நடிகர் சங்கத்துக்கு தேர்தல் நடத்தப்பட்டால் கட்டுமான பணிகள் பாதிக்கும்: உயர் நீதிமன்றத்தில் நடிகர் விஷால் பதில் மனு

சென்னை: நடிகர் சங்​கத்​துக்கு தேர்​தல் நடத்​தி​னால் கட்​டு​மானப்​பணி​கள் பாதிக்​கப்​படும் என்​ப​தால் சங்க நிர்​வாகி​களின் பதவிக்​காலம் மேலும் 3 ஆண்​டு​களுக்கு நீட்​டிக்​கப்​பட்​டுள்​ளது என நடிகர் விஷால் உயர் நீதி​மன்​றத்​தில் பதில் மனு தாக்​கல் செய்​துள்​ளார். தென்​னிந்​திய நடிகர் சங்​கத்​துக்கு மூன்று ஆண்​டு​களுக்கு ஒரு​முறை தேர்​தல் நடத்​தப்பட வேண்​டும்.

கடந்த 2022-ம் ஆண்டு தேர்​தல் நடத்​தப்​பட்டு நிர்​வாகி​கள் தேர்வு செய்​யப்​பட்​டனர். அவர்​களின் பதவிக்​காலம் கடந்த மார்ச் 19-ம் தேதி​யுடன் முடிவடைந்த நிலை​யில் அவர்​களின் பதவிக் காலத்தை மேலும் 3 ஆண்​டுகளுக்கு நீட்​டிப்​பது என கடந்​தாண்டு செப்​.8-ல் நடந்த நடிகர் சங்க பொதுக்​குழுக் கூட்​டத்​தில் தீர்​மானிக்​கப்​பட்​டது.

இதை எதிர்த்​து நடிகர் நம்​பி​ராஜன் என்​பவர் சென்னை உயர் நீதி​மன்​றத்​தில் வழக்கு தொடர்ந்​திருந்​தார். இந்த வழக்​கில் தென்​னிந்​திய நடிகர் சங்க பொதுச்​செய​லா​ள​ரான நடிகர் விஷால் சார்​பில் பதில் மனு தாக்​கல் செய்​யப்​பட்​டுள்​ளது. அதில் அவர் தெரி​வித்​துள்​ள​தாவது: நடிகர் சங்​கத்​துக்கு ரூ.25 கோடி செல​வில் புதி​தாக கட்​டிடம் கட்​டும் பணி தொடங்​கப்​பட்டு 60 சதவீத பணி​கள் முடிவடைந்து விட்​டன. தங்​களது பதவிக்​காலம் கடந்த மார்ச் மாதத்​துடன் முடிந்​து​விட்​டது என்​றாலும், 2025 - 2028 கால​கட்​டத்​துக்​கான புதிய நிர்​வாகி​களை தேர்வு செய்​வதற்​கான தேர்​தல் பணி​களை தொடங்​கி​னால் அது சங்க கட்​டு​மானப்​பணி​களை பாதிக்​கும்.

எனவே சங்க பொதுக்​குழு மற்​றும் செயற்​குழு​வில் தற்​போதைய நிர்​வாகி​களின் பதவிக்​காலத்தை மேலும் 3 ஆண்​டு​களுக்கு நீட்​டித்து ஏகமன​தாக தீர்​மானம் கொண்​டு​வரப்​பட்​டது. பொதுக்​குழு​வுக்கே உச்​சபட்ச அதி​காரம் உள்​ளது. இதில் எந்​த வொரு விதி​மீறலும் இல்​லை. அதற்​கான ஆவணம் முறைப்​படி பதிவுத்​துறை பதி​வாளரிடம் தாக்​கல் செய்​யப்​பட்​டுள்​ளது. இந்த வழக்கு உள்​நோக்​கத்​துடன் தொடரப்​பட்​டுள்​ளது என்​ப​தால் வழக்கை தள்​ளு​படி செய்ய வேண்​டும். இவ்​வாறு கோரி​யிருந்​தார். அதையடுத்து இந்த வழக்​கின் வி​சா​ரணையை நீதிபதி கே.குமரேஷ்​பாபு ஜூன்​ 9-ம்​ தேதிக்​கு தள்​ளி வைத்​துள்​ளார்​.