சொத்துகளை முடக்கி அமலாக்க துறை அதிகார துஷ்பிரயோகம்: இயக்குநர் ஷங்கர் குற்றச்சாட்டு

சென்னை: ‘எந்​திரன்’ பட விவகாரத்​தில் தனது சொத்துகளை முடக்​கியதன் மூலம் அமலாக்கத் துறை அதிகாரிகள் அதிகார துஷ்பிரயோகம் செய்​துள்ளதாக இயக்​குநர் ஷங்கர் குற்​றம்​சாட்​டி​யுள்​ளார்.

‘எந்​திரன்’ பட கதை விவகாரத்​தில் காப்பு​ரிமை மீறல் நடந்​துள்ளதாக ஆரூர் தமிழ்​நாடன் என்பவர் சென்னை எழும்​பூர் கீழமை நீதி​மன்​றத்​தில் வழக்கு தொடர்ந்​தார். இதன் அடிப்​படை​யில் தனியாக வழக்கு பதிவு செய்து விசாரணை நடத்திய அமலாக்கத் துறை, ஷங்கரின் ரூ.10.11 கோடி மதிப்​பிலான 3 சொத்துகளை முடக்கி தற்போது நடவடிக்கை எடுத்​துள்ளது.

இதுகுறித்து அவர் வெளி​யிட்​ட அறிக்கை​: ‘எந்​திரன்’ படக் கதை தொடர்பாக ஆரூர் தமிழ்​நாடன் தொடர்ந்த உரிமை​யியல் வழக்​கில், அவரது கோரிக்கையை உயர் நீதி​மன்றம் ஏற்கெனவே நிராகரித்து​விட்​டது. ஆனால், அதை புறக்​கணித்து​விட்டு, இந்திய திரைப்​படம் மற்றும் தொலைக்​காட்சி நிறு​வனத்​தின் தன்னிச்​சையான அறிக்கையை அடிப்​படையாக கொண்டு அமலாக்கத் துறை அதிகாரிகள் எனது சொத்துகளை முடக்கம் செய்தது சட்ட​விரோதம்.

தவிர, இதுபற்றி அமலாக்கத் துறை​யிடம் இருந்து இதுவரை எனக்கு எந்த தகவலும் வரவில்லை. ஊடகங்கள் வாயிலாக பொது​வெளி​யில் பரப்​பப்​பட்​டுள்​ளது. இது அதிகார துஷ்பிரயோகம். அமலாக்கத் துறை அதிகாரிகள் இதை மறுபரிசீலனை செய்து, தங்கள் நடவடிக்கைகளை இத்துடன் நிறுத்​திக் கொள்​வார்கள் என நம்பு​கிறேன். இல்லா​விட்​டால், சட்​டரீ​தியாக மேல்​முறை​யீடு செய்வதை தவிர எனக்கு வேறுவழி​யில்லை. இவ்​வாறு தெரி​வித்​துள்​ளார்​.