அதிக வேலைவாய்ப்புகளை வழங்குவதில் நாட்டிலேயே முதலிடம்: தமிழக அரசு பெருமிதம்

சென்னை: அதிக வேலை​வாய்ப்புகளை வழங்​கு​வ​தில் நாட்டிலேயே தமிழகம் முதலிடம் வகிப்​பதாக தமிழக அரசு பெரு​மிதம் தெரி​வித்​துள்ளது.

இது தொடர்பாக தமிழக அரசு வெளி​யிட்ட செய்திக்​குறிப்​பில் கூறி​யிருப்​ப​தாவது: தமிழகத்​தில் பெரும் தொழில்​களைத் தொடங்கி, இளைஞர்​களுக்கு வேலை​வாய்ப்புகளை உருவாக்​கும் நோக்​கில் தமிழகத்​தி​லும், வெளி​நாடு​களி​லும் தொழில் முதலீடுகளை ஈர்த்​துப், புதிய தொழிற்​சாலைகளை முதல்வர் ஸ்டா​லின் உருவாக்கி வருகிறார்.

அதேநேரத்​தில், சிறு, குறு மற்றும் நடுத்தர தொழில்கள் அதிக அளவில் தொடங்க ஊக்கமளிப்​பதன் வாயி​லாக, சாதாரண மக்களும் அதிக வேலை வாய்ப்பு​களைப் பெற்றுப் பயனடைகின்​றனர். அந்த வகையில், பொருளா​தா​ரத்​தி​லும், தொழில் வளர்ச்​சி​யிலும் பல ஆண்டு​களாக முன்னிலை​யில் இருந்​து​வரும் குஜராத், மகாராஷ்டிரா மாநிலங்​களை​விட, தமிழகம் சிறு, குறு மற்றும் நடுத்தர தொழில்கள் மூலம் அதிக வேலை​வாய்ப்புகளை வழங்கி, மாபெரும் சாதனை நிகழ்த்தி வருகிறது.

இந்திய ரிசர்வ் வங்கி​யின் 2023-24-ம் ஆண்டுக்கான வளர்ச்சி குறித்த ஆய்வேட்​டில் இந்த விவரங்கள் தெரிவிக்​கப்​பட்​டுள்ளன. அதாவது, தமிழகத்​தில் 39,699 சிறு, குறுந் தொழில்கள் உள்ளன. இவை 4,81,807 தொழிலா​ளி​களுக்கு வேலை​வாய்ப்புகளை அளித்​துள்ளன. இதன் மூலம் தமிழகம் 8,42,720 மனித உழைப்பு நாட்​களைக் கொண்​டுள்​ளது.

மகராஷ்டிரா​வில் 26,446 தொழிற்​சாலைகளில், 6,45,222 தொழிலா​ளிகள் பணிபுரி​கின்​றனர். இம்மாநிலம் 7,29,123 மனித உழைப்பு நாட்​களைக் கொண்​டுள்​ளது. குஜராத் 31,031 தொழிற்​சாலைகளில், 5,28,200 தொழிலா​ளி​களி​களு​டன், 7,21,586 மனித உழைப்பு நாட்​களைக் கொண்​டுள்​ளது. தொழிலா​ளர்​களுக்கு அதிக வேலை​வாய்ப்புகளை வழங்​குதல், அதிகள​வில் உற்பத்​தி​யில் ஈடுபடுதல் ஆகிய​வற்றில் மனித உழைப்பு நாட்​களில் குஜராத், மகாராஷ்டிராவைவிட தமிழகம் முன்னிலை​யில் உள்ளது என்பதை இந்த ஆய்வு தெரிவிக்​கிறது.

கரோனா காலத்​தில் நேரிட்ட பல்வேறு இடர்​பாடு​களால் தொழில்​களும், வேலை​வாய்ப்பு​களும் குறைந்த நிலையை திமுக அரசு பொறுப்​பேற்ற பின் சீர்ப்​படுத்தி, முன்னேற்​றத்தை அடைந்​துள்ளது. திராவிட மாடல் அரசு வேலை​வாய்ப்புகளை அதிகரித்​துள்ளதுடன், தொழிலா​ளர்​களின் உற்பத்​தித் திறனை​யும் அதிகரிக்​கச் செய்து, சிறந்த ​முறை​யில் வெற்றி கண்​டுள்​ளது. இவ்​வாறு செய்திக்​குறிப்​பில் தெரிவிக்​கப்​பட்​டுள்​ளது.