திமுக கூட்டணி மறுபரிசீலனைக்கு அவசியமில்லை: நிர்வாக குழு கூட்டத்துக்கு பிறகு வைகோ திட்டவட்டம்

சென்னை: திமுக கூட்​ட​ணியை மறு​பரிசீலனை செய்ய அவசி​யமில்லை என மதி​முக பொதுச்​செய​லா​ளர் வைகோ தெரிவித்துள்ளார். மதிமுக நிர்​வாகக் குழு கூட்​டம் கட்​சி​யின் அவைத் தலை​வர் ஆடிட்​டர் அர்​ஜூன​ராஜ் தலை​மை​யில் சென்னையில் நேற்று நடை​பெற்​றது. இதில் பொதுச்​செய​லா​ளர் வைகோ சிறப்​புரை ஆற்​றி​னார்.

பொருளாளர் மு.செந்​தில​திபன், முதன்​மைச் செய​லா​ளர் துரை வைகோ, துணைப் பொதுச்​செய​லா​ளர்​கள் மல்லை சத்​யா, செஞ்சி ஏ.கே.மணி, ஆடு​துறை இரா.​முரு​கன், தி.​மு.​ராஜேந்​திரன், ரொஹையா மற்​றும் நிர்​வாகக் குழு உறுப்​பினர்​கள் கலந்​து​கொண்​டனர். கூட்​டத்​தில் நிறைவேற்​றப்​பட்ட தீர்​மானங்​கள்: தமிழகத்தை வளர்ச்​சிப் பாதை​யில் முன்​னெடுத்​துச் செல்​லும் திமுக அரசு தொடர​வும், இந்​துத்​துவ மதவாத சக்​தி​களை முறியடிக்​க​வும் கூட்​டணி என்ற மதி​முக எடுத்த முடிவை வரும் சட்​டப்​பேர​வைத் தேர்​தலிலும் கடைப்​பிடிப்​போம்.

அரசி​யலமைப்​பில் மதச்​சார்​பற்ற, சோசலிச எனும் வார்த்​தைகளை நீக்க வேண்​டும் என்று ஆர்​எஸ்​எஸ் கூறி​யிருப்​பது கடும் கண்​டனத்​துக்​குரியது. முரு​கன் மாநாட்​டில் பெரி​யார், முன்​னாள் முதல்​வர் அண்​ணாதுரையை சிறுமைப்​படுத்தி வெளி​யான காணொலிக்கு கடும் கண்​டனம். திருச்​சி​யில் நடை​பெறவுள்ள முன்​னாள் முதல்​வர் அண்ணா பிறந்​த​நாள் மாநாட்டை வெற்​றிகர​மாக நடத்​து​வதற்​கும், தேர்​தல் வேலைகளை முன்​னெடுக்​க​வும் ஜூலை 1 முதல் 17-ம் தேதி வரை​யில் நடை​பெறும் மண்டல வாரி​யான செயல்​வீரர்​கள் கூட்​டங்​களை திட்​ட​மிட்டு மாவட்ட அமைப்​பு​கள் செய​லாற்ற வேண்​டும் என்பன உள்​ளிட்ட தீர்​மானங்​கள் நிறைவேற்​றப்​பட்​டன.

பின்​னர் செய்​தி​யாளர்​களிடம் வைகோ கூறிய​தாவது: தமிழகத்​தில் 2026 சட்​டப்​பேர​வைத் தேர்​தலில் கூட்​டணி அரசுக்கு அவசி​யமில்​லாத வகை​யில் திமுக வெற்றி பெறு​வதற்​காக மதி​முக பாடு​படு​ம். பெண்​களின் வாக்​கு​களில் 90 சதவீதம் திமுகவை சென்​றடை​யும். இரட்டை இலக்​கத்​தில் தொகு​தி​கள் கேட்​போம் என கூட்​டத்​தில் நான் சொல்​ல​வில்​லை. கட்சி அங்​கீ​காரத்​துக்கு 8 சட்​டப்​பேரவை உறுப்​பினர்​கள் இருக்க வேண்​டும். இதற்​காக தோ​ராய​மாக 12 தொகு​தி​களில் போட்​டி​யிடலாம் எனவும், முடிவு தலைமை எடுக்​கும் எனவும் முதன்​மைச் செய​லா​ளர் கூறி​யிருந்​தார்.

இந்​துத்​துவா சக்​தி​கள் தமிழகத்​தில் காலூன்​றக் கூடாது என்​ப​தற்​காக​வும் திரா​விட இயக்​கத்தை பாது​காப்​ப​தற்​காக​வும் திமுக​வுடன் கூட்​டணி அமைத்​தோம். தற்​போதும் அதே நிலைப்​பாட்​டில் இருக்​கிறோம். அதை மறு​பரிசீலனை செய்ய வேண்​டிய அவசி​யமில்​லை. தமிழக மக்​களின் முக்​கிய பிரச்​சினை​களுக்கு போ​ராடி மதி​முக வெற்றி பெற்​றிருக்​கிறது. மதி​முக​வினர் விரக்​தி​யில் இல்​லை. எந்​தச் சூழ்​நிலைக்​கும் தயா​ராக இருப்​போம். வரும் தேர்​தலில் அதி​முக, பாஜக கூட்​டணி வெற்றி பெறாத நிலை​யில், மத்​திய அமைச்​சர் அமித் ஷா கூறும் கூட்​டணி ஆட்சி குறித்து சிந்​திக்​க வேண்​டிய​தில்​லை. இவ்​வாறு அவர்​ தெரிவித்​தார்​.