ஈரோடு கிழக்கு தொகுதியில் இன்று பலத்த பாதுகாப்புடன் வாக்குப்பதிவு: களத்தில் 46 வேட்பாளர்கள்; 2.27 லட்சம் வாக்காளர்கள்

ஈரோடு: ஈரோடு கிழக்கு சட்டப்​பேர​வைத் தொகுதி இடைத்​தேர்தல் வாக்​குப்​ப​திவு இன்று (பிப். 5) நடக்​கிறது.

திமுக, நாதக வேட்​பாளர்கள் உட்பட 46 வேட்​பாளர்கள் தேர்தல் களத்​தில் உள்ள நிலை​யில், 2.27 லட்சம் வாக்​காளர்கள் வாக்​களிக்க உள்ளனர். இங்கு எம்எல்​ஏவாக இருந்த ஈவிகேஎஸ்​.இளங்​கோவன் மறைவையடுத்து, இடைத்​தேர்தல் அறிவிக்​கப்​பட்​டது. அதிமுக, பாஜக, தேமு​திக, தவெக உள்ளிட்ட கட்சிகள் தேர்​தலைப் புறக்​கணித்த நிலை​யில், இண்டியா கூட்டணி சார்​பில்திமுக வேட்​பாளர் வி.சி.சந்​திரகு​மார், நாம் தமிழர் கட்சி சார்​பில் சீ​தாலட்​சுமி போட்​டி​யிடு​கின்​றனர். பதிவு செய்​யப்​பட்ட அரசியல் கட்சி வேட்​பாளர்​கள், சுயேச்சை வேட்​பாளர்கள் என மொத்தம் 46 பேர் களத்​தில் உள்ளனர்.

இன்று காலை 7 மணிக்கு வாக்​குப்​ப​திவு தொடங்​கு​கிறது. மொத்தம் 2 லட்சத்து 27 ஆயிரத்து 546 பேர் வாக்​களிக்க வசதியாக 53 இடங்​களில் 237 வாக்​குச்​சாவடி மையங்கள் அமைக்​கப்​பட்​டுள்ளன. இவற்றுள் பதற்​ற​மானவை​யாகக் கண்டறியப்​பட்​டுள்ள 9 வாக்​குச்​சாவடி மையங்​களில் கூடுதல் பாது​காப்பு ஏற்பாடுகள் செய்​யப்​பட்டுள்ளன.

மின்னணு வாக்​குப்​ப​திவு இயந்​திரங்​கள், கட்டுப்​பாட்டுக் கருவி, வி.வி.பேட் மற்றும் அழியாத மை, வாக்​குச்​சாவடிகளில் பயன்​படுத்​தப்​படும் பொருட்கள் ஆகியவை ஈரோடு மாநக​ராட்சி அலுவல​கத்​தில் இருந்து போலீஸ் பாது​காப்புடன் வாக்​குச்​சாவடிகளுக்கு அனுப்​பிவைக்​கப்பட்டன.

அனைத்து வாக்​குச்​சாவடிகளி​லும் அங்கீகரிக்​கப்​பட்ட முகவர்கள் முன்னிலை​யில் காலை 6 மணிக்கு மாதிரி வாக்​குப்​ப​திவு நடத்​தப்பட உள்ளது. தொடர்ந்து காலை 7 மணி முதல் வாக்​காளர்கள் வாக்​களிக்க அனும​திக்​கப்​பட​வுள்​ளனர். மாலை 6 மணிக்கு வாக்​குப்​ப​திவு நிறைவடைகிறது. தொகுதிமுழு​வதும் துணை ராணுவத்​தினர் மற்றும் போலீ​ஸார் பாது​காப்புப் பணியில் ஈடுபடுத்​தப்​பட்​டுள்​ளனர். வரும் 8-ம் தேதிசித்தோடு அரசு பொறியியல் கல்லூரி​யில் வாக்கு எண்ணிக்கை நடைபெற உள்ளது. இந்திய தேர்தல் ஆணையத்​தால், ஈரோடு கிழக்கு தொகு​திக்கு உட்பட்ட அனைத்​துப் பகுதி​களுக்​கும் இன்று பொது விடு​முறை அறிவிக்​கப்​பட்​டு
உள்​ளது.