10, 12-ம் வகுப்பில் சிறந்த மதிப்பெண்கள் பெற்ற மாணவர்களுக்கு கல்வி விருது: விஜய் வழங்கினார்

மாமல்​லபுரம்: மாமல்​லபுரம் அடுத்த பூஞ்​சேரி பகு​தி​யில் உள்ள தனி​யார் நட்​சத்​திர விடு​தி​யில் 2-ம் கட்​ட​மாக 10 மற்​றும் 12-ம் வகுப்பில் சிறந்த மதிப்​பெண்​கள் பெற்ற மாணவ, மாணவி​களுக்கு தமிழக வெற்​றிக் கழகம் கட்​சி​யின் தலை​வர் விஜய் கல்வி விருது மற்​றும் பாராட்டு சான்​றுகளை வழங்​கி​னார்.

தமிழகம் மற்​றும் புதுச்​சேரி​யில் 10 மற்​றும் 12-ம் வகுப்பு அரசு பொதுத் தேர்​வில் தொகுதி வாரி​யாக சிறந்த மதிப்​பெண்​கள் பெற்று தேர்ச்​சி​யடைந்த மாணவ, மாணவி​களுக்​கு, தமிழக வெற்​றிக் கழகத்​தின் சார்​பில், கல்வி விருது வழங்​கும் விழா, 2-ம் கட்​ட​மாக மாமல்​லபுரம் அருகே பூஞ்​சேரி உள்ள தனி​யார் நட்​சத்​திர விடு​தி​யில் நேற்று நடை​பெற்​றது.

இதில், சிறந்த மதிப்​பெண்​கள் பெற்ற மாணவ, மாணவி​கள் தங்​களின் பெற்​றோர்​களு​டன் பங்​கேற்​றனர். விழா​வில், தவெக தலை​வர் விஜய் பங்​கேற்​றார். முதலில், மாற்​றுத்​திற​னாளி மாணவ, மாணவி​களை சந்​தித்து பேசி​னார். பின்​னர், அக்​கட்​சி​யின் பொதுச்​செய​லா​ளர் புஸ்ஸி ஆனந்த் அனை​வரை​யும் வரவேற்​றார்.

இதையடுத்​து, 12-ம் வகுப்​பில் 599 மதிப்​பெண்​கள் பெற்ற திருப்​பூர் மாவட்​டம், பல்​லடம் தொகு​தியை சேர்ந்த ராகுலுக்கு தங்க மோதிரம், பாராட்டு சான்று மற்​றும் 10-ம் வகுப்​பில் 499 மதிப்​பெண்​கள் பெற்ற மடத்​துக்​குளம் தொகு​தியை சேர்ந்த திவ்​யலட்​சுமிக்கு வைரத்​தோடு, பாராட்டு சான்று மற்​றும் 499 மதிப்​பெண்கள் பெற்ற மன்​னார்​குடி தொகு​தியை சேர்ந்த முரு​க​னுக்கு தங்​கமோ​திரம், பாராட்டு சான்று உள்​ளிட்​ட​வை​களை விஜய் வழங்​கி​னார்.

பின்​னர், 15 மாவட்​டங்​களில் சிறந்த மதிப்​பெண்​கள் பெற்ற 504 மாணவ, மாணவி​களுக்கு பாராட்டு சான்​றுகள் மற்​றும் ரூ.5 ஆயிரத்​துக்​கான காசோலைகளை வழங்கி பாராட்​டி​னார். நிகழ்ச்​சி​யில் பங்​கேற்ற அனை​வருக்​கும் காலை உணவு மற்​றும் மதி​யம் அறுசுவை உணவு வழங்​கப்​பட்​டது. இந்​நிகழ்ச்​சி​யில், அக்​கட்​சி​யின் தேர்​தல் பிரிவு மேலாண்மை பொதுச் செய​லா​ளர் ஆதவ் அர்​ஜூனா மற்​றும் மாணவ, மாணவி​கள், பெற்​றோர்​கள் உள்பட பலர் கலந்​துக் கொண்​டனர். மேலும், வரும் 13-ம் தேதி 3-ம் கட்​ட​மாக கல்​வி விருது வழங்​கும்​ விழா நடை​பெற உள்​ள​தாக கூறப்​படுகிறது.