மடப்புரம் கோயில் காவலாளி உயிரிழந்த விவகாரம்: காவல் துறை அனுமதி வழங்காததால் தவெக ஆர்ப்பாட்டம் தள்ளிவைப்பு

சென்னை: மடப்​புரம் கோயில் காவலாளி அஜித்​கு​மார் மரணத்​துக்கு நீதி கேட்​டு, தமிழக வெற்​றிக் கழகம் சார்​பில், இன்று நடை​பெற இருந்த ஆர்ப்​பாட்​டம் வரும் 6-ம் தேதிக்கு தள்ளி வைக்கப்பட்டுள்ளது என்று அக்​கட்​சி​யின் பொதுச் செய​லா​ளர் ஆனந்த் அறி​வித்​துள்​ளார்.

சிவகங்கை மாவட்​டம், திருப்​புவனம் மடப்​புரம் கோயில் காவலாளி அஜித்​கு​மார் மரணத்​துக்கு நீதி கேட்​டும், தமிழக அரசை கண்​டித்​தும், தமிழக வெற்​றிக் கழகம் சார்​பில் இன்று (3-ம் தேதி) காலை 10 மணிக்கு எழும்​பூர், ராஜரத்​தினம் மைதானம் அரு​கில் ஆர்ப்​பாட்​டம் நடை​பெறும் என அறிவிக்​கப்​பட்​டிருந்​தது. இந்​நிலை​யில், ஆர்ப்​பாட்​டம் நடை​பெறும் நாள் மற்​றும் இடம் மாற்​றம் செய்​யப்​பட்​டுள்​ள​தாக தவெக பொதுச் செய​லா​ளர் ஆனந்த் தெரி​வித்​துள்​ளார்.

இதுகுறித்​து, அவர் தனது எக்ஸ் பதிவில் குறிப்​பிட்​டுள்​ள​தாவது: சிவகங்கை மாவட்​டம், திருப்​புவனம் காவல் நிலைய எல்​லைக்கு உட்​பட்ட மடப்​புரம் கோயில் காவலர் அஜித்​கு​மார் மரணத்​துக்கு நீதி கேட்​டும், உயர் நீதி​மன்​றத்​தின் நேரடிக் கண்​காணிப்​பின் கீழ் சிறப்​புப் புல​னாய்​வுக் குழு அமைத்து நீதி விசா​ரணை நடத்த வேண்​டும் என வலி​யுறுத்​தி​யும், கடந்த 4 ஆண்​டு​களில் 24 பேர் காவல் நிலை​யத்​தில் மரணம் அடைந்​தது குறித்து உயர் ​நீ​தி​மன்​றமே அதிருப்தி தெரி​வித்​துள்ள நிலை​யில், இதுகுறித்​து தமிழக அரசு வெள்ளை அறிக்கை வெளி​யிட வலி​யுறுத்​தி​யும் தமிழக வெற்​றிக் கழகத்​தின் சார்​பில் ஆர்ப்​பாட்​டம் அறிவிக்​கப்​பட்​டிருந்​தது.

அந்த வகை​யில், தவெக தலை​வர் விஜய் உத்​தர​வின் பேரில், கண்டன ஆர்ப்​பாட்​டம் நடத்த ஏற்​கெ​னவே அனு​மதி கோரப்​பட்ட இடம் அன்​றைய தேதி​யில் வேறு காரணத்​துக்​குப் பயன்​படுத்​தப்பட இருப்​ப​தாகக் கூறி, காவல் துறை​யால் மாற்று இடத்​தில் ஆர்ப்​பாட்​டம் நடத்த அனு​மதி அளிக்​கப்​பட்​டுள்​ளது. அதன்​படி, சென்​னை, சிவானந்தா சாலை​யில் வரும் 6-ம் தேதி (ஞா​யிற்​றுக்​கிழமை) காலை 10 மணிக்​குக் கண்டன ஆர்ப்​பாட்​டம் நடை​பெற உள்​ளது. இவ்​வாறு அந்த பதிவில்​ தெரிவிக்​கப்​பட்​டுள்ளது.