விஜய்யுடன் கைகோக்க தயாராகிறாரா ரங்கசாமி? - கலக்கத்தில் புதுச்சேரி பாஜக வட்டாரம்!

புதுச்சேரியில் இதுவரையில் அதிக நாட்கள் முதல்வராக இருந்தவர் தற்போதைய முதல்வர் ரங்கசாமி மட்டும் தான். அடுத்த தேர்தலிலும் முதல்வர் இருக்கையை தக்கவைத்து சாதனையை இன்னும் வலுவாக்க ரங்கசாமி போடும் கூட்டணிக் கணக்குகள் பாஜக-வை பதறவைத்திருக்கிறது.

புதுச்​சேரியில் தேசிய ஜனநாயகக் கூட்ட​ணியின் தலைவராக ரங்கசாமி இருக்​கி​றார். இருந்த போதும் அவரது பல கோரிக்​கைகள் மத்திய அரசால் கண்டு​கொள்​ளப்​ப​டா​மலேயே இருக்​கிறது. அதேபோல், கூட்ட​ணியில் அங்கம் வகிக்கும் பாஜக எம்எல்​ஏ-க்கள் வாரியத் தலைவர் பதவிகளை கேட்டு மனு போட்டும் மவுனமாகவே இருக்​கிறார் ரங்கசாமி.

மாநில அந்தஸ்து உள்ளிட்ட பல முக்கிய பிரச்​சினைகள் குறித்து பேச டெல்லிக்குச் செல்லாத ரங்கசாமி, பிரதமர் மோடி பதவியேற்பு, தேசிய ஜனநாயகக் கூட்டணித் தலைவர்கள் கூட்டம் என அனைத்​தையும் புறக்​கணித்தே வருகி​றார். பாஜக எம்எல்​ஏ-க்கள் மூவரும், பாஜக ஆதரவு சுயேச்​சைகள் மூவரும் ரங்கசாமியை வெளிப்​படையாக விமர்​சித்து வருகி​றார்கள். ஆனாலும், 2026-லும் ரங்கசாமி​யுடனான கூட்டணியை தொடர விரும்​பு​கிறது டெல்லி பாஜக தலைமை.

ஆனால் ரங்கசாமியோ, தனது நண்பரான புஸ்ஸி ஆனந்த் மூலமாக வேறு கணக்குப் போடுகி​றார். ஆனந்த் மூலமாக நடிகர் விஜய்​யுடன் நட்பில் இருக்கும் ரங்கசாமி, விஜய் நடத்திய விக்கிர​வாண்டி தவெக மாநாடு வெற்றிபெற புஸ்ஸி ஆனந்துடன் சேர்ந்து அப்பா பைத்தியம் சாமி கோயிலில் சிறப்பு பூஜை செய்து ஆசிர்​வாதம் செய்தார்.

ரங்கசாமியின் அண்மைக்கால நகர்வுகள் அனைத்துமே விஜய் அரசியலை மையப்​படுத்தியே இருப்​ப​தால், இவரையும் விட்டு​விட்டு என்ன செய்வது என பதறிக் கிடக்​கிறது புதுச்சேரி பாஜக வட்டாரம். “வரும் தேர்தலிலும் புதுச்​சேரியில் தேசிய ஜனநாயகக் கூட்ட​ணிக்கு ரங்கசாமி தான் தலைமை ஏற்பார். முதல்வர் வேட்பாளரும் அவரே தான்” என பாஜக-வைச் சேர்ந்த பேரவைத்​தலைவர் செல்வம் தெரிவித்​திருப்​பதும் ரங்கசாமிக்கு அணைபோடத்தான் என்கி​றார்கள்.

ஆனால் ரங்கசாமியோ வழக்கம்​போல், “தேர்தல் சமயத்தில் கூட்டணி பற்றி பார்க்​கலாம்” என நழுவி வருகி​றார். பாஜக-​வினரிடம் கேட்டால், “ரங்கசாமி எப்போதும் இப்படித்​தான். அவர் எங்கள் கூட்ட​ணியில் தான் இருப்​பார்” என்று நம்பிக்​கையோடு சொல்​கி​றார்கள். புதுவையை ஒட்டி​யுள்ள கடலூர், விழுப்​புரம், கள்ளக்​குறிச்சி, திருவண்​ணாமலை, காரைக்காலை ஒட்டி​யுள்ள நாகை, மயிலாடுதுறை மற்றும் சேலம் ஆகிய தமிழக பகுதி​களில் தனது என்.ஆர்​.​காங்​கிரஸ் கட்சிக்கு அடித்தளம் இருப்பதாக முதல்வர் ரங்கசாமி கருதுகி​றார்.

