எழும்பூர் - விசாகப்பட்டினம் உட்பட 28 சிறப்பு ரயில்கள் ஜூன் 16 முதல் ரத்து

சென்னை: ரயில்வே பராமரிப்பு பணி, ரயில்களின் இயக்கக காரணங்களுக்காக, சென்னை எழும்பூர் - விசாகப்பட்டினம் சிறப்பு ரயில் உட்பட 28 சிறப்பு ரயில்கள் ரத்து செய்யப்பட உள்ளன.

அதன் விவரம் வருமாறு: சென்னை எழும்பூர் - விசாகப்பட்டினத்துக்கு இயக்கப்படும் சிறப்பு ரயில் (08578), விசாகப்பட்டினம் - சென்னை எழும்பூருக்கு இயக்கப்படும் சிறப்பு ரயில் (08577), தாம்பரம் - ஜார்க்கண்ட் மாநிலம் தன்பாத் வாராந்திர சிறப்பு ரயில் (06065), தன்பாத் - தாம்பரம் வாராந்திர சிறப்பு ரயில் (06066), தாம்பரம் - பீகார் மாநிலம் பாரௌனிக்கு இயக்கப்படும் வாராந்திர சிறப்பு ரயில் (06061), பாரெளனி- தாம்பரத்துக்கு இயக்கப்படும் வாராந்திர சிறப்பு ரயில் (06062), தாம்பரம் - மேற்குவங்கம் மாநிலம் சந்திரகாச்சிக்கு இயக்கப்படும் வாராந்திர சிறப்பு ரயில் (06089), சந்திரகாச்சி - தாம்பரத்துக்கு இயக்கப்படும் வாராந்திர சிறப்பு ரயில் (06090), ஆகிய ரயில்கள் ரத்து செய்யப்பட இருக்கின்றன.

மேலும், சென்னை எழும்பூர் - சந்திரகாச்சிக்கு இயக்கப்படும் சிறப்பு ரயில் (06079), சந்திரகாச்சி - சென்னை எழும்பூருக்கு இயக்கப்படும் சிறப்பு ரயில்(06080) உட்பட 28 சிறப்பு ரயில்கள் ரத்து செய்யப்பட உள்ளன. இந்த ரயில்கள் ஜூன் 16-ம் தேதி முதல் படிப்படியாக ரத்துசெய்யப்பட உள்ளன. அடுத்த அறிவிப்பு வரும் வரை இந்த ரத்து அமலில் இருக்கும். இத்தகவலை தெற்கு ரயில்வே அதிகாரிகள் தெரிவித்துள்ளனர்.