், ‘கூட்​டணி ஆட்​சி’ என்ற முழக்​கத்​துடன் காங்​கிரஸ் மற்​றும் திரா​விடக் கட்​சிகள் தேர்​தலை சந்​தித்​த​தில்​லை. 2006-ல், 96 இடங்​களில் மட்​டுமே வென்ற திமுக, தனது கூட்​ட​ணி​யில் இடம்​பெற்​றிருந்த காங் (34), பாமக (18), சிபிஎம் (9), சிபிஐ (6) கட்​சி​களின் ஆதர​வுடன் 5 வருட​மும் நிலை​யான ஆட்​சியை தந்​தது. இப்​படி நெருக்​கடி​யான நேரங்​களில் கூட ‘கூட்​டணி ஆட்​சி’ முடிவை திமுக-​வும், அதி​முக-​வும் எடுத்​த​தில்​லை.

பாஜக-​வின் ‘கூட்​டணி ஆட்​சி’ எனும் தூண்​டில் தேசிய ஜனநாயக கூட்​ட​ணியை வலுப்​படுத்​தலாம். ஏனென்​றால் ‘ஆட்​சி​யில் பங்​கு’ கனவோடு இருக்​கும் பாமக, தேமு​திக, புதிய தமி​ழ​கம் கட்​சிகளை கூட்​ட​ணிக்​குள் கொண்​டுவர இது உதவும். ஆச்​சரிய​மாக கூட்​டணி ஆட்சி ஃபார்​முலா​வுடன் தவெக கூட அதி​முக அணிக்​குள் வரவும் வாய்ப்​புள்​ளது. ஆனால், இந்த ‘கூட்​டணி ஆட்​சி’ முழக்​கம் அதி​முக-வை அமைப்பு ரீதி​யாக பலவீனப்​படுத்​தும் என அஞ்​சுகி​றார்​கள் அக்​கட்​சி​யின் மூத்த தலை​வர்​கள்.

“கூட்​டணி ஆட்சி எனும் முழக்​கம் ஒட்​டுமொத்​த​மாக அதி​முக – பாஜக அணிக்கே கூட பங்​கம் விளைவிக்​கலாம். தமி​ழ​கம் இது​வரை அதி​முக, திமுக கட்​சி​களின் தனித்த ஆட்​சி​யையே கண்​டுள்​ளது. எனவே, ‘கூட்​டணி ஆட்​சி’ என்ற பேச்​சால் அதி​முக அணி மீது மக்​கள் நம்​பிக்கை இழந்து மீண்​டும் திமுக-வுக்கே வாக்​களிக்​கலாம். மக்​களிடம் திமுக அரசுக்கு எதி​ராக அதிருப்​தி​களும் இருப்​பது போல் மத்​திய பாஜக அரசுக்கு எதி​ரான மனநிலை​யும் உள்​ளது.

எனவே, மாற்​றத்தை விரும்பி அதி​முக-வுக்கு வாக்​களிக்க நினைக்​கும் மக்​களுக்கு பாஜக-​வின் ‘கூட்​டணி ஆட்​சி’ முழக்​கம் அதிருப்​தியை உண்​டாக்​கலாம். இப்​போதே பாஜக-​வின் ‘வாய்​ஸ்’ அதி​க​மா​னால், அதி​முக-​வால் தனித்​தன்​மை​யுடன் செயல்பட முடி​யாது என கருதி மக்​கள் திசை​மாற​வும் வாய்ப்​புள்​ளது” என்​கின்​ற​னர் அரசி​யல் விமர்​சகர்​கள்.

“அதி​முக தலை​மை​யில் தனித்து ஆட்சி என்​பதே தமிழக மக்​களின் நம்​பிக்​கையை பெற உதவும். கூட்​டணி ஆட்சி என்று பேச ஆரம்​பித்​தால், மக்​கள் நம்மை நம்​ப​மாட்​டார்​கள். இதனை உணர்ந்து செயல்​பட்​டால் மட்​டுமே திமுக-வை வீழ்த்த முடி​யும். இல்​லை​யெனில் அதி​முக – பாஜக அணி மீண்​டும் திமுக வெற்​றிக்கே உதவும்” என்​கின்​ற​னர் அதி​முக​ சீனியர்​கள்.

2024-ல் நடந்த ஆந்​திர சட்​டமன்​றத் தேர்​தலில், தெலுங்கு தேசம் தனிப்​பெரும்​பான்மை பெற்​றாலும், ஜனசேனா மற்​றும் பாஜக-வுக்கு அமைச்​சர​வை​யில் இடமளித்து கூட்​டணி ஆட்​சியை அமைத்​தது. அதே ஃபார்​முலா​வில் தமி​ழ​கத்​தில் அதி​முக தலை​மை​யில் கூட்​டணி ஆட்​சியை அமைக்​கலாம் என கணக்​குப் போடு​கிறது பாஜக. ஆனால், ஆந்​திர மாடல் இங்கு எடுபடு​மா?