இங்கெல்லாம் அவர் சார்ந்த வன்னியர் சமூகத்து மக்கள் கணிசமாக இருக்​கி​றார்கள். இதையெல்லாம் மனதில் வைத்தே, “இம்முறை என்.ஆர்​.​காங்​கிரஸ் தமிழகத்​திலும் போட்டி​யிடும்” என ரங்கசாமி சொல்லி இருக்​கி​றார். விஜய்​யுடன் இருக்கும் நெருக்​கத்தை வைத்து புதுச்​சேரியில் தவெக - என்.ஆர்​.​காங்​கிரஸ் கூட்டணியை உருவாக்க நினைக்​கிறார் ரங்கசாமி.

அந்தக் கூட்ட​ணியில் புதுச்​சேரியை ஒட்டிய தமிழக மாவட்​டங்​களில் என்.ஆர்​. ​காங்​கிரஸ் வேட்பாளர்களை களமிறக்​கினால் ஒரு கை பார்க்​கலாம் என்பதும் அவரது கணக்கு என்கி​றார்கள். அவரின் இந்தத் திட்டம் கைகூடி வந்தால் மேற்சொன்ன மாவட்​டங்​களில் பாமக வாக்கு வங்கிக்கும் பங்கம் உண்டாக்​கலாம் என்கி​றார்கள்.

இதுபற்றி என்.ஆர்​.​காங்​கிரஸ் தரப்பில் பேசிய​வர்கள், “காங்​கிரஸ் கட்சியி​லிருந்து பிரிந்து தனிக்​கட்சி தொடங்கிய போது அப்பா பைத்தியம் சாமியிடம் குறி கேட்டுத்தான் ரங்கசாமி முடிவெடுத்​தார். அதேபோல், விஜய் கட்சி​யுடன் கூட்டணி வைப்பது, தமிழகத்தில் என்.ஆர்​.​காங்​கிரஸை காலூன்ற வைப்பது - இதெற்​கெல்​லாமும் குறிகேட்​டுத்தான் முடிவெடுத்​திருப்​பார். ஆனாலும், அவர் என்ன நினைக்​கிறார் என்பது அவருக்​குத்தான் தெரியும். கடைசி வரைக்கும் மற்றவர்​களுக்கு எதுவுமே தெரியாது” என்றனர்.

ரங்கசாமி தமிழகத்​துக்குள் தடம்ப​திக்க வருவதால் பாமக-வுக்கு பாதிப்பு வரும் என்கி​றார்களே என விழுப்​புரம் மாவட்டம் மயிலம் தொகுதி பாமக எம்எல்​ஏ-வான சி.சிவகு​மாரிடம் கேட்டதற்கு, “மருத்​துவர் ஐயா ராமதாஸ் 43 ஆண்டுகளாக 9 ஆயிரம் கிராமங்​களுக்கு நேரில் சென்று மக்களை சந்தித்​துள்​ளார். அதனால் யார் இங்கு வந்தாலும் பாமக-வை வீழ்த்த முடியாது. பாமக-வின் வாக்குகள் பாமக-வுக்கே விழும். வரும் தேர்தலில் எங்களின் வாக்கு சதவீதம் அதிகரிக்குமே தவிர குறைய வாய்ப்​பில்லை” என்றார்.

புதுச்​சேரியில் பாமக காலூன்ற முடியாமல் இருப்​ப​தற்கு ரங்கசாமியும் முக்கிய காரணம் என்பார்கள். அப்படி இருக்​கை​யில், எல்லை கடந்து தமிழகத்​துக்குள் தடம் பதிக்க நினைக்கும் ரங்​க​சாமியால் தமி​ழ​கத்​தி​லும் பாமக வாக்கு வங்​கிக்கு சேதாரம்​ வருமா என்ப​தை பொறுத்​திருந்து தான் ​பார்க்​க வேண்​டும்​!