மதுரை மேற்கில் தளபதி விஜய் போட்டியிட வேண்டும்! - எம்ஜிஆர் சென்டிமென்டை சொல்லி இழுக்கும் ரசிகர்கள்

நடிகர் விஜய்யுடன் யாரெல்லாம் கூட்டணி சேரப் போகிறார்கள்... அல்லது அவர் யாருடன் கூட்டணி வைக்கப் போகிறார் என்பதே புரியாத புதிராக இருக்கையில், அவரை மதுரை மேற்கு தொகுதியில் போட்டியிடச் சொல்லி அவரது ரசிகர்கள் போஸ்டர் ஒட்டி பிரமாதப்படுத்திக் கொண்டிருக்கிறார்கள்.

மதுரை மாவட்​டத்​தில் மொத்​தம் 10 சட்​டமன்ற தொகு​தி​கள். இருந்​தா​லும் இதில் மதுரை மேற்கு மட்​டும் ஸ்பெஷல். காரணம், இது எம்​ஜிஆர் போட்​டி​யிட்டு வென்ற தொகு​தி. எம்​ஜிஆர் வென்ற பழைய மேற்கு தொகு​திக்​கான எல்​லை​கள் இப்​போது மாற்றி அமைக்​கப்​பட்​டு​விட்ட போதும், இன்​ன​மும் இது அதி​முக-வுக்கு சாதக​மான தொகு​தி​யாகவே பார்க்​கப்​படு​கிறது. இது​வரை இந்​தத் தொகு​தி​யில் 6 முறை அதி​முக வென்​றுள்​ளது. 2011 தொடங்கி இப்​போது வரைக்​கும் தொடர்ச்​சி​யாக மூன்​றாவது முறை​யாக இந்​தத் தொகு​தி​யின் எம்​எல்​ஏ-​வாக இருக்​கி​றார் அதி​முக முன்​னாள் அமைச்​சர் செல்​லூர் கே.​ராஜு. இம்​முறை இந்​தத் தொகு​தியை ராஜூ​விடம் இருந்து கைப்​பற்ற அமைச்​சர் மூர்த்​திக்கு ஸ்பெஷல் அசைன்​மென்ட் கொடுத்​திருக்​கிறது திமுக தலை​மை.

இந்த நிலை​யில், அரசி​யல் முக்​கி​யத்​து​வம் வாய்ந்த மதுரையி​லிருந்து நடிகர் விஜய் சட்​டமன்​றத்​துக்​குப் போகவேண்​டும் என அவரது ரசிகர்​கள் இப்​போதே அவருக்​காக இடம் பிடிக்க ஆரம்​பித்​திருக்​கி​றார்​கள். அது​வும் எம்​ஜிஆருக்கு வெற்றி தந்த மதுரை மேற்​கில் விஜய் போட்​டி​யிட வேண்​டும் என்​பது அவர்​களின் விருப்​பம். விழுப்​புரம், கள்​ளக்​குறிச்​சி, கடலூர் மாவட்​டங்​களில் உள்ள ஏதாவதொரு தொகு​தி​யில் விஜய் களமிறங்​கலாம் எனச் சொல்​லப்​படும் நிலை​யில், அவரை மதுரைக்கு இழுக்​கும் அவரது ரசிகர்​கள், ‘விஜய்யை மதுரை மேற்கு தொகு​தி​யில் 1 லட்​சத்து 10 ஆயிரம் வாக்​கு​கள் வித்​தி​யாசத்​தில் வெற்​றி​பெறச் செய்து தமிழக முதல்​வ​ராக்​கிய வாக்​காளப் பெரு​மக்​களுக்கு நன்​றி’ என போஸ்​டரடித்து புரட்சி செய்​திருக்​கி​றார்​கள்.

இந்​தப் போஸ்​டரை ஒட்​டிய மதுரை மாநகர் தெற்கு மாவட்ட தவெக இளைஞரணி (மேற்​கு) அமைப்​பாள​ரான ‘கில்​லி’ சிவா​விடம் பேசினோம். “எங்​கள் தலை​வர் தமி​ழ​கத்​தில் எந்​தத் தொகு​தி​யில் நின்​றாலும் அமோக வெற்றி பெறு​வது உறு​தி. ஆனால், அவர் மதுரை​யில் போட்​டி​யிட வேண்​டும் என்​பது எங்​களது ஆசை. அதைத்​தான் போஸ்​டர் மூலம் வெளிப்​படுத்தி இருக்​கி​றோம். இந்​தத் தொகு​தி​யில் எம்​ஜிஆர் எப்​படி அமோக வெற்​றி​பெற்​றாரோ அதே போல் தளபதி விஜய்​யும் தமிழக அரசி​யலில் உச்​சம் தொடு​வார்” என்று சொன்​னார் அவர்.

மதுரை மாநகர் தெற்கு மாவட்ட தவெக செய​லா​ளர் தங்​க​பாண்​டிய​னோ, “எல்லா மாவட்​டச் செய​லா​ளர்​களுமே தங்​களது மாவட்​டத்​தில் தலை​வர் போட்​டி​யிட வேண்​டும் என, விரும்​பு​கி​றோம். தொண்​டர்​களும் இதையே தான் நினைக்​கி​றார்​கள். மதுரை மேற்கு எம்​ஜிஆரை அரசி​யலில் உச்​சத்​திற்கு கொண்டு சென்ற ராசி​யான தொகு​தி. அதை மனதில் வைத்து மதுரை மேற்​கில் தலை​வர் நிற்க வேண்​டும் என தொண்​டர்​கள் விரும்புகிறார்கள். மதுரை மேற்​கில் அல்​ல... மதுரைக்​குள் எந்​தத் தொகு​தி​யில் நின்​றாலும் அவரை கில்லி கணக்​காய் ஜெயிக்க வைக்க நாங்​கள் தயா​ராய் இருக்​கி​றோம்” என்​றார்.

மதுரை மேற்கை அதி​முக-​விடம் இருந்து கைப்​பற்ற இப்​போதே வியூ​கம் வகுத்து செய​லாற்ற ஆரம்​பித்​திருக்​கிறது ஆளும் கட்​சி​யான திமுக. இந்​தச் சூழலில் எம்​ஜிஆர் சென்​டிமென்ட்​டைத் தூக்​கிக் கொண்டு விஜய்​யும் மதுரை மேற்கை நோக்​கிப் புறப்​பட்​டால் களம் ரணகளம் தான்​!